عايز رد من كل الاعضاء

**amz2011** · 02-05-2011 01:27 AM

لو اتعرض عليك جنسية خليجية و تتخلى عن المصرية. ترفض ولا توافق؟

**sayed911** · 02-05-2011 01:32 AM

اتعرض على والدي (وانا معه بالتبعية) في 2005 ورفضنا رفض كلي وكان من دولتين من دول مجلس التعاون الخليجي ..

**omar-saad** · 02-05-2011 01:35 AM

مصرى وافتخر
فى حد يسيب جنسية بلد اتذكر اسمها فى القرءان
علشان شوية فلوس وناس استفغر الله العظيم
بيمصوا دمك وفى الاخر يقولك انتو بتشتغلوا عندنا
بلدنا الايام دى محتاجالنا كتر من اى وقت
العالم كله بيتباهى بينا
اروح اغير جنسيتى
لالالالالالالالالالالالال الالالالالالالالالا

**amz2011** · 02-05-2011 01:36 AM

باصيلى الجنسية و انا هوافق

**hobiko** · 02-05-2011 01:39 AM

إنت أكيد بتهزر !!!!!!!!!!!!!!!!!!!!!!!!!

لأ طبعاً ...............................

**casperinoo** · 02-05-2011 02:06 AM

مفيش حد في مصر دلوقتي بيفكر في جنسيه تانيه غير الحزب الوطني واحنا اسفين ياريس ..اللي بيتمنوا لمصر كل شر علشان يثبتوا انهم صح والشعب غلط

**Ghost2** · 02-05-2011 02:10 AM

ارفع راسك فوق انت مصري

**blazer** · 02-05-2011 02:34 AM

كان ممكن قبل 25 يناير
انما بعدها لالالالا
مش عشان حاجه انا عارف ان فيه بلاوى موجوده
بس عرفت ان فيه امل
و هى اصلا مش بالجنسيه احنا كلنا مسلمين والحدود دى اللى عملها الغرب واحنا المفروض نشيلها

**SYD** · 02-05-2011 04:17 AM

يبدو ان السائل لا يعرف معني الوطن
اي ان كان لو انت سعودي هتفتخر بانك من اهل مكة او المدينة
لو كويتي
لو امريكاني بردو هتفتخر
كل واحد فينا عنده في حياته قيم لا يمكن التخلي عنها
انا سمعت كلمة من واحد لا يمكن هنساها
الراجل دة مصري ودكتور في الجامعة وكان في انجلترا
كان بيقول ان مصر زي امه وهو طلع لقي مامته مش بتعرف تقرا بس هو فخور بيها جدا جدا جدا وقال هعمل ايه مصر زي امي وطلعت لقيتها كدة بس هو فخور ببلده جدا
وانا أؤيده في كلامه مصر وطني وزي امي حتي لو كانت فيها سلبيات بس هي امي، حد بيتبري من امه؟؟؟؟؟؟
وكفاية ان الي يموت في سبيل وطنه بيبقي شهيد
والرسول عليه الصلاة والسلام لما الكفار اخرجوه من مكة قال اعلم انك افضل البلاد الي قلبي لولا ان اهلك اخرجوني منك
اعتقد ان الرسول قدوتنا ولازم نتعلم منه حب الوطن اي ان كان مصر ولا مكة ولا حتي امريكا طالما وطني يبقي لازم احبه ودي مغروزة في كل واحد فينا وحاجات اتفرضت علينا زي الام والاب واضيف عليهم الوطن
ومصر زي ما العضو قال مذكورة في القرآن والرسول ذكرها في حديثه وقال علينا خير اجناد الأرض
وبعدين احنا عايشين في امان حتي بعد احداث يناير وواكلين من خيرها وربنا ذكر النعمتين دول في القرآن وبيعتبروا اكبر نعمتين في الدنيا وهما مقومات الحياة
بسم الله الرحمن الرحيم
لِإِيلافِ قُرَيْشٍ ، إِيلافِهِمْ رِحْلَةَ الشِّتَاءِ وَالصَّيْفِ ، فَلْيَعْبُدُوا رَبَّ هَذَا الْبَيْتِ ،