حسبي الله ونعم الوكيل في التجار

**rompo10** · 01-05-2011 04:46 PM

من فتره نزلت اشتري عربيه من سوق الجمعه نزلت الصبح لقيت الاسعار رافعه جدا وكل السوق تجار تجار تجار وكنت عاوز لانسر اوي بي ام دبانه كل الانسر تجار ومفيش ولا عربيه بجد سليمه والتاجر يحلف ميت يمين ان العربيه سليمه وكام معايا سمكري معرفه ونقوله ياعم العربيه متبهدله يقولي دا دهان الفابريكه السوق كله كدب وغش لازم بجد يكون في رقابه علي السوق ده وبالنسبه للبي ام لقيت كويس بس سي سي عالي فوق 2000 واخيرا حسبي الله ونعم الوكيل في كل التجار واوعي تثق في تاجر حتي لو كان ابوك ولو انت نفسك التاجر اوعي تثق في نفسك

**MISS_MONA** · 01-05-2011 04:50 PM

للاسف مفيش ضمير

**al_manara** · 01-05-2011 05:18 PM

المشاركة الأصلية كتبت بواسطة rompo10

واوعي تثق في تاجر حتي لو كان ابوك ولو انت نفسك التاجر اوعي تثق في نفسك

للدرجة دي فقدت الثقة .

**rompo10** · 01-05-2011 05:27 PM

بجد كل التجار حرميه كبار جدا جدا جدا انا مش عارف بجد ازاي واحد يقبل يعيش من فلوس حرام

**medokemo75** · 01-05-2011 05:30 PM

المال فتنة وإبتلاء

التجار الفجار

إلا من رحم ربى

**tom_gr** · 01-05-2011 07:14 PM

ياجماعة مهو التجار دول مش بيبصلها على انها حرام وحلال

دول بيبصولها على انها شطارة

ربنا يجازيهم باعمالهم

**M.Mostafa80** · 01-05-2011 07:19 PM

فعلا انا كنت هناك الأسبوع اللى فات واسعار العربيات بالميت فيها 5000 ج زياده ماقبلتش مالك واحد يوحد الله اتعامل معاه والنكته بقى
عربيه عجبتنى بره وجوه معادا اجزاء خارجيه وجه الدور على فحص الموتور تزود تلاقى ديل ابيض طالع من الشكمان كأنك ورى عربيه الرش يقوم يقول ايه التاجر يقولك دا جوان غطا التكيهات هو السبب على اساس ان اللى واقف قدامه جاى من ورى الجموسه مع احترامى للفلاحين
مش قصدى الأهانه ولكن قصدى ان الفلاح بيبقى فهمه كله فى الزراعه اللى احنا منفهمش فيها حاجه

**فادى محمد** · 01-05-2011 07:31 PM

ماهو علشان كده كان التاجر الامين في منزله الانبياء والصديقين بس الامين ده فين تلاقيه؟؟ وعلشان كده برده السوق بيكثر فيه الشياطين لان فيه حلف اليمين الكاذب وغش الميزان والتدليس والنفاق والنظر للحرام...اللهم اعفنا واعفو عنا.

لي تجربه مع السوق ده بتاع زهراء مدينه نصر عربيه كريستاله بتاعه صاحبي دخل في تاكسي وقبل الاصطدام مباشره كانت سرعته 160كم فتخيل العربيه وضعها ايه ..باعها علي حالها وبعد كده لقيتها في السوق واقفه عروسه (مغيره نص) وماعرفتهاش الا من رقمها!!

**kar!m** · 01-05-2011 09:57 PM

خليك فى الوسيط و مواقع بيع و شراء العربيات .. و اسأل على أى عربية .. و من كتر ما هتدور .. هتوصل لدرجة انك لما تسمع اللى على التليفون بيقول "ألو" تعرف ان كانت العربية كويسة ولا لأ :-)