صوت طقطه وتزييق فى الايبيزا ومشكلة فى كالون الباب كمان

السلام عليكم ورحمة الله وبركاته

انا عندى فى الجنب الشمال الى ناحية السواق لما اكون ماشي سواء سلانسيه او بسرعه مش عالية وجيت ادوس فرامل أسمع صوت تزييق وطقطه ، وكمان اوقات لما اجى اطلع مطب صناعي وانا ممور او سلانسيه ممكن برده اسمع صوت الطقطقه ده من نفس الجنب ، ولما برجع مارشدير وبلف الدريكسيون بسمع صوت الطقطقه !!!!! لكن فى الملفات العادية او فى المشي المستقيم لا يوجد اى صوت .

يا ترى ده من ايه ؟

حاجة تانية بخصوص كالون باب السواق انا من فترة كده جيت احط المفتاح علشان افتح باب السواق لقيته المفتاح بيلف على الفاضي ولما رحت لبتاع الابواب قالى انه انا محتاج حاجة اسمها قلب مفتاح هو لما فك الاكورة فرجنى على حاجة كده عملة زي الحلقة بتاعه الدبله الفضة بس طبعا على صغير جدا وقالى ده مقطومة ولازمنا قلب مفتاح علشان تتغير كلها ولما قلتله ده ما تنفعش تتلحم قالى لأ ده حاجة اسمها اية مش فاكر أنتمونيا ما تنفعش فيها لحام :

هل القطعه ده بتتباع لوحدها ولا لازم الاكورة كلها بتاعه الباب طيب لو لازم هيدني اكورة واحدة بتاعه السواق ولا هيقولى لازم الاربعه ابواب ويا ترى يعملوا كام وممكن يكونوا عند مين فى الحرفيين وهل القصة ده ما فيش منها جديد ؟

الطقطقه دي ممكن يكون كوبلن داخلي و الله اعلم

الطقطقه ممكن كوبلن او تيش دريكسيون خارجى و دى اللى كانت بايظه عندى و عملتها و حوار الباب كان عندى بردو و اتلحم روح لواحد تانى بتاع ابواب فى ناس كدة مش عايزة تشتغل انا رحت لاول واحد قالى هاتلى كالون رحت لواحد تانى عملها فى ثانيه

جزاكم الله كل الخير

• طيب ممكن اعرف لو هى تيش دريكسيون بتتباع جديدة ولا استيراد وسعرها كام ؟ مع ملاحظة ان علبه الدريكسيون عندى باور ؟
  
  
• وممكن اعرف اية مدى خطورتها او تاثيرها ؟

وكويس انك قلتلى انى ممكن الحم الجزء ده وكده انا هدور على واحد تانى بتاع ابواب التانى قعد يوقولى ده انتمونيا ومش ممكن تتلحم عموما انا هشوف واحد تانى ان شاء الله .

• اه فى حاجة كمان بخصوص الباب انا عندى الصوابع بتاع المسوجر الى بتسوجر بيه الباب ده ده عندى تقريبا حلب وبقيت كل ما اشده علشان افتح يطلع فى ايدي الجزء البلاستيك بتاعه واضطر انى افتح الباب من الجزء المعدنى الى بيكرب فيه الصوابع البلاستيك ده مباشرة هل الصوابع البلاستيكية ده بتتباع عادى عند بتوع اى اكسسورات ولا لازم برده يكون بتاع العربية نفسها ؟

الصوابع البلاستيك بتتباع عادي عند بتوع قطع غيار ايبيزا ب5 جنيه الصباع ولو عايز شكل تاني عند بتوع الكماليات

الف الف شكر لكل الأعضاء الى شاركوني في الموضوع .

طيبب لو هو تيش ده بيبتاع جديد ولا استيراد وتمنه فى حدود كام ؟

اقتباس:

---

المشاركة الأصلية كتبت بواسطة egman

الف الف شكر لكل الأعضاء الى شاركوني في الموضوع .

طيبب لو هو تيش ده بيبتاع جديد ولا استيراد وتمنه فى حدود كام ؟

---

الاتنين جديد واستيراد
انا مغير اتياش طرف لعربيتي جديد وجبت اتياش داخلي كمان جديد ولكن منفعوش عشان مقاسهم مش هو اللي كان عندي وظبطت القدام وركبتهم تاني وكله تمام
بس انت المفروض طالما مركب علبة دركسيون باور لسه قريبا وانا عارف كده يبقي المفروض بتتركب بالاتياش كمان يعني اللي راكبين عندك دول لسه متغيرين قريبيا استيراد مش كده؟ولا ايه ؟

يبقي أنصحك تركب جديد أفضل

ايوة يا ايهاب فعلا انا لسة مركب العلبه زي ما انت عارف من حوالى 6 أشهر والعلبه كاملة استيراد وكنا مطلعينها من نص عربية بايدى طيب يعنى انت كنت غيرت التيش ده ليه كان برده بيعمل كده فى المشي موضوع التزييق ده ولا اية يا باشا وسعره فى حدود كام ؟

اقتباس:

---

المشاركة الأصلية كتبت بواسطة egman

ايوة يا ايهاب فعلا انا لسة مركب العلبه زي ما انت عارف من حوالى 6 أشهر والعلبه كاملة استيراد وكنا مطلعينها من نص عربية بايدى طيب يعنى انت كنت غيرت التيش ده ليه كان برده بيعمل كده فى المشي موضوع التزييق ده ولا اية يا باشا وسعره فى حدود كام ؟

---

انا مكنتش بشتكي من حاجه ولكن وانا بعمل شغل العفشة والتوجيه قلي ان بيض اتياش الطرف متأكل ومحتاج يتغير قلتله غير وكنت شاريهم ب100 الاتنين (جوز اتياش الطرف )جديد وكان من المنصورة