-
ملاك التيدا ممكن مساعدة؟
السلام عليكم ورحمة الله وبركاته
انا ناوي انشاءالله اشتري تيدا لكن حابب اسأل ملاك الهاتش باك منها
ايه أكتر عيوب قابلتوها ف العربية دي وهل انها عربية عملية واعتماديتها عاليه وتستحمل
أنا ناوي اشتري زيرو انشاءالله ومش بغير قبل خمس او ست سنوات
وشكرا جزيلا
-
العربية بسم الله ماشاء الله
والهاتش باك منها شكله شيك جداااا
العربية عملية وبتتحمل معاك واعتمادية , وقطع غيارها متوفرة جوة التوكيل وبره كمان سواء استيراد او جديد
وبعدين العربية مش حتفكر تبيعها قبل 10 سنين على الاقل وحتحس انها جديدة كمان
لان ماتورها من مواتير نيسان الاعتمادية القوية
العيوب مفيش عيوب اساسية عند كل الناس ,
ولكن بتفرق من واحد الى واحد حسب اللى شايفه , واقراء وتابع الموضوعات القديمة الجديدة فى القسم , وانت تقدر تعرف كل حاجة
تحياتى
-
والله أنا عاجز عن الشكر يافندم بجد
أنا أقصد بعيوبها يعني أعطالها ورأي كل واحد ركبها
وشكرا جزيلا
-
وبالنسبة ل موديل 2011 المكسيكي دي نظامها ايه زي الياباني ولا أقل من ناحية ندرة الأعطال
-
التيدا عربية جامدة جدا جدا
-
انا معايا تيدا 2011 عامله حوالى 3000 كم و و الحمد لله مفيش اى مشاكل تذكر و بالنسبه للتقفيل محترم جدا جدا و معتقدش انه يفرق عن اليبانى خصوصا وان المكسبكى هو اللى بينزل امريكا
استخير و ربنا يكرمك انشاء الله
-
اعطال ميكانيكية مسمعناش من اى عضو انه ذكر فى اعطال كبيرة فى العربية وعملت مشكلة عنده كبيرة
وفى ناس فى الصيانات قالوا ان العربية بتيجى تعمل صيانات ومعدية ال100 الف كيلو وزى الفل
-
انا شايف ان التيدا وما تتمتع به من مزايا عديدة ممكن تقرأ عنها هنا فى القسم تعتبر من افضل العربيات فى فئتها من حيث الامكانيات مقابل السعر ... ربنا يوفقك للخير
-
بص انا معايا تيدا هاتش باك بلاك صراحة عربية مريحة وكويسة يمكن يكون عندي مشاكل زى صوت مشعارف منين وتكة منين لكن اكيد كلها ليها علاج في التوكيل .
لكن فى الاخر سيارة جميلة
عفشتها معقولة عشان ناس كتير بتفتكر انها ناعمة لالا بتحس بمطبات ونئر عادى
فى السحب والشد ممتازة
لو تقدر تسني الشكل الجديد ٢٠١٢ يبقي احسن بس اسأل نيســان موتورز نفسهم هو هاتنزل إمتي
http://www.nileup.com//uploads/image...ee84ced3c9.jpg
-
الشكل ده لسه حيبتدوا انتاجه فى الشهر اللى احنا فيه , وعقبال ما تنزل الشرق الاوسط حتكون على 2014
Content Relevant URLs by
vBSEO 3.6.0 PL2