تجربة الشد مع الفيات لينيا.... و 525...!!
اول امبارح بالليل كنت جاي من المعادي و رايح مصر الجديدة علي الطريق الدائري.. ماكنش في بالي اجري و الله الا لما لقيت واحد معاه فيات لينيا مفيم و عامل زينون و حارق و معدي من جمبي... بصراحة انا بقيت سريع الاستفزاز... و العصب اياه بتاع الحرق و الشد بقي سهل استثارته....
المهم هو عداني جوا نفق اكاديمية مبارك للامن .. انا شديت و حرقت.. و جبته قبل JW Marriott.. من وقتها فضلت حطه في ضهري و انا علي 160-140 مثلا لحد ما نزلنا النزلة اللي بتودي علي مصر الجديدة (امتداد طريق السويس و الكيلو 4.5)...
كملنا و كنت سابقه بس انا هديت عند مدخل المطار عشان كنت سامع عن المطب الجديد بس ماكنتش عارف مكانه فين (قبل الكوبري و لا بعد).. كنت علي 90-100 تقريبا... لقيته زووووووووووو عدي من جمبي تاني.. يابني كفاية .. سخنت برضه و قبل الكوبري بــ 200 متر تقريبا.. كان في bmw 525 في الحارة اللي في النص.. انا عديت من يمينه و اللينيا عدت من علي شماله... و بس يا معلم... الاخ بتاع البي ام كبس بنزين لقيت نفسي انا و اللينيا بنعمل سباق سلاحف مع بعض علي الكوبري...و في الاخر اتقابلنا عند المطب و في الزحمة.. و كل واحد عمل هندي هههه... الا صاحب الـ بي ام لانه مكنش معانا.. كان تقريبا وصل نفق الكوربة ههههه :)