مذيع كويتى يبكى حزنا على مبارك على الهواء

**smsm_cato** · 02-05-2011 01:53 PM

YouTube - ‫ظ…ط°ظٹط¹ ظƒظˆظٹطھظ‰ ظٹط¨ظƒظ‰ ط.ط²ظ†ط§ ط¹ظ„ظ‰ ظ…ط¨ط§ط±ظƒ ط¹ظ„ظ‰ ط§ظ„ظ‡ظˆط§ط،‬&lrm;

**AshTurbo** · 02-05-2011 02:38 PM

هو حر في حبه لمبارك ولكن مبارك يحاكم في مصر محاكمة مدنية طبقاً للقانون المصري والدولة المصرية له سيادتها ولها قضائها العادل اللي هيقول كلمته في النهاية .

**aif** · 02-05-2011 02:52 PM

يا سيييييدي
ماهم الكوايتة برضه كانو بيبكو على جورج بوش ...
ده فيه ناس كوايتة مسلمين سمو اولادهم جورج بوش من كتر حبهم له
هما فاكرين لمبارك انه ارسل خيرة شباب مصر ليكونو في مقدمة القوات التي حررت الكويت ...... ونسيو دم الشهداء اللي ماتو على ارضهم علشان يحرروهم ..... بس افتكرو الرئيس اللي قاد الآلاف من شباب مصر الى مذبحة لأجل الكوايتة ....... يا تري هما يستاهلو .... الايام ح تثبت كدة
...
وبالمناسبة دي انا اتمنى اطلع في تلفزيون الكويت
علشان ابكي على البطل المغوار ....... صدام حسين
...

**human** · 02-05-2011 04:02 PM

كل قفل وله ترباس

**hobiko** · 02-05-2011 05:23 PM

يعنى ماشوفناش من حب الكوايتة لمبارك حاجة عدلة ........

فاكرين خيطان ؟؟؟؟؟ عمل ايه بسلامته للمصريين اللى اتبهدلوا هناك ؟؟؟؟

ولا المصريين اللى رحلوهم و كلوا عليهم فلوسهم لمجرد انهم كانوا بيأيدوا البرادعى او هكذا قيل ؟؟؟؟؟

كل يوم بتأكد ان الراجل ده كان لا يعمل غير لمصلحته الشخصية فقط .......

حاجة أخيرة .......

حديث ارحموا عزيز قوم ذل ...... حديث موضوع و ليس صحيح

فالرسول الكريم صلى الله عليه و سلم ....... ماقالش الكلام ده

بس قال حديث تانى صحيح فى البخارى و مسلم

أن قريشا أهمهم شأن المرأة المخزومية التي سرقت . فقالوا : من يكلم فيها رسول الله صلى الله عليه وسلم ؟ فقالوا : ومن يجترئ عليه إلا أسامة ، حب رسول الله صلى الله عليه وسلم ؟ فكلمه أسامة . فقال رسول الله صلى الله عليه وسلم ( أتشفع في حد من حدود الله ؟ ) ثم قام فاختطب فقال ( أيها الناس ! إنما أهلك الذين قبلكم ، أنهم كانوا إذا سرق فيهم الشريف ، تركوه . وإذا سرق فيهم الضعيف ، أقاموا عليه الحد . وايم الله , لو أن فاطمة بنت محمد سرقت لقطعت يدها )

و بعدين ده مش تشدد ...... ده التطبيق الصحيح للشرع و القانون بدون زيادة او نقصان

و بعدين هو عمره ما رحم حد سجن سعد الدين الشاذلى ظلم و غيره كثير ..... فلا يجب ان تأخذنا به رحمه او شفقة

**Abo_Lina** · 02-05-2011 05:42 PM

ما ما زمانها جايه .. جايه بعد شوية .. جايبة دهب و مليارات

**Dojuar** · 02-05-2011 05:44 PM

الصراحة عنده حق

احنا شعب مبيصونش العشرة

كفاية أنو الرئيس المصري الوحيد اللي في عهده كسبنا ايطاليا..وأتحدى حد بعده يحصل في زمنه كده

عايزين الجد بقى...الخليجيين عادي يطلع منهم كده

معظمهم كانو بينزلوا مصر و يحطوا رجل على رجل ..والمصري يروحلهم هناك و ينداس بالرجل

وبين الحالتين متعدش...

طبعا لكل قاعدة استثناء...لأن في منهم أفاضل وناس تحطهم على راسك من فوق

**mrwho1982** · 02-05-2011 05:45 PM

انا عندي فكرة احنا نديهم مبارك 30 سنة ونشوف بعد ال 30 سنة هيعيطو علية ولا .....................

**mrwho1982** · 02-05-2011 05:47 PM

المشاركة الأصلية كتبت بواسطة dojuar

الصراحة عنده حق

احنا شعب مبيصونش العشرة

كفاية أنو الرئيس المصري الوحيد اللي في عهده كسبنا ايطاليا..وأتحدى حد بعده يحصل في زمنه كده

عايزين الجد بقى...الخليجيين عادي يطلع منهم كده

معظمهم كانو بينزلوا مصر و يحطوا رجل على رجل ..والمصري يروحلهم هناك و ينداس بالرجل

وبين الحالتين متعدش...

طبعا لكل قاعدة استثناء...لأن في منهم أفاضل وناس تحطهم على راسك من فوق

وفي منهم تقرف تديلو بجزمتك لاحسن تتوسخ بعيد عنك

-

الموضوع: مذيع كويتى يبكى حزنا على مبارك على الهواء

LinkBack

أدوات الموضوع

عرض