بافكر اجيب حته ميجان 2008 .. تنصحوني بيها ؟؟

**daaark** · 01-05-2011 12:19 PM

يا رجاله انا بافكر اجيب حته ميجان 2007 2008 بس قلقان شويه من المشاكل اللي باسمعها عنها فا يا ريت الرجاله اللي معاها ميجان تقوللي ايه الكلام في العربيه دي من ناحيه المشاكل و هل تنصحوني بيها ولا لا ولو نزلت اشتريها ايه الحاجات اللي اخلي بالي منها وقطع غيارها غاليه ولا في رانج العربيات اللي فئتها مع ملاحظه اني معايا فيكترا بي 1600 بردو

**Col. Eng. Khaled** · 01-05-2011 01:44 PM

من فضل الله معايا مو 2008 من الزيرو ، الحمد لله رب العالمين عمرها ما قلّت معايا (كل صياناتي في التوكيل نفسه مش في مركز خدمة معتمد)

ميعاد الصيانة يبقى صيانة ........... أغلى صيانة هي الصيانة الكبيرة "60 ألف كم و مضاعفاتها" = 2500 جنيه في حالة إن طلمبة

المياه مش محتاجة تتغير نهائيا لغاية ال 120 ألف كم ، لو محتاجة تتغير الصيانة = 3000 جنيه .

بالنسبة لقطع الغيار شوف حضرتك عايز تعرف إيه و لو عندي معلومة مش حتأخر بالرد سواء أنا أو باقي الزملاء الأفاضل .

**Col. Eng. Khaled** · 01-05-2011 02:08 PM

المشاركة الأصلية كتبت بواسطة ecybrarian

لا ماتجبيش حتة..هات العربية كلها على بعض :-))))) عربية ممتازة وربنا يوفقك في عربية نضيفة إن شاء الله..وعلى فكرة العقيد خالد ممكن يبص لك على العربية دواخل وخوارج ويكشف لك على الكمبيوتر..و ممكن تضغط عليه يديك سعر كشف اقل من التوكيل

للأسف واضح من بيانات الزميل إنه في إسكندرية ، و فعلا خدمة الكشف أقل 50 % من التوكيل .

**amado318** · 01-05-2011 02:12 PM

عربيه تحفه شكل وثبات مذهل وتسارع ومريحه يعنى كلها مميزات

**ahmed88hassan** · 02-05-2011 03:27 AM

المشاركة الأصلية كتبت بواسطة daaark

شكرا يا رجاله علي المشاركة و علي فكرة يوم ما هانوي انزل اجيبها هانزل اجيبها من القاهرة ان شاء الله بس دعاوتكوا معايا بقا بس في حاجه لو حبيت اكشف عليها اكشف عليها فين ؟؟؟ و ايه الحاجات او المشاكل اللي لو موجوده فيها تخليني ماشتريش العربيه ساعتها والفت نظري عنها مثلا

في حاجة اسمها ترس الدفيزور
ده بتعرف انه بايظ لما تدور العربية الصبح و هيه بارده لما تيجي تدور بتسمع صوت تكتكه كده
الترس ده تمنه 1600 جندي و بيتغير كل 60000 كم تقريبا

**zooma2009** · 02-05-2011 10:07 PM

ربنا يوفقك يا باشا .... انا كمان من اسكندريه وبدور زي حضرتك علي 2008 او 2009 بس استعمال خفييف

ربنا يكرمك ولو عرفت حاجه ياريت تقولي

ممكن ننزل نتفرج سوا ف القاهره لو مفيش ف اليكس