الموضوع: انا محتار اشترى ماتركس ولا نيو اكسنت

انا رأى ماتريكس عربية بتاعت كلة

دي فئه و دي فئه تانيه خالص
شوف انت عاوز ايه من العربيه
انا لو مكانك حجيب النيو اكسنت بصراحه

شوف يا سيدي الفاضل انا قلت اشرك في اجابة سؤالك دا لاني كنت علي وشك اسئلة وانا في نفس حيرتك بين الاتنين وخصوصا الاتنين سعرهم متقارب جدا ، لكن انا عاوز اقولك نتيجة البحث اللي انا عملته ميادنيا وفي اوكار كلا العبربيتين
الاول هبداء بمتعة القيادة --
بالنسبة للماتريكس انا ركبتها وسوقتها وانا مش بحكم عليها انا بس بقول رائي في سواقتها لمسافة طويله ، هي ممتعة جدا في سواقتها وبتدي ثقة اوي لانك شايف كويس اللي قدامك وكمان ممتعة تحس بجد انك في عربية سهل منها تشوف اي حاجة حواليك وتستمتع لدرجة انك ممكن تتصور انك لو بصيت لفوق هتلاقي بانوراما تشوف منها السحاب بجد هي ممتعة وكمان القاعدة فيها مريحة جدا لان طولي 181 سم في الركوب والنزول غاية في البساطة والراحة والتكيف كويس جدا خلي بالك انا مش بتكلم علي الماتريكس التركي انا مسوقتهاش اصلا ---- المهم العربية العزل الصوتي لخارج العربية حلو جدا وناعمة اوي وفيها عملية غير عادية في مناطق التخزين من اصغر حاجة لغاية انك ممكن تنقل فيها تلاجة كبيرة -- اللي ضايقني ان قوة الانوار الامامية مكنتش حلوة وتغيظ وخلي بالك انا شوية ثوري وبتاع خناقات فبعبر بزيادة ههههههههه المهم العربية فيها ورا داش بورد ممكن تحس انها مجهزة لاكل الاطفال او يعني شبة اللي في اتوبيسات السياحة العربية بجد اقدر اقول انها لذيذة جدا في سواقتها وخلي بالك نوع الراحة اللي في الماتركس اثناء سواقتها يغريك فور النزول منها بالرغبة في شراها ودا عن تجربة - يعني بعد ما تسوفها هتشتري الا لو انت بتحسبها كتير زيي -- العربية حلوة جدا ولذيذة جدا وواسعة اووووي وتشيل 5 ركاب براحة غير طبيعية
بالنسبة لقيادة نيو اكسنت -----\
انا مسوقتهاش لكن رركبتها في معرض محطة بنزين وطنية علي الاوتوستراد
وهقولك عن انطباعاتي عليها
تحس ان الاجزاء البلاستيكية افضل من حيث الجودة عن الماتريكس التابلوة الداخلي احسن كتير وخصوصا اني مقتنع ان تابلةه العربية بتاع قائد السيارة مش شرك لركابها زي ساعة الحائط كدااا في الماتركس ----- ما علينا خلينا في النيو اكسنت انا بصراحة عاجبني التصميم بتاعها اوي وانا عارف انها نسالة اذواق لكن انا بعد فضلك بقول رأئئ المهم وانا طولي زي ما قولتلك 181 لما ركبت كنت بردوا مرتاح جدا وكمان اللي راكب في الكنبة الخلفية مرتاح بس مش بارحة الماتركس خالص لكن العربية عربية كويسة اوي وكمان صاجها احسن وموتورها اقوي من الماتركس بيولد 112 حصان اقوي من الماتركس بشوية بس خلي بالك حجم الماتركس ووزنها كبير اوي علي موتورها وموتور النيو اكسنت اقوي وهي اصغر كتير من الماتركس بس انا من الفريق اللي بيفضل يروض القوة علي انه يقوي الضعف -- غير كدا ان النيو اكسنت مش منتشرة اوي زي الماترركس يعني فيها لمحة من التميز بالفاوانيس الامامية والشبكة الامامية كلها حلوة وشكلها عاجبني بس انا ليا عيب علي النيو اكسنت ان عقرب سخونة العربية اتلغي وعملو بداه لمبه انا شايف ان الهدف هو التوفير مش الشياكة لان العداد في موديل 2006 نيو ماتركس كان التابلوه اشييييييييييييك كتير بس ساعتها كان في عيب وراي عدم انتشار واستمرار نجاح العربية النيو اكسنت علي الرغم من سمعتها المحموده للموديلات السابقة والسبب ان الدريكسيون كان كولو سينسورز كهرباء ومكنش بيفصل الباور علي السرعات العالية وكان فيه خطورة بجنون علي اتزان السيارة لكن دا اتعالج في موديل 2008 --- كمان النيو اكسنت عربية كوري الماتركس تركي بس ليا كمان ملاحظة مفاتيح التكيف في النيو اكسنت رديئة جدا وبجد هتلاحظ فيها الرغبة العارمة للتوفير علي حساب الجودة انا عاوز اقولك اني مأجل الموضوع لغاية ما اشوف الكيا ريــو او السيراتو اللي الاخ غبور ما عملش حسابة ساعتها انهم ممكن ينافسوه لكنهم جايين تاني وتحت رعاية اسم معروف هو السيد / محمد نصير المهم اصبر شوية بتاع 10 ايام وبعدين قرر صحيح انا معجبنيش حاجة فيالماتريكس وناس كتير مش بتاخد بالها منها انا عن نفسي مش بحب العربية اللي فتحة شنطتها تفتح علي مقصورة الركاب زي الجين 2 وزي الماتركس يعني وكمان شنطة الماتركس ةاسعة راسيا جدا وافقيا تثني الكنب بقي وتعزل من العربية وتنقل علي منطقة تانية لكن العربية السيدان زي النيو اكسنت شانطتها حلوة جدا وواسعة وممكن تحط بازوكا وتعمل ساوند سيستم من الراقي -
المهم اسف للاطاله وفاضل افكرك اصبر لغاية ما تشوف الكيا ريو وسيراتو لاني ركبت الكيا سنة 2005 وكانت فوق الممتازة من جوا بالنسبة للنيو اكسنت بجد وبعدين الاحسن تبص علي السيراتو عربية كبيرة وقوية وتنافس النيو النترا وارخص منها ب 8000 جنية اتمني اكون عرفت ارجح كفة اي قرار انت ناوي علية ولسيادتك خالص امنياتي بالتوفيق في اتخاذ قرارك اي ان كان -

اية يا miko دة حرام عليك كل دة ..(بس تحليل حلو )
انا هاقول رايى ببساطة الماتيركـــــــــــــــس

الماتريكس بكل بساطه برده

الماتريكس تكسب