الموضوع: ازاي تنضف فلتر التكييف (جين 2 & بيرسونا )

بسم الله الرحمن الرحيم
السلام عليكم ورحمة الله وبركاته
اتمنى ان يكون الجميع بخير وبصحه جيده ان شاء الله

في البدايه وقبل ما نبدأ الخطوات
احب اني اشكر ابو مريم لمساعدته في الخطوات دي وتوجيهاته جزاك الله كل خير يا فندم

نتوكل على ونبدا
اولا مكان فلتر التكييف تحت درج التابلوه
ودي صوره للتوضيح الخارجي



الجزء اللي بالطول ده هو غطاء الفلتر
وبيتفك ب 3 خطوات بالظبط
الاولى الكلبس الجانبي



والثانيه الجزء الظاهر امامك اللي هو منحني ادامك ده



وفي جزء مش ظاهر هيتفك مع خروج الجزء الظاهر من مكانه

بعد ما يتفك غطاء الفلتر هتلاقي الفلتر بكل سهوله نازل بشكل عمودي
بالشكل ده


طبعا بعدها هتنضف الفلتر , في طريقتين
الاولى بالهواء وده طبعا مش هيعمل اي حاجه معاه لان التراب بيكون ماسك فيه بشكل غير طبيعي وتعبك هيروح عالفاضي

الطريقه التانيه وهي الطريقه العمليه والفعاله تحت ماء فاتر وفرشه اسنان وتنضف بالراحه ويستحسن تكون فرشه الاسنان ناعمه وطبعا تنضف بالراحه جدااااااااااا لان الفلتر مش هيستحمل قسوه لازم حنيه وحنان
طبعا هتلاقي التراب بينزل على شكل خيوط كدا بلون رمادي ومعاها خيوط من الفلتر نضف كل ده ومتشلش خيوط الفلتر شيل خيوط التراب بس

طبعا بعد الغسيل بالماء الفلتر لازم يتنشف وعندك حلين
الاول انك تسيبه كام يوم ينشف براحته
التانيه انك تحطه ادام المروحه كل وش نصف ساعه وهيبقى زي الفل

وبعد كدا تنفذ الخطوات السابقه بشكل عكسي

ملحوظه رقم واحد : يمكن اضافة نقطتين فقط من زيت عطري ( اصنص ) اي نوع وهتخلي ريحة العربيه جميله (اقتراح ابو مريم)
الاصنص هو الماده الخام بتاعت اي برفيم وبتكون بدون اي اضافات (زي سبرتو ومثبت )

ملحوظه رقم اتنين : رجاء الهدوء وانت بتعمل الخطوات دي وعلى اقل اقل اقل من مهلك

واخيرا شكرا جزيل وواجب لابو مريم والف تحيه ليه

وبالتوفيق ان شاء الله

تم إظهار الصور بواسطتي

مشرف القسم 1ب

1-5-2011 06:27م