ممكن يا جماعة لو حد يعرف شركة محترمة فى الاداء والاسعار لمكافحة الحشرات المنزلية يقول لى عنوانها
وشكرا
عرض للطباعة
ممكن يا جماعة لو حد يعرف شركة محترمة فى الاداء والاسعار لمكافحة الحشرات المنزلية يقول لى عنوانها
وشكرا
للرفع
السلام عليكم
أنصح حضرتك بعدم التعامل مع مثل هذه الشركات لأن تقريبا كده هما بينصبوا علي الناس و مبيحصلش حاجه و أنما الحشرات بتكتر بقدومهم بجد و كان لي واقعه مماثله معاهم قبل كده
السلام عليكم
اذا كان عندك نمل او سوس او صراصير ترجو تعمل الاتى:-
تشترى مبيد ملاسيون من محلات غيته بميدان المطريه او عباس القرمه من الاوبرا
تخفف غطاء من المبيد على لتر مياه - تلاحظ ان المياه لونها يبقى ابيض زى المستحلب كده يعنى
رش فى الاماكن اللى فيها تجمعات و اغلق الغرف لمده يوم و الاحسن انك تسافر اليوم ده او تروح بيت العيله و الباقى ارميه فى الاحواض او البلاعات و اتفرج على اللى هيخرج منها و لما ترجع بالسلامه امسح الارضيه بمياه و ديتول و الاحسن منه جل العملاق ( ريحته حلوه و احسن و ارخص من الديتول
يجب بشده مراعاه :-
عدم وجود حوامل وقت الرش و طبعا اطفال
ارتدى كمامه علشان ريحته قويه جدا
ارتدى جوانتى و اغسل الجلد بالكامل بمياه وفيره بعد الرش
انشاء الله موش هتلاقى اى حشرات لمده شهور ان شاء الله
القصه دى ب 15 جم و الشركات بتحاسب على 150 الى 200 جم
دمت بود
بصراحه من واقع تعاملي معاهم بيجيبوا حاجات غريبه ويقولك دي تركيبه مش عارف ايه وبتاع وفي الاخر تطلع فشنك
شكرا جزيلا لحضرتك
للرفع
السلام عليكم
انا تحت امرك
و بالمناسبه بعض الشركات بتنصحك بوضع عجينه و يسميها العجينه السحريه او العجينه الالمانيه العشوائيه المهلبيه و كله دجل
الماده ببتعمل ب 10 جم و الكميه بتقعد عندك سنه .
الطريقه :-
1 -1/2 كيلو نيدو او لبن مجفف ( علشان الريحه بتاعته ( مدههننه اى زفره و تعتبر عامل جذب ) . 3.5 جم و نص
2 - 1/4 كيلو سكر . بسعر 2 جم تقريبا
3 - كيس حبيبات مبيد من اكشاك وزاره الزراعه اللى فى الجيزه الكيس ا كيلو ب 10 جم تقريبا
ناخد ما سبق مع اخر حاجه اللى هى الحبيبات 1/4 كيلو و نعجنهم مع بعض تطلع عجينه تاخذ منها حتت و تحطها فى الاماكن اللى فيها نمل او صراصير و ان شاء الله تطمنا بعد 7 / 8 شهور
دمت بود
المبيد و الرشاشات و الحاجات دى عند بتوع ادوات الزراعه الى فى ضهر مديرية امن القاهره و على فكره بيبيعوا ارخص من عباس الى فى ميدان الاوبرا
انا باتعامل مع الراجل الى فى وش حراز و ده يعتبر ارخص محل هناك و جرب الرشاش
انا كنت شارى رشاش 5 لتر كبس هواء من عندهم ب 65 كان عباس بتاع الاوبرا هيديهولى ب 105 بس الكلام ده من سنتين
انا بستخدم خلطة زي دي بس بدل حبيبات المبيد بجيب بجنيه او اتنين حمض بوريك من الصيدليه علي هيئة مسحوق ابيض اللون و اقل من ربع الكميات اللي في الاقتباس و تتعمل عجينة و تتكور قد الحمص و تلقي في الاركان و في الادراج
و هي فعالة و مجربة و سحرية لان الحمض طارد للحشرات لانهم بيكرهوه جدا و غير مضر للصدر و للي عنده حساسية
و يمكن البحث بجوجل علي تفاصيل و خصائص حمض البوريك كمبيد حشري
الملاحظة الوحيدة اللي عنده اطفال و ممكن يلتقتوا الحمصات دي و يبلعوها بلاش يستخدم الطريقة دي او ياخذ احتياطاته