الله ينور عليك
فعلا طريقة هايلة ....و متهيألي كدة حيبقي سهل جدا
عرض للطباعة
تعالوا بقي النهاردة نركب عداد ال RPM السبورت
عدادات ال rpm موجودة عند كل محلات الكماليات بتبدأ من 80 جنية الي 900 جنيه
الانواع الكويسة بتبدأ من 150 جنيه
انا اشترين العداد من من زميل ليا هنا معانا في المنتدي
لاقيت ان العداد طالع منه 4 اسلاك ........ سلك احمر للكهرباء....و سلك اخضر بتاع مؤشر ال rpm و ده بيتوصل لسالب الموبينة.....و سلك لونه وردي فاتح للنورر بتاع العداد .......و سلك بني للأرضي
روحت لكهربائي عشان يركبهولي بسرعة و أخلص.........قالي مش حينفع عندك....!!!
سألته ليه؟؟ قالي اصل الفيرنا 2 موبينة...كل موبينة علي 2 بوجيه....لو وصلت واحدة حتجيلك نصف القراية.....!!!
قلتله اعمل ايه يعني ...قالي رجعه....!!
بعد اما رجعت البيت قعدت ادور علي النت و في مواقع اجنبية لاقيت ان فيشة العداد فيها سلك جاهز لل rpm ......حتي لو عربيتك الفيرنا هاف اوبشن و مفيهاش rpm
قولت لازم أتأكد فسألت استاذ ashohdy معانا هنا في المنتدي و فعلا اكدلي الموضوع ده
قولت هيا بنا نلعب بقي....
اول حاجة زي ما عملنا في تغير لون العدادات
اول خطوة حنفك العلبة الفيبر اللي ورا الدريكسيون و هي عبارة عن 3 مسامير زي ما موضح في الصورة
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img839.imageshack.us/img839/1003/spa0646i.jpg
بعد اما نفك المسامير حتبقي عبارة عن جزئين نفكهم عن بعض بايدك لأنهم متركبيين علي بعض عن طريق كلبسات (الموضوع سهل جدا )
تاني حاجة حنفك الفيبرة اللي علي العداد اللي لونها اسود و هي عبارة عن مسمارين... مربوطين فيها فوق زي ما موضح في الصورة و انا مشاور فيها علي المسامير
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img191.imageshack.us/img191/7663/spa0649.jpg
بعد اما فكينا المسامير نمسك الفيبرة ديه من تحت و نشدها واحدة واحدة عشان فيها كلبسين من تحت و حتلاقيها طلعت معاك
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img846.imageshack.us/img846/568/spa0663.jpg
كدة حتلاقي العداد في وشك علي طول مربوط ب 4 مسامير.... في كل ركن مسمار زي ما موضح في الصورة
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img689.imageshack.us/img689/1508/spa0651.jpg
شد العداد بقي حتلاقيه طالع في ايديك
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img832.imageshack.us/img832/9490/spa0652i.jpg
حتلاقي بقي في ظهر العداد فيشتين واحدة صغيرة و واحدة كبيرة ...شدهم و اخلعهم ...هما رخمين شوية بس شدهم و متخافش و زي ما موضح في الصورة
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img825.imageshack.us/img825/6192/spa0653f.jpg
الكلام لحد هنا مفيهوش جديد ......
تعالوا نبص بقي علي الفيشة الكبيرة.......حتلاقوا في سلك لونه رمادي هو ده بتاع ال rpm ...حتلاقوني مشاور عليه في الصورة ديه
حنروح قطعين السلك ده و نوصله بسلك ال rpm اللي في العداد السبورت بتاعنا اللي لونه اخضر
طيب سلك الكهرباء بقي حنجيبه منيين ؟؟ احنا عايزين اما ندور العربية... الكهرباء توصل للعداد.....روحت دورت علي سلك الكهرباء في الفيشة الصغيرة اللي في العداد بتاع العربية و لاقيتها الحمد لله ... و هو عبارة عن سلك لونه برتقاني و انا مشاور عليه في الصورة
http://img838.imageshack.us/img838/7287/spa0654.jpg
حنروح موصليين بيه سلك الكهرباء الاحمر اللي في العداد السبورت بتاعنا
كده بقي ناقص اننا نوصل سلك نور العداد........انا كنت ممكن اوصله بسلك الكهرباء و خلاص.....بس كده العداد حينور الصبح و بليل......!!
روحت فاتح الكابوت و جايب الفيشة بتاعت النور السهاري اللي في الكشاف......و موصل بيها سلك زي ما انا موضح في الصورة
و روحت ممشي السلك في الكبوت و مدخله ورا التابلوه ....زي ما موضح في الصور
حنبص ورا التابلوه عند الدواسات حنلاقي السلك موجود زي ما ان موضح في الصورة
و علي فكرة السلك ده حيفيدني بعد كدة في موضوع شرايط الليدات اللي حكتبه بعد كدة ان شاء الله
كدة بقي نوصل السلك ده بسلك نور العداد بتاعنا اللي هو لونه وردي فاتح
و كدة مش حيبقي فاضل غير السلك الارضي اللي لونه بني...و ده طبعا نوصله بأي حتة في شاسية العربية
ملحوظة: طبعا الاسلاك ديه كلها نحاول نمشيها ورا التابلوة عشان ميبقاش باين غير العداد بس
و كدة يبقي خلصنا خلاص و نبدأ نرجع كل حاجة زي ما هي نركب العدادات في الفيش و نركب الفيبر كله
و تبقي الصورة النهائية كده
يا رب اكون وفقت في الشرح
و ان شاء الله بكرة حكتبلكوا تقرير ازاي نركب شريط الليدات
مبروك يا باشا علي التظبيطات
تسلم ايدك و دماغك
ايه الحلاوه دي ربنا يباركلك.
مستنين كل يوم حاجه جديده بقى ( انت اللي جبته لنفسك) هههههههه
فكره حلوه جدا بس ياترى الليزر الاحمر ده مش بيسيح من سخونيه اللمبات ؟؟؟؟؟
ربنا يخلييك .....ورشة مرة واحدة.....مش كفاية المستشفي:36_1_50[1]:
الله يبارك يا باشا
عنيا ليك يا باشا
ليزر احمر ايه ؟؟؟ حضرتك قصدك اللزق الاحمر ؟؟
لأ يا فندم بقاله بتاع 6 شهور او اكتر و محصلش حاجة الحمد لله
الله ينـور عليـكـ
شغـل رايـق
موضـوع متميــز تسلم ايدك
بالتوفيق