حد ليه فى الزراعة

**azmeralda** · 02-05-2011 03:32 PM

كنت عايزة ازرع بقدونس وريحان والحاجات دى فى البيت يعنى اطبخ منها حد يعرف ازاى

**m3_dolphen** · 02-05-2011 03:39 PM

الموضوع مش صعب ... بس اهم حاجة توافر الضوء .. ممكن الزراعة فى أحواض ..

**azmeralda** · 02-05-2011 03:41 PM

اذا كان على الضوء مفيش اكتر منه بس ايه نوع التربة اجيبها منين اعمل ايه كده يعنى

**dramir1** · 02-05-2011 03:56 PM

متابع باهتمام

**ramses2** · 02-05-2011 04:09 PM

ها تزرع في احواض والا عندك كام قيراط علي حسب

**ehab_mansour** · 02-05-2011 04:10 PM

الموضع بسيط ان شاء الله
اهم شيء ياريت اللي عايز يزرع يحدد المكان اللي هيزرع فيه ونوعية التربة ايه
يعني لو هتزرع في حديقة قدام البيت قلنا نوع تربتها ايه ولو مش متوفره ممكن في احواض بلاستيك او اي نوع
والمطلوب فقط للنباتات البسيطة اللي زي دي هو تجهيز تربة من ارتفاع حوالي 10 الي 20 سنتيمتر من التربة الخصبة الصالحة للزراعة (طمي النيل - او تربة طينية - خليط من الرمل والتربة الطينية ) ودي أسهل مكان للحصول عليها هو أخذ جزء من الطين اللي بترفعه الكراكات اللي بتطهر الترع والمصارف بعد ما تنشف طبعا
وتضع هذه الكمية في الحديقة او في الحوض البلاستيك وبعدين تحاول تنعمها جيدا (تخليها حبيبات ناعمه لو خشنة ) مع تسوية سطحها جيدا قدر المستطاع وبعدين تشتري بذور النبات اللي محتاج تزرعه وبعدين تقوم ببذر هذه الحبوب في التربة مع محاولة تغطيتها بغطاء خفيف جدا من التربة وبعدين تروي هذه التربة بالماء جيدا وبعدين تتركها في الهواء والشمس
بس وربك هو اللي هينبت منها الزرع ان شاء الله

لو فيه اي توضيح اسأل وتحت أمرك
طبعا الزراعة بتختلف من نبات لأخر ومن تربة لأخري ولكن ده ببساطة وعلي حسب النبات اللي حضرتك ذكرته
والله الموفق والمستعان

**azmeralda** · 02-05-2011 04:16 PM

شكرا يا جماعة حقيقى افدتونى

طبعا فى البلكونة معنديش جنينة ولا حاجة هتبقى فى الحاجات البلاستيك دى اللى من عند الشريف للبلاستيك

استاذ ايهاب من المنصورة ممكن يكون عارف البذور منين والتربة منين ولو بيتموس منين برضه

**ehab_mansour** · 02-05-2011 04:18 PM

المشاركة الأصلية كتبت بواسطة m3_dolphen

طبعا الطمى افضل نوع للزراعة ... بس عيبه بيوسخ المكان خصوصا لو فيه أطفال .. الطمى بيكون تراب زراعى مضاف اليه قليل من الرمل علشان ميحتفظش بالميه ... وفى تربة جاهزة اسمها بيتموس بتتباع فى اماكن بيع التقاوى ... اماكن البيع فى القاهرة بجوار مديرية الأمن - باب الخلق ... معرفش اماكن فى المنصورة بس ممكن لو فيه جمعية تعاونية تلاقى فيها ....

يا استاذ محمد في المنصورة التربة ببلاش وكمان في القاهرة بس اللي ينزل علي شط النيل او اي ترعة او مكان قريب من المناطق اللي بتزرع وخد معاك اي حاجه ولوحتي شيكارة او شوال من اللي بيتباع فيهم الأرز مثلا وخد اللي انت عايزه انا أساسا من المنصورة والفلاحين قبل انتقالي للعمل بالقاهرة فالموضع سهل لناس المنصورة اكتر من القاهرة

-

-

الموضوع: حد ليه فى الزراعة

LinkBack

أدوات الموضوع

عرض

-

-

-

-

المواضيع المتشابهه

♨ مساعدة ضرورية لو سمحتم ✿ من مهندسين الزراعة وخبراء النباتات✿ ✿

لخبراء الزراعة .. عايزة شجر كاكاو وكاكا

وزير الزراعة 500 ألف فدان جاهزة لتوزيعها....... حد عارف ايه الحكاية ؟

مبني وزارة الزراعة بالدقي بالقاهرة اروح له ازاي؟

الكلمات الدلالية لهذا الموضوع

المفضلات

المفضلات

ضوابط المشاركة