حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

**masterzmind** · 02-05-2011 03:27 AM

والله انت اللى نرفزتنى اوى بجد
ايوة يا سيدى اعلمك تلبس اية لو انت مش عارف تلبس اية فين
ممكن تروح سينما بجلابية ؟؟؟
ممكن تروح فرح بالجلابية ؟؟؟؟
اشمعنى ممكن تروح نادى من اجمل ان لم يكن الاجمل على الاطلاق بين نقابات مصر كلها بجلابية ؟؟؟
مش فى حاجة اسمها regulation ؟؟؟
لو دخلت الاوبرا فى حفلة من الحفلات الموسيقى العربية لازم تبقى لازم بدلة مش جلابية بس
لية منحترمش قوانين المكان
وبعدين هوة انا فى السعودية علشان يبقى الزى الرسمى بتاعى الجلابية ولا اية
الجلابية دى فى البيت او يوم الجمعة غير كدة منظرها غير حضارى وغير راقى لان ياريت كمان اللى بينزل بجلابية دة بينزل بجلابية شكلها حلو ومكوية كدة ولابس جزمة كلاسيك شيك كدة عليها
لا معروف بيبقى نازل بيها شكلها ازاى

يا عم انا حر اروح فرح وسينما ومسرح واطلع القمر بجلابية انت زعلان فى اية انت مالك بلبسى

**masterzmind** · 02-05-2011 03:30 AM

كلام مظبوط و اى نادى ممنوع تمشى بملابس السباحة يعنى المايوة غير على مكان حمام السباحة ز دة فى أى مكان . و لو سابو كل واحد يدخل ب الى هو عاوزة حا تلاقى الناس حا تدخل حلل محشى معاها و فسيخ و يقولك احنا أحرار .
أؤيد كلام حضرتك جدا

ايوة عشان المايوة دى انت ميصحش تمشى وانت عريان كدة ادام بنات اختى اختك انا معااااك لكن انا لبس جلابية يبقى كدة انا مجرم ومنظرى مقزز

**elfashn** · 02-05-2011 03:30 AM

المشاركة الأصلية كتبت بواسطة masterzmind

هوة معنى انو لبس جلابية يبقى مش محترم ..... انا شايف انى دى حرية اجى بى شبشب بى جلابية انا حر .... اما الراجل الى بيقول حلل محشى انا معاك طبعااا ميصحش بس لبسى دى حريتى وليس من حقك التدخل فيها وانا داخل اى مكااااااان بمقامى اولا وثانيا فلوسى لا تجبرنى البس اة وعمل اية

حضرتك مقامك جلابيه؟؟؟؟؟؟وبعدين فلوس ايه؟؟؟ ده نادى معمول للمهندسين وعائلاتهم وبيدخلو الضيوف بخمسه جنيه

**samehafez** · 02-05-2011 03:32 AM

انا شايف ان اللبس ده حرية شخصية ....

**heshamzaky** · 02-05-2011 03:33 AM

المشاركة الأصلية كتبت بواسطة masterzmind

هوة معنى انو لبس جلابية يبقى مش محترم ..... انا شايف انى دى حرية اجى بى شبشب بى جلابية انا حر .... اما الراجل الى بيقول حلل محشى انا معاك طبعااا ميصحش بس لبسى دى حريتى وليس من حقك التدخل فيها وانا داخل اى مكااااااان بمقامى اولا وثانيا فلوسى لا تجبرنى البس اة وعمل اية

على فكرة سعادتك بتخلط الامور ببعضها و بتقولنى كلام ما قولتهوش و معنى كلامى واضح جدا جدا جدا . الانسان المحترم محترم لشخصة سواء لابس جلابية أو بدلة أو قميص و بنطلون أو بيجامة . لكن أحترام المكان الى هو داخلة و الذوق العام دة حاجة أخرى . أنت ممكن تدخل تحضر فرح ب الجلابية دة صعب شوية و مش بيحصل . من المفترض أنة يلبس الشبشب داخل المنزل و لو خارج بيلبس حذاء الذوق العام كدة . و مش ممكن ما جناش سيرة فلوس لانى ذكرت أن ممكن جدا الجلابية الى هو لابسها تكون أغلى من تمن البدلة ب 10 مرات زى بدل العرب دول غالين جدا و أغلى من البدبة . بس الذوق العام حاجة مختلفة .
جرب كدة تدخل أى نادى ب الجلابية مش حا يحصل و لا أى نادى عادى و لا أى نادى للقوات المسلحة حا يدخلوة كدة

**mido_soliman** · 02-05-2011 03:36 AM

المشاركة الأصلية كتبت بواسطة masterzmind

يا عم انا حر اروح فرح وسينما ومسرح واطلع القمر بجلابية انت زعلان فى اية انت مالك بلبسى

اولا انا مش عم انا مهندس
ثانيا اسلوبك دة يخلينى متمسك برائى اكتر من الاول لان هوة دة بالظبط اللى احنا مش عايزينة يحصل
ان كل واحد يفسر الحرية على مزاجة

**JUVENTUS** · 02-05-2011 03:37 AM

الموضوع ملوش علاقة بأمن دولة و لا حاجة لانه مش موجود اصلا
ايام النظام السابق اللي كان بيتمنع الملتحي دلوقتي معادش الكلام ده
مينفعش ادخل مكان راقي بجلابية طبعا كل مكان له نظامه و قواعدة لازم التزم بيها
انا لما كنت في الكلية (كلية خاصة) روحت يوم بالشبشب مرضيوش يدخلوني ابدا لانه ممنوع الدخول بالشبشب
و مدخلتش الا ما اتأكدو اني عامل عملية و مينفعش البس غيره
و الامثلة كتير على اماكن فيها القواعد دي

**heshamzaky** · 02-05-2011 03:37 AM

المشاركة الأصلية كتبت بواسطة masterzmind

ايوة عشان المايوة دى انت ميصحش تمشى وانت عريان كدة ادام بنات اختى اختك انا معااااك لكن انا لبس جلابية يبقى كدة انا مجرم ومنظرى مقزز

مش معنى أنة لابس جلابية انة مجرم و لا مقزز . بس مفيش نادى أى نادى حد بيدخلة لابس جلابية . الكلام دة فى القاهرة . فى بعض المحافظات عادى جدا و مشروع جدا أن الناس تروح الفرح بجلابية سلو البلد كدة أنما فى القاهرة ما ينفعش .

**masterzmind** · 02-05-2011 03:42 AM

اولا انا مش عم انا مهندس
ثانيا اسلوبك دة يخلينى متمسك برائى اكتر من الاول لان هوة دة بالظبط اللى احنا مش عايزينة يحصل
ان كل واحد يفسر الحرية على مزاجة

وانا مهندس اتصالات فى جامعة العاشر من رمضان ........... والله يا جماعة معلش يعنى دى حرية شخصية محدش لى دعوة البس اية ولا اعمل اية بدل انا مش بأذى حد محديش لى عندى حاجة ....

-

الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

LinkBack

أدوات الموضوع

عرض

-

-

-

المواضيع المتشابهه

اعرف موقفك قبل انتخابات نقابة المهندسين

نادي نقابة المهندسين بالسادس من أكتوبر

نادى نقابة المهندسين

اسكان نقابة المهندسين

سؤال عن رحلات نقابة المهندسين

الكلمات الدلالية لهذا الموضوع

المفضلات

المفضلات

ضوابط المشاركة