لأختيار توزيعه حسب اجابتك , ادخل الموقع التالى
الموقع
لأختيار توزيعه حسب اجابتك , ادخل الموقع التالى
الموقع
طيب انا دلوقتى طول حياتى بستخدم الويندوز وفعلا نفسى اجرب اللينكس بس مش فاهم حاجات
هو انا لما اجى انزل اللينكس بعمل Setup لل Linux وحده وبعدين انزل التوزيعه عليه ولا انا بنزل اللينكس والتوزيعه مع بعض وبعملهم Setup مع بعض
ايه احسن توزيعه موجودة دلوقتى؟ وياريت لينك للتحميل (انا لقيت لينك لتحميل ال Ubuntu هنا فى الموضوع)
هل هحتاج انى افرمت الهارد كله وامسح الداتا اللى عليه علشان انزل اللينكس ولا هفرمت البارتيشن اللى هينزل عليه بس؟، وهل هيقرا باقى البرتشنات بالداتا اللى عليها؟ (جميع البارتشنات بنظام NTFS)
لو حبيت اغير من التوزيعه هل هغير النسخة كلها بتاعة اللينكس ام هغير التوزيعه بس؟
انا هنزل الاول اللينكس على Virtual Box علشان اجربه وانا لسه بستخدم الويندوز علشان لو فيه حاجة مش فاهمها، هل هحتاج أى اعدادات خاصة وانا بنزل النسخة ولا انزلها عادى
معلش اسألتى كتير بس انا فعلا لا أفقه شئ فى اللينكس وسمعت عنه كتير ونفسى أجربه
ahrambc بصراحه اثريت الموضوع جدا الف شكر لتفاعلك
طب انا دلوقت نزلت ubuntu 12.04 LTS بس انزل ازاى تعريفات الجهاز لانى مش لاقيها فى اى حته ولا حتى السايت بتاع الماذر
كل حاجة متعرفة يا باشا
أنا تحت أمر حضرتك فى اى حاجه أعرفها و نبدأ سؤال بسؤال
- التوزيعه هى نفسها نظام التشغيل لينكس و مع الواجهه ايضا , فكل ما عليك هو عمل داون لود لتوزيعه و حرقها على اسطوانه و بذلك تكون قد حصلت على نظام لينكس كامل .
- لمعرفة أى توزيعه تناسبك ستعتمد على حاجتين فى البدايه : مستوى معرفتك باللينكس و امكانيات جهازك , و باعتبارنا كلنا مبتدأين فتكون التوزيعات المناسبة لنا هى بالترتيب :
اوبنتو ثم كوبنتو ثم منت ثم بنجاى
لو جهازك قوى ( اكتر من ٢ جيجا رام - كارت شاشه اكتر من 512 ميجا ) استخدم اى توزيعه .
لو جهازك متوسط ( ٢ جيجا رام - كارت شاشه اقل من 512 ) استخدم اوبنتو أو كوبنتو
لو جهازك ضعيف ( اقل من ٢ جيجا رام + كارت شاشة قديم جدا ) استخدم لينكس منت .
لينكات التحميل :
Ubuntu
Kubuntu
Linux Mint
Pinguy
الخطوات العامه :
١- ادخل على رابط التوزيعه التى تريدها
٢- اختار النسخه المناسبه لك ( ٣٢ بت أو ٦٤ بت حسب البروسسور ) و اذا كنت لا تعرف امكانياته اختار ٣٢ بت .
٣- حمل النسخه و ستكون على شكل ملف ISO
٤- احرق الملف على اسطوانه CD لتوزيعات اوبنتو و كوبنتو أو اسطوانة DVD لتوزيعات منت و بنجاى .
ويندوز ٧ محمل عليه البرنامج الذى يحرق ملف الأيزو , أما مستخدمى XP و فيستا فيمكنهم تحميل هذا البرنامج Infra recorder و هو مجانى و صغير الحجم .
و بكده يكون عندنا الأسطوانه جاهزة .
سأكمل فى مداخلة تاليه
بعد أن حصلنا على اسطوانة النظام يمكننا تجربتها
نضع الأسطوانه فى DVD أو CD و نعمل رستارت للجهاز بحيث يفتح من الأسطوانه ( لو مش عارف ازاى قولى و انا اوضح ) و غالبا ده بيكون اختيار رئيسى فى معظم الأجهزة .
عندما تفتح الأسطوانه سيكون عندك اختيارين .... اما تنزيل اللينكس ... أو تجربته بدون عمل أى تغيير فى الجهاز .
اقترح عليك تجربته اولا لكى تتأكد من أن كل مكونات الأجهزة تعمل بشكل طبيعى و متعرفه بشكل آلى و هذا ما يحدث فى معظم الحالات ... بعض كروت الشاشه من نوع نيفيديا الحديثه جدا قد تحتاج لتعريف اضافى و كل حالة سوف نناقشها على حده لأنها حالات خاصة و ليست حالات عامه .
فأنت لا تحتاج لتعريفات فى معظم الحالات لا للوايرلس و لا لكروت الشاشه و لا حتى للبلوتوث أو usb الخاصة بالأنترنت ... كله يعمل بشكل اتوماتيكى فى ٩٥ ٪ من الحالات .
بالنسبه لأنزال الينكس أمامك عدة اختيارات ... اما انزال اللينكس وحده أو انزالة بجانب الويندوز .
و بالتالى بالنسبة لتقسيم الهارد .. امامك عدة اختيارات : لو احتفظت بالنظامين فستخصص مساحة فقط 20جيجا أو 15 جيجا للينكس و سيتم تقسيمهم بنظام اسمه ext4 .
سيستطيع اللينكس أن يقرأ و يتعامل مع ملفات الويندوز بكل سلاسه و يسر و لكن الويندوز لن يقرأ ملفات اللينكس . و لذلك لن تحتاج لأن تغير أيا من البارتشنز الأخرى التى بنظام NTFS .
لو عندك أى استفسار آخر فى هذه النقطه أكون سعيدا بمحاولة الرد عليه .
ليس هناك أى داع لأنزال Virtual box لتجربته لأنك يمكنك تجربته من خلال الأسطوانه بدون احداث أى تغيير , لكننا سنحتاج لهذا البرنامج اذا كان اللينكس هو النظام الوحيد على الجهاز لتشغيل بعض البرامج أو الألعاب التى ليس لها بديل مفتوح المصدر
تحت أمر حضرتك فى أى استفسارات
اشكرك جدا على المجامله
فى الحقيقه أنا أعتبر هذا العمل من قبيل " العلم الذى ينتفع به " و من قبيل " خيركم من تعلم العلم و علمه " و لقد ساعدنى اناس كثيرين فى تعلم القليل الذى أعلمه و هذا واجبى أن أنقل العلم .
اللينكس آمن و مستقر و شرعى أيضا فلا سرقة للنسخ و لا كراكات ولا فيروسات
بالأضافه الى أنه محمى من الأختراق لحد كبير و تجسس الحكومات و الشركات لحد معقول .
تمام
معظم مكونات الكمبيوتر لا تحتاج لتعريفات الا فى بعض الحالات الخاصه .
جميع اجهزة HP و Dell و ِToshiba و Acer لم تقابلى فيها اى حالات خاصه .
حالة واحده فقط كانت لكارت تليفزيون( كارت خاص جدا ) و لم يكن عندى وقت كاف للبحث عن تعريف له و شغلته عن طريق Virtual Box
ايضا يجب أن نعرف أن مايكروسوفت تحارب لينكس بشده حتى أنها تشترط على شركات المعدات عدم كتابة تعريفات للينكس حتى تعطيهم المواصفات الفنيه لكتابة درايفات الويندوز .
ايضا تشترك ويندوز مع نوكيا فى هذا الموضوع و لذلك فقد قررت مقاطعة منتجات نوكيا ايضا و اللجوء لأنظمة الأندرويد ( و الذى يعتبر من منتجات لينكس )
طيب ايه افضل توزيعه بواجهه جميله لجهاز سوني vaio z والبرسوسور core i7 والرامات 8 وتتوقع ممكن اقابل مشاكل بخصوص الهارد حيث ان الهارد ssd طبعا هما هاردين ssd بسعه 256 وشغالين بمصفوفه raid 0 حيث ان اي بيانات بتتقسم علي الهاردين علشان اسرع بالضعف عند تركيب هاردين بمصفوفه رايد 0 وطبعا انا بركبها بجانب الويندوز وهل ٥٠ جيجا كافيه لابونتو مثلا
معلهش اسئلتي كتير ولك جزيل الشكر علي ردودك وسعه صدرك
كفيه قوي 50 جيجا بس لو كرت الشاشة عندك ati نزل واجهة kde بلاش gnome عشان فيها مشاكل مع الati
ايوه اوبونتو 12.04
جهاز جميل جدا اللهم صلى على سيدنا محمد
٥٠ جيجا أكثر من كافيه
بخصوص الهاردات أقترح عليك تجرب التوزيعه قبل الأنزال و تتأكد من أنها قرأت الهاردات بصوره صحيحه .
اجمل توزيعه شفتها كانت Kubuntu علشان المؤثرات البصرية اللى فيها
و عموما يمكنك تشغيل برنامج اسمه Compiz و يعطى تأثيرات خطيره و لا نهاية لها
داونلود التوزيعه و جربها و أتأكد انه كله تمام و بعدين نكمل
دلوقتي عندي مشكله وهي الريزليوشن عالي جدا وعيوني احولت من كتر البحلقه في الشاشه الشاشه عندي 1080*1920 وكل ما احاول انزل الريزليوشن ما فيش اي خيارات بس هو الخيار الوحيد عندي وطبعا الشاشه سيئه جدا بالقياس ده اي حلول او اراء علما بأن كرت الشاشه intel hd 3000
اذا كنت تستخدم Ubuntu
ادخل على شاشة الأعدادات System settings
من قسم الهارد وير اختار Addiontal Drivers
و تأكد من عدم وجود درايفات لكارت الشاشه يطلب انزالها أو تشغيلها
الصورة
http://img10.imageshack.us/img10/429/selection001.jpg
ثم ادخل من الأعدادات على Monitor و غير الرزليوشن
الصوره
http://img201.imageshack.us/img201/6...lection002.jpg
جرب و اطلعنى على النتيجه
للاسف في الوقت الحالي مثبت backtrack 5 r3 علي الهارد ومخصص لها ٥٠ جيجا وامس حملت ubuntu وحرقتها علي dvd ولكن جربتها فقط بدون تثبيت ولكن الريزليوشن نفسه في الباك تراك والابونتو وغير قابل للتغير حاليا جربت علي باك تراك ومافيش عندي في قسم الهاردوير Addiontal Drivers معلهش انا اسف علي تعبك معاي ولك جزيل الشكر
لم اجرب الباك تراك بسبب تخصصها فى الشبكات و لذلك لا استطيع افادتك فيها
اذا كنت ستنزل الأوبنتو , فبعد انزالها و تحديثها جرب Addtional Drivers لأن الدريفات تظهر بعد الأنزال و التحديث .
بالمناسبة الباك تراك مبنية على الأوبنتو و لكنى لا اعرف اين يوجد System setting الخاص بها لأنى لم ارها من قبل بسبب عدم حاجتى لها .
اذا كنت مهتما بالشبكات أو Hacking عموما أنصحك بألأبونتو مع تركيب ادوات الباك تراك عليه حيث أن ما أعرفه هو ان الباك تراك توزيعة ضعيفة الحماية الا مع وجود مستخدم محترف بسبب كثرة و توافر الأدوات .
سألت أحد الأصدقاء عن كيفية اضافة Additional Drivers فى الباك تراك
ادخل الترمينال و اكتب
sudo apt-get install jockey-gtk
هل تم حل الموضوع أم لا تزال هناك مشكله
ياريت حضرتك تقول لنا اهم البرامج اللي ممكن تشتغل علي ابتنو وتغني عن ويندوز ... مثلا برامج الاوفيس و تعديل الصور وما شابة ...
متابع .... نايس توبيك ..
.
لا والله اخوي للاسف لسه وحتي من خلال بحثي في بعض المواقع الاجنبيه وجدت القليل جدا من يتكلم عن هذه المشكله وفي حلول بس طويله جدا ومعقده جدا نفس الرابط هذا
[GUIDE] Loading the i915 driver in the 3.2.6 kernel without adding unsupported PPA's
عموما الف شكر علي تعبك واهتمامك بالمشكله
بخصوص البرامج المكتبيه Office فهناك حزمة برامج Libre office و هى لا تقل بأى حال عن Microsoft office بالنسبة للمستخدم العادى بل تزيد عنها بأمكانية عمل ملفات PDF .
تستطيع حزمة Libre office قراءة ملفات الوورد و الباور بوينت و الأكسيل و التعامل معها و الحفظ بصيغتها .
الوورد فى ليبرا اوفيس اسمه رايتر
الأكسيل فى ليبرا اوفيس اسمه كالك
الباور بوينت فى ليبرا اوفيس اسمه امبريس
الأكسيس فى ليبرا اوفيس يسمى بيز
اما بخصوص برامج تعديل الصور فبرنامج Gimp يعتبر أشهرها و أقواها و لا يقل عن الفوتو شوب للمستخدم العادى و المتوسط و بداية الأحتراف و يوجد العديد من البرامج الأخرى .
طبعا كل البرامج مفتوحة المصدر و مجانية و شرعيه .
و لأى برامج أخرى , لا تتردد فى طلب البرنامج و سأبحث لك عنه .
ما الافضل في تقسيمه البارتشن للابونتو او باك تراك لاني لاحظت تقسيم البارتشن الي ثلاثه اجزاء جزء سواب وجزء للهوم والجزء الاخير للتوزيعه فما هي التقسيمه المناسبه للاجزاء الثلاثه في حاله تخصيص بارتيشن بحجم ٥٠ جيجا مثلا يعني مثلا اخلي السواب كام والهوم كام
السواب المفروض يكون ضعف الذاكرة أو حسب أنت ناوي تستخدم برامج بتستهلك ذاكرة كتيرة و لا لاءة .
بأي حال 2 جيجا معقول .
بالنسبة للنظام نفسه مع جزء البيت (الهوم) ممكن يكونوا في تقسيمة واحدة
و لكن أنا بأفضل كل قسم يبقى لوحده .
يعني مثلا ممكن تخلي الهوم أو البيت 10 جيجا .
و 40 جيجا للنظام علشان يبقى عندك مساحة كافية تنزل برامج زي ما أنت عايز .
يعني في الآخر هاتفرق على حسب أستخدامك أنت .
شكرا توت طيب انا عندي الرامات 8 جيجا الافضل اخلي السواب كام ويكون الاداء سلس وسريع لو خليتها 4 جيجا حلو ؟؟ والهوم هخصص ليه 10 جيجامثلا وباقي ال 50 اخليها للنظام كده ده كويس ؟ والف شكر لاهتمامك وردك
يا باشا ما شاء الله .... 8 جيجا كدا أنت مش محتاج سواب أصلا .... و لكن أحتياطي خليه 2 جيجا .
أنا عندي اللاب بتاعي 2 جيجا
ببقى مشغل برامج كتيرة و دي بتكون المساحة المستخدمة فقط لا غير في الصورة التالية :
http://i46.tinypic.com/28t9gki.jpg
ده مؤشر يوريك أن لينوكس بيستهلك قليل قوي من موارد النظام .
دي صورة تانية و أنا مشغل أوبن أوفيس (ليبر أوفيس ) و كمان جيمب و فيارفوكس و جوجل كروم و برنامج مشاركة ملفات على الأنترنت و برنامج ملفات النظام .
http://i48.tinypic.com/1e6vl0.jpg
الصور دي توريك أنك مش محتاج سواب أصلا .
و لكن للأحتياط خليه 2 جيجا كفاية قوي .
و خلي 10 للبيت .......... و الباقي للنظام علشان تبقى تنزل برامج على مزاجك .
أو ممكن برضه تعمل كله في تقسيمة واحدة
تخلي البيت و النظام على 60 كله .
الف شكر توت وفيت وكفيت كده انا فهمت الليله السواب ده بيكون علشان لو رام قليله المساحه الي بتخصصها بتكون بديل للرامات او بتستغل علي انها رام والهوم بيكون ك فولدر لاي حاجات شخصيه كتحميلات وخلافه والجزء الاخير بيكون للنظام الف شكر لاهتمامك وردودك
شكرااااااااااااا جزيلا يا باشا كلك ذوق .. بس استفسار صغير
انا نزلت ابتنو علي برتشن بس النت مش عايز يشتغل مش عارف لية مع انة شغال علي الوندوز الشبكة ظاهرة ومتصل بيها بس النت بردوا مش شغال
البرامج اللي حضرتك اشرت اليها دي بتشتغل مع اي ليونكس ..؟؟؟ ولا لازم اشوف نسخة متوافقة مع ابتنو
شكرااااا مرة اخري ... وجزاك اللة خيرااا
لا شكر على واجب
١- بخصوص النت : هل تقصد شبكة الوايرلس أم النت السلكى .. عموما اعطى مزيدا من المعلومات و سأحاول الأجابه .
لو كنت تقصد الوايرلس .... فمن ٍSystem settings ادخل على Additional Drivers و شوف هل هناك درايفرز ينبغى انزالها ( طبعا بتوصيل نت سلكى ).
معاك خطوه بخطوه
٢- بخصوص البرامج التى ذكرتها :جميعها تعمل على أى توزيعه مبنيه على ديبيان مثل ابونتو و كوبنتو و اكس بونتو و ال بونتو و منت و بنجاى و غيرها و بعضها يعمل على أى نظام لينكس ايا كان بشرط اختيار النسخه المناسبه للتحميل .
معظم هذه البرامج تكون جاهزة مع بعض التوزيعات مثل توزيعة Linux Mint و لكن يكون حجم التوزيعه ضخم يزيد عن 1.75 جيجا و معظم المستخدمين يفضلون حجما صغيرا للتوزيعه لا يزيد عن 700 ميجا و يقومون بعد انزالها بتنزيل ما يحتاجون اليه فقط .
بخصوص برامج الأوفيس .... برنامج Libre office يأتى جاهزا مع معظم التوزيعات .
انا مش عارف انزل اي درايفرات بسبب النت الشبكة ظاهرة وعامل كونكت عليها لكن ما فيش نت جربت استخدم كابل من الراوتر للجهاز بردوا ظاهر انة عمل كونكت بس مافيش نت بردو جربت فلاشة موبينيل هو البرنامج اللي بيشتغل معاها علي الوندوز ما طلعش بس من الشبكات لاقتها موجود وحاولت اعمل كونكت معاها بيعمل كونكت ثواني ويفصل تاني ومفيش نت بردو
مش عارف المشكلة فين ؟؟؟ خضرتك بتقول في برامج كتير بتيجي مع منت بس انا جربت منت من ستنين ثلاثة لمدة يوم مرتحتش ليها يمكن ابتنو افضل في شكل الدسك توب الايكونات الظاهرة علي جنب الشاشة ولاقيت كمان ايكونة سوفت وير سنتر وفيها برامج كتير بس منت الدسك توب كان فاضي وحسيت انة عقيم عموما هي لسة عندي علي cd مش عارف دي عملوا ليها اب ديت ولا لسة زي ماهى ؟؟؟ وحضرتك قولت ان ابتنو افضل وانا نزلت النسخة اللي حضرتك حاطت اللينك بتاعها
كمان اتصلت ب t data وسألتهم قالولي مش بيدعموا ليونكس ... انا لما بشغل ويندوز النت بيشتغل عادي ... لما اشغل ابتنو ما فيش نت مع انة شايف الشبكة وكمان كل الشبكات الويرلس وعامل كونكت ... اعمل اية ؟؟؟؟
طيب نتكلم عن البرامج أولا
نسخة لينكس منت اللى انا حاطط الوصلة بتاعتها هى أحدث نسخة متوافرة لآن و هى منت ١٣ و اسمها Maya و تعتبر من أكبر النسخ حجما و ذلك لأن بها عدد ضخم من البرامج الجاهزة .
هذه البرامج تكون موجوده فى قائمة Menu على يسار اسفل الشاشه.
كل التوزيعات التى ذكرتها هى توزيعات مبنية على أوبنتو فى الأساس و الأختلاف هو فى شكل الواجهة المصاحبة للتوزيعه و طالما أنك تفضل واجهة Unity المصاحبة لتوزيعة اوبنتو القياسى فلا مشكلة .
نأتى لمشكلة الشبكة
فى الأساس عندما تنزل الأوبنتو هو يطلب منك أن تكون متصلا بالأنترنت من خلال سلك و ذلك لأنه ينزل تعريفات الأجهزة اتناء التثبيت و يبدو أن هذا لم يحدث .
وسائل الأتصال بالأنترنت ثلاثه مبدأئيا : السلكى و الوايرلس و كروت Usb
بخصوص Usb modem فلا تحتاج الى برنامجها الخاص لكى تعمل و انما تعمل مباشرة .
لدينا حلان مبدأيان :
الحل السهل : هو اعادة تثبيت الأوبنتو مع توصيل سلك شبكة الى الجهاز .
الحل الأصعب : هو حل المشكله من خلال خطوات متتاليه و لكننا بالتأكيد سنتعلم أشياء كثيره فى الطريق .
و أنا أفضل الطريق الصعب ... فما رأيك
عملت لك فيديو سريع لأن الشرح بالصور ممل نوعا ما
[youtube]http://www.youtube.com/watch?v=9jRzrrtvYk4&feature=youtu.be[/youtube]
اولا شكراااا علي الفيديو وبعدين حضرتك عامل الدسك توب كدة ازاي يعني شبة الماك ؟؟
انا عملت اللي حضرتك شرحتوا في ديو قبل كدة ومفيش فايدة ... وحاولت اكتب في تغير الاعدادات يدويا رقم dns جديد بس زرار save مش مفعل بالتالي مش عارف اعمل حفظ
امبارح النت اشتغل علي usb شوية وفصل وحاولت اشغلة تاني مفيش فايدة
علي فكرة كنت عايز اسأل حضرتك 1- هو مفيش كليك يمين في ليونكس ؟؟ كمان ازاي نعمل save as لصورة وكمان كوبي وبست ؟؟2- لما نسطب برنامج ومش تلاقية ظهر في القائمة اللي علي يسار الشاشة يبقى راح فين ونجيبة منين ؟؟
لو فية خطوات تانية اعملها علشان اشغل النت يارت حضرتك تقولها .... واشكرك شكرااا جزيلااا وجزاك اللة خيراا