مشكلة صغيرة (وعايز اعرف هل انا غلطان )

**viper911s** · 02-05-2011 11:23 AM

مع العلم يا شباب انها البنت الوحيدة عندهم وعندهم ولدين واحد اكبر منها وواحد اصغر
فا بيحبوا يريحوها

**Khaled Online** · 02-05-2011 11:26 AM

توكل على الله وروح اقعد مع والد البنت الأول
اتكلم معاه بهداوة وفهمه الموضوع من الألف للياء ...بس من غير ما تجيب سيرة إن أهلك خايفين من المستقبل
شوف والدها هيقولك إيه. خد رأيه واسمع منه..يمكن يقول حاجة تريحك
نصيحتي الوحيدة لازم تكون واضح وصريح...ومن اللي انت كاتبه أنا شخصيا مستبشر ده فيك
وربنا يوفقك

**smsm_cato** · 02-05-2011 11:43 AM

اول حاجة انا رايى انك تقعد الاول مع والدك قعدة حلوة وتحاول تقنعة بالموضوع لان رضا الوالدين فى الموضوع ده اهم حاجة هو اللى هيفتحلك ابواب الرزق تانى حاجة تعرض الموضوع بصراحة شديدة على اهلها وتشوف ردهم ايه بس لو هيساعدوك اتاكد الاول من طبيعة اخلاقهم لان فى ناس بتعمل كده وعادى الموضوع يمشى وبعد الجواز اى مشكله ولو بسيطة بينك وبين مراتك هتلاقيهم بيقولولك زى الافلام العربى انت كنت جاى مش لاقى تاكل واحنا اللى عملنالك كل حاجة انت نسيت نفسك احنا خيرنا عليك وتبقى نصيبة لو مراتك قلتلك زيهم تبقى نهاية الجواز قربت انما لو اهلها متدينين واخلاقهم كويسة متقلقش من موضوع المساعدة ده ابدا لان الظروف اليومين دول صعبه على الكل والناس كلها عارفة ظروف الشباب والجواز

**viper911s** · 02-05-2011 11:45 AM

المشاركة الأصلية كتبت بواسطة honda4ever

توكل على الله وروح اقعد مع والد البنت الأول
اتكلم معاه بهداوة وفهمه الموضوع من الألف للياء ...بس من غير ما تجيب سيرة إن أهلك خايفين من المستقبل
شوف والدها هيقولك إيه. خد رأيه واسمع منه..يمكن يقول حاجة تريحك
نصيحتي الوحيدة لازم تكون واضح وصريح...ومن اللي انت كاتبه أنا شخصيا مستبشر ده فيك
وربنا يوفقك

واللة مش هتصدق انا قعدت
مع والدها ووالدتها واخوها فى البيت عندها من مدة كبيرة فى الزيارة الى انا روحتها
والدتها مرتحالى جدا جدا
والدها كلامة معايا انو قالى ظروفك كدة واضحة ومفيش مشاكل بس لما اهلك يجوا ونساويها مع بعض
انا شوفت فيهم الخير وبقول ربنا هيسهل
وانا طبعى فعلا انى صريح جدا بالذات فى الموضوع دة
بس الى مستغربلة اهلى ومش عارف اتصرف معاهم لحد لما حسيت انى انا الى غلطان انى فكرت فى الجواز

**viper911s** · 02-05-2011 11:50 AM

المشاركة الأصلية كتبت بواسطة smsm_cato

اول حاجة انا رايى انك تقعد الاول مع والدك قعدة حلوة وتحاول تقنعة بالموضوع لان رضا الوالدين فى الموضوع ده اهم حاجة هو اللى هيفتحلك ابواب الرزق تانى حاجة تعرض الموضوع بصراحة شديدة على اهلها وتشوف ردهم ايه بس لو هيساعدوك اتاكد الاول من طبيعة اخلاقهم لان فى ناس بتعمل كده وعادى الموضوع يمشى وبعد الجواز اى مشكله ولو بسيطة بينك وبين مراتك هتلاقيهم بيقولولك زى الافلام العربى انت كنت جاى مش لاقى تاكل واحنا اللى عملنالك كل حاجة انت نسيت نفسك احنا خيرنا عليك وتبقى نصيبة لو مراتك قلتلك زيهم تبقى نهاية الجواز قربت انما لو اهلها متدينين واخلاقهم كويسة متقلقش من موضوع المساعدة ده ابدا لان الظروف اليومين دول صعبه على الكل والناس كلها عارفة ظروف الشباب والجواز

هتصدقنى انى بقالى سنة بحاول اقنع فيهم
كل الى فى دماغهم انهم علشان (كانوا زمان فى فلوس وكان والدى فى الشغل فا علاقات كبيرة )وحاليا بقالوا 10 سنين الدنيا بايظة معاة وعلى المعاش فا بيقولوا افرض الناس لما يسئلوا علينا هيقولولهم اننا ناس اغنيا وساعتها هيطلعوا عنيك اقولهم يا جماعة ما احنا هنقول ظرفنا يقولوا لا بصراحة تعنت تام
تاعبكم بس بصرراحة وصلت لمرحلة وحشة
انا بدأت اكرة البنت بسبب الموضوع دة وتقريبا كرهت الخطوبة كمان
بس ححاول اكلمة والدى تانى

**ahmed4000** · 02-05-2011 01:33 PM

فى حديث بما معناه ان اللى بيمشى فى طريق جواز كان حق على الله ان يرضيه

فلو اى حد قعد يحسب عمره محيتجوز

والله انا اتجوزت ومعرفش الفلوس جت منين

ربنا بيكرم

ومدام معاك مبلغ متفكر تجيب ولو شقة صغيرة وتكمل قسط ولا المبلغ ميجبش؟

مرتبك يقضى ايجار جديد لغاية لما الدنيا تتحسن (مع ان الواحد بيستحرم يرمى فلوس فى الايجار)

**shaddadfalcon1** · 02-05-2011 01:44 PM

انا شايف انك تشوف حاجه ايجار جديد او قديم وتدفع المبلع اللي معاك خلو رجل احسن ماتبني دلوقتي ومش مضمون الشقه تتهد فتببقي ضيعت فلوسك

**viper911s** · 02-05-2011 02:11 PM

المشاركة الأصلية كتبت بواسطة ahmed4000

فى حديث بما معناه ان اللى بيمشى فى طريق جواز كان حق على الله ان يرضيه

فلو اى حد قعد يحسب عمره محيتجوز

والله انا اتجوزت ومعرفش الفلوس جت منين

ربنا بيكرم

ومدام معاك مبلغ متفكر تجيب ولو شقة صغيرة وتكمل قسط ولا المبلغ ميجبش؟

مرتبك يقضى ايجار جديد لغاية لما الدنيا تتحسن (مع ان الواحد بيستحرم يرمى فلوس فى الايجار)

ايجار جديد حرام وبصراحة مش هقدر استحملة لكن ممكن قديم
ما دة الى انا بقولة هما بيحسبوا بشكل غريب وبدات احس انهم بيعاندوا فيا مثلا

المشاركة الأصلية كتبت بواسطة shaddadfalcon1

انا شايف انك تشوف حاجه ايجار جديد او قديم وتدفع المبلع اللي معاك خلو رجل احسن ماتبني دلوقتي ومش مضمون الشقه تتهد فتببقي ضيعت فلوسك

المشكلة مع اهلى هما رافضين انى ابنى واو اجيب شقة ايجار قديم وفيش فى دماغهم غير اصبر وبس
وواضح انهم حاطين فى دماغهم انى مضحوك عليا والناس واكلة بعقلى حلاوة والكلام دة
عارف تحس انهم بيتلككوا
علشان كدة انا بقولكم انا اتصرف معاهم ازاى

**Khaled Online** · 02-05-2011 04:17 PM

المشاركة الأصلية كتبت بواسطة viper911s

ايجار جديد حرام وبصراحة مش هقدر استحملة لكن ممكن قديم
ما دة الى انا بقولة هما بيحسبوا بشكل غريب وبدات احس انهم بيعاندوا فيا مثلا

المشكلة مع اهلى هما رافضين انى ابنى واو اجيب شقة ايجار قديم وفيش فى دماغهم غير اصبر وبس
وواضح انهم حاطين فى دماغهم انى مضحوك عليا والناس واكلة بعقلى حلاوة والكلام دة
عارف تحس انهم بيتلككوا
علشان كدة انا بقولكم انا اتصرف معاهم ازاى

طيب، انت مبدائيا مطمئن لأهل خطيبتك (باعتبار ما سيكون بإذن الله)
يبقى التركيز زي ما بتقول على أهلك انت
نقي يوم تكون فيه الدنيا رايقة ووالدك أعصابه هادية واقعد معاه...وإن شاء الله الموضوع كله يخلص زي ما انت عايز إذا قدرت تقنع والدك بانه يوافق وتتقدموا رسمي
المطلوب منك :
1. تطمنه إن مفيش بناء هيحصل...ده انت نفسك يا راجل مش مطمئن
2. توصله حقيقة ثابتة..إن الجواز سواء النصيب مع البنت اللي عايزها انت أو غيرها لازم يكون في إيجار قديم لأن مفيش حد يقدر على التمليك وإن كان يقدر يبقى الله يقويه في التشطيب ووجع قلبه
3. أخيرا اسأله وحلّفه إن يجاوبك بصراحة: انت ليه يا والدي قلبك مش مرتاح للموضوع؟ هل البنت ولا الجواز عامة وتكاليفه؟ لو البنت يبقى فهمه معدنها وحاول تخلي والدتك تشوفها ويقعدوا مع بعض... إن كانت تكاليف الجواز عامة، قله الدنيا ملخبطة مع الكل مش إحنا بس.. الدنيا النهاردة ملخبطة، الله أعلم بكرة فيه إيه ومفيش حاجة بترخص لا رغيف العيش البلدي ولا الريش والبيتزا :)

بس لازم تكون محضّر نفسك كويس قوي قبل ما تقعد معاه. اعتبرها جلسة اتخاذ القرار في الموضوع
وربنا يقدم ما فيه الخير ليك وللبنت

**viper911s** · 02-05-2011 04:26 PM

المشاركة الأصلية كتبت بواسطة honda4ever

طيب، انت مبدائيا مطمئن لأهل خطيبتك (باعتبار ما سيكون بإذن الله)
يبقى التركيز زي ما بتقول على أهلك انت
نقي يوم تكون فيه الدنيا رايقة ووالدك أعصابه هادية واقعد معاه...وإن شاء الله الموضوع كله يخلص زي ما انت عايز إذا قدرت تقنع والدك بانه يوافق وتتقدموا رسمي
المطلوب منك :
1. تطمنه إن مفيش بناء هيحصل...ده انت نفسك يا راجل مش مطمئن
2. توصله حقيقة ثابتة..إن الجواز سواء النصيب مع البنت اللي عايزها انت أو غيرها لازم يكون في إيجار قديم لأن مفيش حد يقدر على التمليك وإن كان يقدر يبقى الله يقويه في التشطيب ووجع قلبه
3. أخيرا اسأله وحلّفه إن يجاوبك بصراحة: انت ليه يا والدي قلبك مش مرتاح للموضوع؟ هل البنت ولا الجواز عامة وتكاليفه؟ لو البنت يبقى فهمه معدنها وحاول تخلي والدتك تشوفها ويقعدوا مع بعض... إن كانت تكاليف الجواز عامة، قله الدنيا ملخبطة مع الكل مش إحنا بس.. الدنيا النهاردة ملخبطة، الله أعلم بكرة فيه إيه ومفيش حاجة بترخص لا رغيف العيش البلدي ولا الريش والبيتزا :)

بس لازم تكون محضّر نفسك كويس قوي قبل ما تقعد معاه. اعتبرها جلسة اتخاذ القرار في الموضوع
وربنا يقدم ما فيه الخير ليك وللبنت

ححاول انى اقعد معاة تانى فى وقت كويس وربنا يقدم ما فية الخير بجت تعبتكم
بس معلش انا تعبت من الموضوع دة اوى