السلام عليكم ورحمة الله وبركاته
ارجو منكم معرفة سعر الزجاج الامامي للساجا كام في التوكيل وخارج التوكيل
؟
والله العظيم تاني مرة يتكسر في اقل من سنة
عرض للطباعة
السلام عليكم ورحمة الله وبركاته
ارجو منكم معرفة سعر الزجاج الامامي للساجا كام في التوكيل وخارج التوكيل
؟
والله العظيم تاني مرة يتكسر في اقل من سنة
والله لا علم لدي ولكن ممكن تتصل بفرع الصحراوي وتطلب تحويلك على المخرزن وتسأل اذا كان فيه ولا وضعوا ايه ولا حتى بالتلفون عند الدكتور جريش بدال ما تفقع المشوار !!!
وربنا يعوض على حضرتك
الحمد لله .......قدر الله وما شاء فعل
يظهر علشان العربية مش موجودة كتير في بنها فبتاخد العين على طول
دور كده في الماضيع هنا انا كنت لسه شايف موضوع قريب برضه عن البريبيز الامامي
سيبك من التوكيل
هيبقي سعره غالي اوي
عليك وعلي دكتور جريش
وكنت سمعت ان فيه واحد في حدائق القبه بس للاسف معنديش اي تفاصيل عليه
بص يا باشا فى واحد فى شارع السودان عندة زجاج الساجا و كان سعرة تقريبا 450 جنية شامل التركيب و برضو اسال دكتور جريش لانه انا عارف انه عمل الاسطمبة بتاعتها وسيبك من التوكيل لانه سعرة فى التوكيل 1200 شامل التركيب
بص يا برنس
أنا رأى الشخصى ركب فى التوكيل الزجاج الأصلى بتاع الساجا لاسباب من اهمها جودة الزجاج أنا كمان حصلى ان الزجاج الخلفى للساجا بتاعتى حصله سرطان مفاجأ بعد ما اتشترتها ب 10 ايام بس ( عين قويه اوى ) بعد ما ركبت الزجاج الخلفي في التوكيل ووصلت للبيت والحمد لله على الفور طلعت فلوس لوجه الله تعالى حتى يحفظهالى . والحمد لله لحد دلوقتى عربيتى كويسه جدا ومعنديش فيها مشاكل ( الله أكبر ) .
فقط ركب زجاجك في التوكيل ولما توصل بالسلامة اذبح ليها او طلع فلوس لله عشان يحفظهالك ومتركبش فيها حد علاقته غير شرعية معاك او فعل اى شئ مخل بالاداب فيها عشان تفضل مصانه .
وشكراً
السلام عليكم ورحمة اللة وبركاتة
الاخ العزيز الموقف دة حصلى وزجاج الساجا الامامى بتاعى اتكسر وسالت علية فى التوكيل لقيتة وب900 ج من غير ضريبة المبيعات والتركيب
وسالت علية برة لقيتة عند محد فى شارع الطيران جمب مطعم اسمال البرج قالى ب450 جنية
المهم انا اتصلت بمصنع دكتور جريش ودة مكانة فى العاشر من رمضان لقيتة موجود وب 300 جنية بالتركيب وعلية ضمان شهر والصراحة الى بيركبوة هناك محترفين جدا والزجاج بتاع جريش مفرقش جاجة عن الاصلى
هو فيه سبب لكسر زجاج كل العربيات دي ولا اتكسر بسبب حوادث؟؟
يعني ده عيب في العربية ولا قدر؟؟
طب و ليه الحوادث؟؟ هي العربية فراملها و عوامل الأمان فيها مش حلوة؟؟
من فضلكم أفيدوني لأني ناوي أشتريها
ده مش بسبب الحوادث..... سرطان الزجاج المفاجئ معرضة ليه اي عربية في اي وقتاقتباس:
يعني ده عيب في العربية ولا قدر؟؟
طب و ليه الحوادث؟؟ هي العربية فراملها و عوامل الأمان فيها مش حلوة؟؟
من فضلكم أفيدوني لأني ناوي أشتريها
وربنا مايجيب حوادث ولا حاجة
هوانتا ماعندكش معلومات كتير عن العربية ا/احمد
عندي شوية معلومات بعد ما قرأت على النت و المنتدى. لكن لسة المعلومات قليلة و العربية مش منتشرة. أنا خلال شهر شفت 3 منها بس:
الأولى و أنا راجع من العاشر من رمضان عل القاهرة و كانت سودة و لاحظت أن سحبها كويس
الثانية بشوفها كل يوم و أنا رايح الشغل راكنة في جسر السويس عند العرب
الثالثة شفتها راكنة في سليم الأول عند عمر أفندي
و قرأت موضوع شكاوى مالكي البروتون و لقيت أن مفيش مشاكل من غير حل و الحمد لله و التوكيل شكله محترم بوجود المهندس آمر.
أنا إن شاء الله ناوي أشتريها و كتبت هنا http://www.nilemotors.net/Nile/217441-a.html
على العموم حيث أنك من مالكي السيارة يا ريت لو تزيدني من معلومات حول العربية و انطباعك و أي مساعدة أو نصائح يبقى جازاك الله كل خير لأن المبلغ اللي هدفعه مش قليل بالنسبة لي فالقرار صعب حبتين و محتاج تشجيع.