اقتباس:
المشاركة الأصلية كتبت بواسطة mido_soliman
ايوة يا سيدى اعلمك تلبس اية لو انت مش عارف تلبس اية فين
لا يا باشا مش من حقك تجبر حد على لبس معين لأنها حاجة متخصكش
وإلا تسمح للناس يلبسوك برضه اللي يعجبه بالأمر
اقتباس:
المشاركة الأصلية كتبت بواسطة mido_soliman
ممكن تروح سينما بجلابية ؟؟؟
ممكن تروح فرح بالجلابية ؟؟؟؟
يعني لو واحد من الأرياف وعايز يدخل فرح أو سينمكا بالجلبية اللي هو بيعتبرها أفضل لبس عنده
ونفترض إنه رايح فرح قريبه
لو قريبه إستعر منه يبقى إنسان معندوش أصل ومش متربي لأنه بيستعر من لبس أهل بلده
اقتباس:
المشاركة الأصلية كتبت بواسطة mido_soliman
اشمعنى ممكن تروح نادى من اجمل ان لم يكن الاجمل على الاطلاق بين نقابات مصر كلها بجلابية ؟؟؟
مش فى حاجة اسمها regulation ؟؟؟
حيث إن التشبيه السابق ثبت خطأه
بالتالي ما بني على باطل فهو باطل
اقتباس:
المشاركة الأصلية كتبت بواسطة mido_soliman
وبعدين هوة انا فى السعودية علشان يبقى الزى الرسمى بتاعى الجلابية ولا اية
صحيح هو حضرتك بصفتك مصري اللبس بتاعك إيه أو الزي الشعبي الرسمي ؟؟؟؟؟
أتحداك تجاوب
لو قلت البدلة
أقلك وقبل الإستعمار كان المصريين عريانين وقرود ولا كانوا لابسين حاجة غير البدل ؟؟!!
لو ليك قرايب في أحد أرياف مصر ولا في الصعيد إنزل زورهم يمكن تعرف إن الجلابية مش في السعودية بس
الرئيس المرحوم السادات مكانش قليل الأصل زي مبارك وبالتالي مكانش بيستعر من أهله
لذلك كانوا بيجيبوه في التلفزيون وهو يزور القرى والنجوع وقريته وهو لابس الجلباب البلدي
لأنه عنده أصل مش بيتمرغ في جزم أمريكا وبيسرق شعبه لغاية لما تقوم عليه ثورة تمحو إسمه كما فعل بمبارك الذي لم يزر قريته بعد توليه الرئاسة لمدة ثلاثين سنة ولا مرة واحدة
اقتباس:
المشاركة الأصلية كتبت بواسطة mido_soliman
الجلابية دى فى البيت او يوم الجمعة غير كدة منظرها غير حضارى
منظر غير حضاري
كلمة مطاطية تمتاز بتلونها وتغير معناها وإستخدامها في كل حوار
صدقني لو جبنا اللي كان لابس جلبية ممكن جداً يرد عليك بنفس كلامك ويقولك إنه برضه شايف إن ما تلبسه أنت شخصياً سواء كنت لابس ترنج أو بدلة أو قميص وبنطلون هو منظر غير حضاري
ولو رديت عليه وقلتله إنه مجنون هيرد عليك بنفس الكلمة وهتدخل نفسك في دوامة لأنك بتعتدي على أذواق الناس لظنك إنك اللي مفيش زيك في الذوق الرفيع
ومتعرفش إن كل الناس زيك عندهم ذوق بيحترموه ويمنعوا أي حده يوصفه بأوصاف إنتقاص أو إحتقار او مطاطية بلا معنى
وبخصوص إن الجلابية للبيت وليوم الجمعة هذا قانون تطبقه على نفسك فقط وليس لك القدرة على فرضه على غيرك
اقتباس:
المشاركة الأصلية كتبت بواسطة mido_soliman
وغير راقى لان ياريت كمان اللى بينزل بجلابية دة بينزل بجلابية شكلها حلو ومكوية كدة ولابس جزمة كلاسيك شيك كدة عليها
لا معروف بيبقى نازل بيها شكلها ازاى
صدقني في كده وفي كده
وفيه جلاليب تمنها بتمن 10 بدل
وفيه ناس بتنزل بلبس قميص وبنطلون أو بدلة مكرمشين ومش نضاف كمان
فبلاش تعمم على موضوع الجلاليب لأن أصحابها فيهم محترمين كثير ويقدروا يردوا على كل كلمة قلتها فيها إحتقار لهم بكلمة زيها تماماً
لأن مش من حق حد يحتقر الآخرين لأنهم مش لابسين زي ما هو لابس