يا ناس ضرب نار في منطقتنا

**evram** · 02-05-2011 03:43 AM

انا سكن في شارع سليم الاول و لسة جاي من دلوقتي و اا ماشي لازم اعدي علي ميدان ابن الحكم انا عديت و في اولة كده ببص لاقيت يجي 10 بلطجية و ماشين بيعدو من قدام عربيتي معهم سنج و مطاوي و سيوف كبيرة اوي اوي اوي و وقفوة ميكروباصين و نزلو السواقين و اكيد هينزلوة الركاب انتو عارفين الباقي بقي مشيت ل قدام شوية عند الميدان نفسوة لاقيت نقطة جيش بلغت الظابط و هو مشي مكان ما قولتلة المهم اتصل بيا واحد صحبي قايل متجيش عند عمارت البناين حاجة كده دي مابيني و مابين جسر السويس بقولو ليهي ا محمد قالي انا لسة كنت معدي و ضرب نار و ناس ميتة بالهبل و مسيبين كلاب في الشرع و المسدسات بتزغرط و السنج و السيوف و نصايب روحت بيتي لاقيت الناس متجمعة و واقفين سائلت في ايه قالولي واقفين حماية و الدنيا خربانة عندنا و الجيش قليل و لا حياة لمن تنادي

**heshamzaky** · 02-05-2011 04:02 AM

فى الزيتون بيحصل ضرب نار ب الليل ناس بتعدى على موتسيكلات و شوية صيع و بلطجية و بيضربو بطبنجات فى الهواء الكلام دة بقالى أسبوعين على الاقل ربنا ياخدهم بجد

**evram** · 02-05-2011 04:23 AM

بيقولة شباب في العمارة الي قدامنا خاطفين واحدة و بيدوروة علي الشباب و ضرب نار ضرب نار بالهبلللل

**Ahmed Anwer** · 02-05-2011 04:28 AM

غريبة أووي دي منطقة المفروض تكون أمان !!

منطقة التجنيد و وحدات عسكرية كتير و نقطة الشرطة العسكرية اللي تحت كوبري التجنيد

و مدينة الضباط كمان !!

**evram** · 02-05-2011 04:47 AM

انا ساكن و ورايا وحدة جيش

**MRBEBO** · 02-05-2011 04:51 AM

انا فعلا بسمع بعد حظر التجول صوت موتسيكلات ماشية بسرعة جنونية وصوتها عالي جدا .... منطقة ترعة الجبل

**eng.m7md.ali** · 02-05-2011 04:52 AM

ههههههههههههه استراحة المشير طنطاوي في ميدان ابن الحكم ويبقى فيه ضرب نار وبلطجية؟؟؟ بلد عجيبة هما خلاص قلبهم ميت للدرجة دي؟

**evram** · 02-05-2011 04:54 AM

اه والله

**MOUSTAFA_SAAD** · 02-05-2011 06:07 AM

ربنا يستر

**Ducati** · 02-05-2011 06:19 AM

عصابة تسرق ركاب "الميكروباص" بالإكراه

تعددت البلاغات أمام اللواء أسامة الصغير مدير الإدارة العامة لمباحث امن القاهرة حول سرقة العديد من المتعلقات الشخصية الخاصة بالكثير من المواطنين خلال استقلالهم سيارات الأجرة بمنطقة الجراح بجسر السويس فى طريقهم إلى حى السلام.

فتم وضع خطة للقبض على الجناة برئاسة العقيد عبد العزيز خضر رئيس مباحث فرق مصر الجديدة والمقدم طه فوده رئيس مباحث النزهة والنقيب محمود أبو الحسن بالاشتراك مع القوات الأمنية بقسم النزهة.

وبالفعل تم القبض على المتهمين الثلاثة أثناء تواجدهم داخل سيارة أجرة "سيزوكى " تحمل رقم 738 أجرة مصر بقيادة "وائل .س" 30 سنة عاطل مقيم بالخانكة وكان بحيازته خنجر و"وأمير.س"22 سنة وبحيازته سنجه و"محمد.ك" 25 سنة وبحيازته سكينا.

تمكنت الأجهزة الأمنية من القبض على الجناة واعترفوا داخل قسم شرطة النزهة بسرقة الموطنين بالإكراه عن طريق استدراج المجنى عليهم إلى السيارة كركاب واستيقافهم وسط الطريق للاستيلاء على متعلقاتهم الشخصية تحت تهديد الأسلحة البيضاء وتواصل الأجهزة الأمنية التحقيق مع المتهمين.