ارجو المساعده مشكله بعد صيانة الخمسة الاف بالسبع
إخواني الاعذاء ، في البدايه احييكم على المنتدى الرائع والذي استفدت منه الكثير واعذروني عن قلة مشاركتي
انا الحمد لله قمت بشراء الصني 2011 ولدي استفساريين ويارب ربنا يقدركم وتقدرو تساعدوني :
كنت في الامس اقوم بصيانة الخمسة الاف في مركز السبع وبصراحه انطباعي عنهم كان سلبي جدا جدا على عكس صيانة الالف ففي بداية الامر سلمت المهندس السيارة وقلت له كل ملاحظات وكانت قليلة جدا الحمدلله وطلبت منهم غسيل شامل للسيارة علشان غسيل الموتور يبقى في التوكيل
وبعد انتظار دام لساعتين تقريبا اكتشفت بالصدفة ان عربيتي مركونه بالخارج للاستلام منذ وقت طويل ولم يخبرني احد بذلك والمفاجئة الاخرى اني وجدت السيارة لم تغسل فقابلت المهندس وادخلها للغسيل وانتظرت حوالي ساعه اخرى ، المهم اعذروني عن الاكثار في الحديث ، تفاجأت اليوم بأن الدلاية اللي ورا العجله القدام شمال الدهان اللي عليها جزئ مقشر وجزء موجود بس لو احد مسحه هيسقط (بوهيه مطقطقه) وانا متأكد ان الحمد لله مخبطش الجزء دا نهائي والدلاية سليمة جدا بحاله المصنع ، فأستفساري الاول هل الموضوع دا داخل جوا ضمان خصوصا انه ممكن يكون من ميه الغسيل رشاش قوي مثلا وهل مودرن افضل ممكن الجألهم في الموضوع دا ؟
الحاجه التانيه الحمدلله سألتهم على الباركنج سنسور وقاله تمنة لوحده حوالي 400 جنيه ومش موجود وخوفوني جدا من عرض مودرن في وحدات الرفع وانها بتحتاج لعب في الكهربا وبتطلع من الضمان عندهم ، فهل دا حقيقه وهل لو حصل حاجه في الكهربا السبع مش هيعملها فعلا في الضمان وسامحوني اخر سؤال هوا عرض مودرن خلص ولا لسه
سامحوني على الاطالة وشكرا
