السيراتو اتسرقت..حد عنده أي أفكار؟

**gaafar13** · 09-05-2011 09:45 PM

انا اعرف ناس فى العامريه لو عايزين اى حاجه من هناك

**pop504** · 11-05-2011 11:23 PM

ربنا يصبرك وتلاقيها ان شاء اللة ..لكن انا زعلان لاننا للاسف فى البلد دى عايشين وسط حرامية .. يا خسارة

مش يا مصر يا شعب مصر ؟؟؟

**pharonicking** · 15-05-2011 07:04 PM

معلش ربنا يبعوضك خير انشالله

**DrTiMO** · 20-05-2011 02:26 PM

كنت راكن العربية فى أسبورتينج فين ؟؟ بعد النادي أو الشوراع ألى وراء النادي ولا فى مكان مكشوف ؟؟؟

المعروف فى أسكندرية أن الشوراع ألى وراء نادي اسبورتنج غير أمنه تماما حتي محدش يمشي فيها لوحده

**fineart607** · 20-05-2011 02:49 PM

ربنا يعوض عليك وباذن الله هترجع لك عربيتك
ودائما قول اللهم رب الضاله هادى الضاله اهدى لى ضالتى
وحسبنا الله ونعم الوكيل فى الى بيسرقوا وبيرهبو االناس

انا كده قلقت هى اسكندرية اليومين دول اخبارها ايه انا قلت فرصة الواحد يروح قبل الأجازات بس انتم قلقتونى ؟؟؟؟؟؟؟؟؟؟

**raedegypt** · 20-05-2011 04:09 PM

الجيش والشرطه يتفرجوا علينا. يعنى ايه نتسرق ؟؟ يعنى لو كل يوم حملات للشرطه بحمايه الجيش كمائن على الطرق بسيارات مدرعه جاهزة لضرب النار وكام مطب عالى بعد نقط التفتيش علشان ال عايز يهرب يلاقى المطب يقلبه ويكون قناصه واقفين لامساكه . الكمائن توضع بدراسه حول المدن وعلى الطرق وتتغير اماكنها وتفتيش رخص والمشتبه فيهم يكون معهم اتوبيس مخصص لجمع الاشخاص دة وتحويلها للتحقيقات واى بلطجى ولا؟؟؟ يطبق عليه حكم الاعدام فورآ نحن فى فترة انتقاليه والبلد لازم تتطهر من هؤلاء وكلنا نشجع الجيش والشرطه للبدء الفورى للسيطرة على الانفلات الامنى من سرقات وسلاح وووو دة لو عايزين بلدنا الامور فيها تستقر

**salodas** · 20-05-2011 09:05 PM

حاول توصل للحرامى الله يحرقة
أنت فاهم قصدى ...أوصله بأه بأى طريقة

**fars777** · 24-05-2011 02:57 PM

المشاركة الأصلية كتبت بواسطة drtimo

كنت راكن العربية فى أسبورتينج فين ؟؟ بعد النادي أو الشوراع ألى وراء النادي ولا فى مكان مكشوف ؟؟؟

المعروف فى أسكندرية أن الشوراع ألى وراء نادي اسبورتنج غير أمنه تماما حتي محدش يمشي فيها لوحده

شكرا يا جماعة على كل ردودكم...
هي مانت واقفة على الكورنيش في الباركنج اللي على البحر.

اسكندرية بالذات الأمن فيها لسة تعبان خالص...حوادث السرقات كتيرة، ونادرا ما بترجع عربية اتسرقت في الظروف دي، الللي ناوي يروح اسكندرية باخد باله كويس من عربيته.