هل الزيادة فى أسعار اللوجان منطقية ؟؟؟؟

يا ترى ارتفاع سعر العربية اللوجان ... حوالى 5000جنيه عن أول سعر نزلت بيه .. هل الزيادة دى مبررة؟؟؟
خصوصا إن أنا مقتنع من الأول إن سعر العربية مبالغ فيه لأن المفروض إنها معفية من الجمارك تماما ؟
يعنى واضح جدا جدا إن ربح الوكيل فيها مرتفع جدا جدا ...
وبالتالى ايه الداعى لزيادة السعر؟؟؟
بجد أنا مستغرب جدا ... ونفسى حد يكون عارف الحقيقة ويشرحلنا الموضوع ده؟
بس بعيد عن العواطف والمحبة والذى منه

وهل يا ترى آن الأوان نعرف الاسعار الحقيقية للعربيات دى .. ولا لسة دى من الاسرار المحرم على الشعب معرفتها استمرارا لمسلسل النهب المنظم الذى كان يتعرض له الشعب منذ سنين طويلة؟؟؟

ويا ترى آن الأوان إن حد يفكر فى مصلحة المواطن ... ويحميه من الاستغلال ... ولا لسة التفكير كله فى صالح الوكلاء وكبار المستثمرين ويغور الشعب فى داهية؟؟؟

زادت اكتر من 5 الاف جنيه علي فكره

هي دلوقتي وصلت لكام فول اوبشن؟؟
اكيد عدت ال70 الف

5000 جنيه فين دا ؟
على كونتاكت كارز لسه الفل اوبشنز ب 70000 زى ما هى يعنى زادت 1500 من اول ما نزلت

اقتباس:

---

المشاركة الأصلية كتبت بواسطة airforces

5000 جنيه فين دا ؟
على كونتاكت كارز لسه الفل اوبشنز ب 70000 زى ما هى يعنى زادت 1500 من اول ما نزلت

---

يا باشا انا قصدي من ساعه مانزلت مصر
كانت ارخص من كده بكتير

هي اول ا نزلت كانت ب 72 أو قريب لكدة تقريبا
يعني معدش فيه فرق في القيمة
يعني لما نجبها من رومانيا و ندفع عليها جمارك و ضرائب و نقل زي ما نجبها من المغرب و ندفع عليها ضرائب و نقل بس

طبعا ده استهبال من التوكيل زي أي توكيل عربيات في مصر
هو بيستغل معدلات البيع العالية للوجان و بيعلى السعر عشان عارف ان الناس هتشتري بردو و مفيش رقابة على السوق

دة سعر السيدان ولا الهاتش باك

57.5
62.5
65

سعرها اول مانزلت بالترتيب فاضية نصف كاملة

اقتباس:

---

المشاركة الأصلية كتبت بواسطة ashouhdy

57.5
62.5
65

سعرها اول مانزلت بالترتيب فاضية نصف كاملة

---

55000 الف
62900 الف
66900 الف

دى اسعار العربيه اول ما نزلت مغربى

اقتباس:

---

المشاركة الأصلية كتبت بواسطة mohamed1979

55000 الف
62900 الف
66900 الف

دى اسعار العربيه اول ما نزلت مغربى

---

عشان كدة اتنين صحابى كانوا هيشتروا لوجان وبسبب الاستهبال اللى معدشى بينزل على زور حد بعد الثورة انضموا لحملة المقاطعة . وعلى فكرة انا عملت موضوع قبل كدة هو لو الدولار طلع الاسعار تطلع هل لو الدولار نزل الاسعار هتنزل ولا الموضوع استهبااااااااااااااااال . كل الللى ردوا قالوا الموضوع استهبال . هنشوف مين اللى هيضحك على مين فى الآخر . الشعب المصرى ولا حرامية التوكيلات .

على فكره كل العربيات زادت بعد الصوره

يا جماعة لو نلاحظ ان العربية بتزيد بعد ما كل العربيات بتزيد ومتهيالي الكلام دا الوكيل بيبقي مرغم علية عشان العربية متبقاش اقل في السعر من باقي فئتها فيحتكر السوق وعشان كده اللي انا عارفة ان موضوع ان صيانة عليهم وصيانة علينا دي كانت عشان يوازي فرق السعر اللي بيجيب بية العربية من برة وبيرجعلك جزء من الفلوس اللي هوا واخدها زياده في صورة خدمات لانة مش قادر ينزل العربية عن السعر دا ........ والله اعلم

ياجماعه الموضوع عرض وطلب
طالما العربية مطلوبه وأفضل من منافسيها فى الفئة السعرية دى لازم التوكيل يستغل الفرصه
علشان كده الإعلانات عليها قلت هيعلن ليه والناس جايه جايه وبعدين يبدأ فى رفع الأسعار (الكامله وصلت 71000) ويعمل خصم عند الشراء دلوقتى على كونتكت 70000 جنيه كل ده لإكتشاف إتجاهات السوق
على العموم الموضوع الأهم هو قطع الغيار لأن التوكيل بستغل الثقه فى جوده منتجاته والخوف من قطع الغيار المضروبه فى السوق وبيرفع هامش الربح لأقصى درجة وده حاجة ممكن تخلى ناس كتيره تفكر فى عربيات أقل كفاءه وأرخص فى قطع الغيار ومدى توافرها
ياربت نحدد على الأقل أكثر حاجات التوكيل رافع سعرها بدون مناسبة ونبعت إيميلات جماعيه لرينو هيكون التأثير أفضل إن شاء الله