صوت غريب بالعربية

**arakysolom** · 02-05-2011 02:44 PM

السلام عليكم
انا كنت لاحظت من فترة اثناء وانا ماشي بالعربية علي سرعة 120 و ما فوق ان فيه صوت زي تزييقه او طقطقة جايه من ناحية الطابلوه شمال وده بلاحظه فقط و انا قافل الزجاج و الدنيا هادية و الصوت ده كأنه حاجة بتحك في حاجة تانية مصدرة صوت تزييقة ثم اختفت او لم اعد الاحظها
ثم فجأه امبارح و انا ماشي سمعت الصوت تاني ظهر
ارجو من سيادتكم الافاده

**Bassem Raafat** · 02-05-2011 04:57 PM

ده يا باشا صوت راجع لإحتكاك الهواء مع جسم الكبوت ( من جوه ) ، ساعات بتحصل معايا ، وتقريباً بقالى فتره مش سامعها .

وحد كان قالى قبل كده انى اروح للتوكيل وأظبط الكبوت حاجه بسيطه ، بس بصراحه كبرت دماغى .

**arakysolom** · 03-05-2011 11:45 AM

المشاركة الأصلية كتبت بواسطة bassem raafat

ده يا باشا صوت راجع لإحتكاك الهواء مع جسم الكبوت ( من جوه ) ، ساعات بتحصل معايا ، وتقريباً بقالى فتره مش سامعها .

وحد كان قالى قبل كده انى اروح للتوكيل وأظبط الكبوت حاجه بسيطه ، بس بصراحه كبرت دماغى .

شكرا لحضرتك علي الرد السرع بس انا بسمع الصوت وانا قافل الزجاج بتاع العربية و لازم اكون قافل الكاسيت عشان اسمعة و غالبا لازم الدنيا تكون هاديه

**Bassem Raafat** · 03-05-2011 03:19 PM

المشاركة الأصلية كتبت بواسطة arakysolom

شكرا لحضرتك علي الرد السرع بس انا بسمع الصوت وانا قافل الزجاج بتاع العربية و لازم اكون قافل الكاسيت عشان اسمعة و غالبا لازم الدنيا تكون هاديه

فعلا الصوت بيتسمع من جوه أكتر كأنه جاى من درج التابلوه ، جسم العربيه كله بيسمع فى بعضه : ))

**arakysolom** · 08-05-2011 11:50 AM

المشاركة الأصلية كتبت بواسطة bassem raafat

فعلا الصوت بيتسمع من جوه أكتر كأنه جاى من درج التابلوه ، جسم العربيه كله بيسمع فى بعضه : ))

شكرا لرد حضرتك و هو فعلا انا كنت من حوالي سنه لاحظت ان صاج الكبوت بتاع العربية بيتحرك جامد (لفوق و لتحت) مع السرعة العالية ولما رحت التوكيل قلتلهم علي الملحوظة دي و رد عليا بأن الصاج بتاع الكبوت مش ملحوم في العضم بتاع الكبوت و لو عايزة ميتحركش ممكن يثبتوه بمعجون حديد و ده كان ردهم وقتها و هو فعلا بيتحرك جامد لغاية دلوقتي فهل قصد حضرتك ان الحركة دي بتعمل الصوت اللي بسمعه ؟
وشكرا جدا لأهتمامك

**Bassem Raafat** · 08-05-2011 11:58 AM

المشاركة الأصلية كتبت بواسطة arakysolom

شكرا لرد حضرتك و هو فعلا انا كنت من حوالي سنه لاحظت ان صاج الكبوت بتاع العربية بيتحرك جامد (لفوق و لتحت) مع السرعة العالية ولما رحت التوكيل قلتلهم علي الملحوظة دي و رد عليا بأن الصاج بتاع الكبوت مش ملحوم في العضم بتاع الكبوت و لو عايزة ميتحركش ممكن يثبتوه بمعجون حديد و ده كان ردهم وقتها و هو فعلا بيتحرك جامد لغاية دلوقتي فهل قصد حضرتك ان الحركة دي بتعمل الصوت اللي بسمعه ؟
وشكرا جدا لأهتمامك

بالظبط يا باشا ، صوت التصفير ده راجع من دخول الهواء لكل الاماكن دى ، وأنا لاحظتها مع السرعه العاليه وأيام الشتا إللى بيبقى فيها هوا جامد ، وجربت أمشى ورا عربيه عاليه بسرعه كبيره لاقيت ما فيش اى صوت .

وعلى فكره الصوت ده مش متكرر كتير ، يعنى على حسب حالة الجو ومساحة الشارع والسرعه .

**arakysolom** · 09-05-2011 12:36 PM

شكرا علي التوضيح و ححاول اجرب امشي ورا عربية سرعة و احاول اسمع الصوت و شكر خالص لحضرتك علي المتابعة و الاهتمام

**Bassem Raafat** · 09-05-2011 04:14 PM

تأمرنى فى أى وقت يا باشا .

**نينو** · 11-05-2011 05:05 AM

انا كمان عندي الكبوت بيطلع لفوق و تحت مع المطبات و كنت عاوز اربطو اكتر بس مش عارف هو ماسك في العربية منين او مش باين المفصلات بتاعتو ياريت اللي يعرف يقولنا عشان نستفاد كلنا من الحكاية دي