معنديش خبرة وعايز مساعده فى عربيتى 128

السلام عليكم
اكيد طبعا هتعرفوه انى جديد هنا ومحتاج مساعدة بسيطة.
عربيتى موديل 77 معايا من 3 سنين شاريها متسقط فيها موتور ريجاتا 1500 وكان راكب فيها كاربراتير 2 باب لكن كان فيه مشاكل كتير غيرته باب واحد بتاع موتور ال28 حسيت انها مخنوقه شويه بس مش دى المشكلة .
حاليا الماتور خفيف على حسب اقوال الميكانيكيه انا عايز اعرف اعمل ايه علشان الموتور يمشى معايا لحد اخر السنة كويس من غير الدخان الكتير اللى بيطلع من خرطوم الفايظ وموضوع الزوايا ده رخم جدا كل شويا اظبط وبعد اسبوع بالكتير تبوظ تانى مع انى غيرت جلب ومقص قبل كده.
وفى مشاكل تانى كتيييييييييييير بس اعرف حل للمشكلة دى الاول وربنا يسهل فى بافى المشاكل

الدخان اللى بيخرج من خرطوم الفايظ عبارة عن بخار زيت ... ومش حا يروح الا بعد ما تعمل عمرة
السؤال هنا : هى بتاكل زيت قد ايه ؟ بمعنى هل الزيت بينقص جامد وبتزوده كل كذا كيلو وللا لأ.
الحل المؤقت لغاية ما تعمل العمرة هو انك تحط لها زيت تقيل بتاع التعاون

أما ضبط الزوايا فأكيد فيه مشكلة فى الشاسيه

مش بينقص جامد يعنى لما اقرب من 1000 كيلو تقريبا بيكون مقياس الزيت قبل الاخر بشوية يعنى عند العلامة اللى تحت وبزود النص كيلو زيت اللى بيفضل لما بغير .
انا لسه مغير امبارح بس ملقيتش تعاون غيرت بترومين كويس ده ولا ايه.
وشكرا على سرعة ردك

العفو .. أنا ما أعرفش نوع الزيت ده للأسف ... بس أكيد أحسن من بتاع التعاون (هههه) والمهم يكون زيت تقيل مش سوبر
ومعدل نقصان الزيت عندك كده عالى نسبياً ... ويمكن فيه حلول مؤقتة لغاية ما تعمل عمرة كاملة والله أعلم

بس الموتور ده كبير اوى على شاسيه ال128 واكيد مأثر عليه وممكن يخليه بيفتح وبيبوظ الزوايا الاحسن بدل ما تعمل بيعه وركب بتاع 128 استيراد

اقتباس:

---

المشاركة الأصلية كتبت بواسطة mrghost

بس الموتور ده كبير اوى على شاسيه ال128 واكيد مأثر عليه وممكن يخليه بيفتح وبيبوظ الزوايا الاحسن بدل ما تعمل بيعه وركب بتاع 128 استيراد

---

+11111111

بالنسبة للدخان حط زيت شمبر مع كل غيار زيت

بس حط نوع نظيف زى stp و ابعد عن الابرو علشان اللى موجود منه معظمه مضروب

اقتباس:

---

المشاركة الأصلية كتبت بواسطة mrghost

بس الموتور ده كبير اوى على شاسيه ال128 واكيد مأثر عليه وممكن يخليه بيفتح وبيبوظ الزوايا الاحسن بدل ما تعمل بيعه وركب بتاع 128 استيراد

---

هو الاستيراد احسن من الريجاتا ال1500.
تكلفتة الموضوع كام او يعنى الموتور ده يتباع بكام والاستيراد كام سعره والمصنعيات بتاعت الفك والتركيب

اقتباس:

---

المشاركة الأصلية كتبت بواسطة maka

بالنسبة للدخان حط زيت شمبر مع كل غيار زيت

بس حط نوع نظيف زى stp و ابعد عن الابرو علشان اللى موجود منه معظمه مضروب

---

زيت شمبر ده انا مش عرفه بتاع ايه ده.
وانا غيرت من يومين ينفع احط منه دلوقتى

اقتباس:

---

المشاركة الأصلية كتبت بواسطة shawkyat

هو الاستيراد احسن من الريجاتا ال1500.
تكلفتة الموضوع كام او يعنى الموتور ده يتباع بكام والاستيراد كام سعره والمصنعيات بتاعت الفك والتركيب

---

هو فى السرعة و النعومة الريجاتا افضل لكن هيبقى كبير على الشاسية

لكن ممكن تخليه مع ظبط العفشة الامامى كويس و تركيب بارات تمسك الشاسية

اقتباس:

---

المشاركة الأصلية كتبت بواسطة shawkyat

زيت شمبر ده انا مش عرفه بتاع ايه ده.
وانا غيرت من يومين ينفع احط منه دلوقتى

---

زيت الشمبر ده بيزود لزوجة الزيت و بيقلل معدل حرقه و بيمنع الدخان انه يطلع الا القليل منه , و فيه ناس بتمشى عليه سنين

حط المرة الجاية لانه تقريبا بيعمل نص كيلو فتحتاج تنزل من الزيت الجديد

اقتباس:

---

المشاركة الأصلية كتبت بواسطة maka

زيت الشمبر ده بيزود لزوجة الزيت و بيقلل معدل حرقه و بيمنع الدخان انه يطلع الا القليل منه , و فيه ناس بتمشى عليه سنين

حط المرة الجاية لانه تقريبا بيعمل نص كيلو فتحتاج تنزل من الزيت الجديد

---

علم وجارى التنفيذ