الحمد لله علي كل شيء (ربنا ستر )

**msco** · 02-05-2011 11:32 AM

حمد لله على السلامة ياباشا ... وربنا يعوضك ويؤجرك فى مصيبتك وكويس انك بتوجه نصيحة للناس اللى بتجري وبتسابق وبتشد

لانها للاسف مش بتعرض نفسها للخطر بس لا بتعرض ناس تانية كمان .. تخيل لو حضرتك كنت خبط فى سيارة جواها اسرة او سايقها راجل كبير ومعندوش خبرة فى السواقة واتقلب او مات .. معتقدش ان في انسان هيسامح نفسه ابدا فى موقف زي دة

السيارة ليست الا وسيلة مواصلات ووسيلة رفاهية الاستمتاع بيها مش بالسرعة ابدااااااااا ولا بالشد والغرز

حمد لله على السلامة مرة تانية وربنا يعوضك خير

**revel_sony** · 02-05-2011 12:16 PM

سلامتك بالدنيا كلها
وقدر الله وماشاء فعل
والواحد مابيتعلمش ببلاش
وكل ده في ميزان خبراتك المستقبليه
وحمد الله علي السلامه

**Ashraf_Ibrahim** · 02-05-2011 01:10 PM

انت بخير اذن العالم بأجمعه بخير
انا عارف انك اكيد زعلان على العربية
بس سلامتك بالدنيا وما فيها
العربية ان شاء الله تصلحها واحدة واحدة وترجعها زي ما كانت
وفعلا السواقة ملهاش كبير
مهما كانت خبرتك ومهما كانت حرفنتك فانت لو ضمنت نفسك -ودا مستحيل- متضمنش الطريق
انا الحمد لله بسوق كتير واحيانا معرفش ايه بيحصل دماغي بتقفل
بكون شايف الموقف قدامي وبتأخر جدا في التصرف
بتحرك زي ما بيقولوا في اللحظة الأخيرة -مش دايما-
بس لما بكون مرهق
الارهاق لوحده كفيل انه يخليك تفقد تركيزك وقدرتك على تحليل الموقف بسرعة
غالبا اللي حصل معاك كان زيت على الأرض ودا احتمال اكبر
نفس الموقف دا حصل معانا بعد نزلة كوبري الفنجري مباشرة
بس احنا مكناش ماشيين بسرعة كنا مجرد ماشين على 40 تقريبا بفيرنا
العربية لفت وخمسات وبتاع والكل لف عشان كان فيه بقعة زيت كبيرة في الأرض وللأسف فيه عربيات خبطت في بعضها في الموقف دا
احنا الحمد لله عربية صاحبي خرجت بدون ما تتلمسش بس انا قصدي ان مواقف الزيت ملهاش دخل بالسرعة
انت كنت على 120 فاحمد ربنا انك طلعت بخير ودا اهم حاجة
وربنا يؤجرك في مصيبتك
وياريت لو تطلع حاجة لله زكاة عن نفسك انك ربنا نجاك من الموقف دا

**NoRmAl** · 02-05-2011 10:39 PM

الحمد لله على سلامتك وهى فعلا أقدار
ممكن تاخد غرزه على 200 وتعدى وأنت مش دارى وطوبه على طريق فاضى تقلبك بالعربيه
ربنا هو الساتر
والحمد لله
بس أنت متأكد أنها توتال لوس؟؟
هو الموتور شكله عايش يعنى!

**Bassel** · 02-05-2011 11:20 PM

مبدئيا العربية دارت بس مش بتمشي
اولا هتحتاج قاعدة ماتور + سدر + كبوت + فوانيس + أيرباج بفرش التابلوه الكنترول بتاعة
كده الليلة دي محتاجة 23 ألف جنيه غير بعد كده في شد الشاسيه + سمكرة 3 رفرف و نجرب نشوف الراديتر شغال ولا لأ على كام خرطوم مقطوع و نراجع على التكيف و كده . و طبعا انا قبل الحادثة كان عندي فردتين كاوتش فيهم في كل واحدة بالونه و كان عندي جنت اتني جامد و عدلته و ركب استبن فشكلها كده طقم جنوت و كاوتش
بس المغري إن قدامي نص أمامي 2.0 بالفتيس الجديد على 40 , اكيد هيكون أحسن لو لقدر الله طلع في مشكلة فالتكيف ولراديتر والحاجات دي .

**ابو حسين** · 02-05-2011 11:25 PM

الحمد لله على سلامتك وربنا يعوض عليك

**NoRmAl** · 02-05-2011 11:58 PM

الجنط المعوج دا لما أتعوج كشفت على عفشه العربيه بعدها؟
ممكن يكون فى حاجه فى العفشه خلتها تعوم بالمنظر دا!

**Bassel** · 03-05-2011 12:19 AM

المشاركة الأصلية كتبت بواسطة normal

الجنط المعوج دا لما أتعوج كشفت على عفشه العربيه بعدها؟
ممكن يكون فى حاجه فى العفشه خلتها تعوم بالمنظر دا!

لع ماكشفتش , طلعت على الطريق و خدت كام لفة على 180 على كام غرزة على 140 مكنش في مشكلة , ده غير انه يوم الجنط كنت ماشي على 60 و صعب يسمع فالعفشه على السرعة دي .

**horas3000** · 03-05-2011 12:39 AM

الف لا باس عليك يا زعيم
و الحمد لله علي سلامتك
و ربنا يعوض عليك

بس منظر الجنط مش مريح ابد
انت لو مشيت عليه من غير كوتش مش هيتاكل بالمنظر ده

عموما قدر الله و ما شاء فعل
و ربنا يرزقك اللي احسن منها

الموضوع: الحمد لله علي كل شيء (ربنا ستر )

LinkBack

أدوات الموضوع

عرض

-

-

-

-

-

-

المواضيع المتشابهه

ربنا ستر...الحمد لله

الحمد لله ربنا نجانى ...خمسة كانوا هيثبتونى ..الحمد لله

الحمد لله ربنا ستر

ربنا ستر الحمد لله

ربنا ستر و الحمد لله، لكن؟؟؟

الكلمات الدلالية لهذا الموضوع

المفضلات

المفضلات

ضوابط المشاركة