عرض للطباعة
السلام عليكم
انا قررت اني اعمل انتريه عمولة
جبت النموذد واديته للنجار علشان يعمل الخشب النوع زان بسمك 5سم
المهم اني ناوي اوديه لمنجد يقفله
بس عايز اجيب انا الاسفنج والاساتك لاني متأكد ان المنجد هيضحك علي في الموضوع ده
اجيب ايه ومنين والتكلفة ؟
مع العلم ان الانتريه كنبة 3 + كنبة 2 + 2 كرسي فرداني
والقماش ييجي منين ؟
interested...waiting
أزيك يا أبو صلاح بية عامل أية يا باشا . بص يا سيدى الاسفنج هات الاسفنج الى لة كثافة عالية يعنى فيى أسفنج 2.5 سنتى كثافة عالية و دة بيتباع ب حاجة أسمها الفرخ و بيبقى تقريبا 120 سنتى عرض فى طول 2 متر كان الفرخ وصل ل 100 جنية بس أنسى أن الكنبة يهبط من القعدة عليها الا بعد فترة كبيرة جدا .
الافضل أنزل ناحية باب الخلق عند المحكمة حا تلاقى هناك كل لوازم التنجيد .
او فى ميدان الجامع مصر الجديدة بس طبعا باب الخلق هو المنبع
القماش يا باشا حسب أنت عاوز تعملة قماش أية و تكلفة كام
بص أفضل الاقمشة شكلا و موضوعا للأنترية قماش أسمة (((( شانليا ))) المتر من 45 جنية الى 100 جنية و بص عن تجربة القماش الى فى الوكالة معلش مش فرز أول زى الى المحلات و بعض النقشات مش حا تلاقيها الا فى محلات ماردينى و تكسمار و قصر بيان و المحلات الجيدة . بص فية كحل أمام بوبابة نادى الشمس بوابة 1 روح هناك و خد فكرة
أفضل الانواع فى الخشب الزان طبعا و فية حاجة أسمها زان مبخر بس دة كان زماااان يعنى الخشب مجفف تماما مفيهوش أى نسبة رطوبة و طالما الطقم الى حا تعملة مكسى قماش يبقى الزان ممتاز يستحمل و يعيش . لو الخشب مش مكسى قماس و عاوز دلع يبقى الارو ((( روستيك يعنى ))))
ازيك يا هشام باشا
بالنسبة للسفنج انا عرفت انه كثافة 30 مش 2.5 وعامة انا مش فاهم ده ايه بالظبط
وبعدي هو سمك الفرخ كام ؟ انا لما شفته عند المنجد لقيت سمكه حوالي 30 سم
والقماش الشانليا ده رائع فعلا ولاقيته عند المنجد وسعر المتر 35ج
فقلت انزل ادور عليه يمكن الاقيه ارخص من كده
I believe regarding the Syooor elasatec
There is Italy made with 7 cm width that gives most Reasonable Use .
Regarding the Sponge go for Habitat & ask about the prices in different places but really Excellent
حاليا وبعد ٣ سنوات ما زلت واقعة في نفس الحيرة
عاوزه اعرف ازاي اتاكد ان الاسفنج ده كثافته ٣٠ مش ٢٥ مثلا
هل لون الاسفنج بيدل علي كثافته بمعني هل لكل كثافة لون معين
ايه سعر فرخ الاسفنج ف الوقت الحالي لاني سمعت ارقام عالية
من تاكي اضمن مكان