يا جماعة أنا نازلة بعيالي مصر و عايزة أعرف المدارس وصلت لفين ؟
يعني حد عند فكرة عن مستوى أمجاد و سما وال بشاير وصلت لفين بمصارفها ؟
و لو حد عندو إقتراح بمدرسة أخلاقياً ودينيا و لغة عربية و انجلش كويس ياا رييت يقول و شاركوا يا أهل المعادي
وشكرا
عرض للطباعة
يا جماعة أنا نازلة بعيالي مصر و عايزة أعرف المدارس وصلت لفين ؟
يعني حد عند فكرة عن مستوى أمجاد و سما وال بشاير وصلت لفين بمصارفها ؟
و لو حد عندو إقتراح بمدرسة أخلاقياً ودينيا و لغة عربية و انجلش كويس ياا رييت يقول و شاركوا يا أهل المعادي
وشكرا
انا مش من المعادى بس ابن خالتى اعتقد مودى بنته فى سما دى والمصاريف للحضانه حوالى 2000 3000 لان الابتدائى كان ب 6000 والله اعلم وبرضه ممكن حد تانى يكون يعرف اكتر منى
هي البشاير الأخلاق فيها في الأرض ( زي ما اسمع)
كمان العروبة كل العيلة بتاعتي (9 أشخاص) حاليا فيها بس يرده المشاكل فيها كتيير سواء الأخلاق أو المدرسيين و عندنا في العيلة في ناس عاوزه تحول لكن المستوى التعليمي ممتاز زي ما اسمع
بالنسبة للأمجاد المدرسة مكانها ممتاز و هي مدرسة اسلامية
ما عرفش مدرسة السما دي
بس في كمام مدرسة الفتح و الأمل
انا اعتقد اللينك ده ممكن يفيد حضرتك
ده فيه كل المدارس الي في المعادي وعناوينها وارقام الهواتف
ومرحبا بيكي في مصر والمعادي هتنور :)
انا مش عارفة اوى فى الموضوع دة يا روضة بس لقيت لينك عن المدارس مش عارفة اذا كان دة اللى قصده عليه كازانزفا
http://www.egyptschool.com/Education...القاهرة
بصى على oasis و new horizon حلوين اوى قرايبي فيها كمان
new horizon مكتوبة فى السايت : الافق الجديد
oasis لقيتها مكتوبة : الواحة
اود ان ابلغ سعادتكم بأن اولادى كانوا معى فى السعودية وكانوا يدرسون فى احد المدارس الانترناشونال وكانت ممتازة ، ولظروف خاصة اضطريت ان ارسلهم لمصر ومريت بما ستمرين به من لف على المدارس فى المعادى خاصة والقاهرة الجديدة ، وشاء الله بعد طول لف وتعب ان ادخلتهم فى مدرسة امجاد وبكل الصدق هى مدرسة محترمة ودينية وممنوع منعاً باتاً ان يقوم اى مدرس بأعطاء درس خاص لاى طالب واذا تم ذلك يتم الاستغناء عن المدرس والمدرسين بكل الصدق بيشرحوا كويس وعدد الطلبة فى الفصل لايزيد عن 20 - اما المصاريف فى الصف الابتدائى حوالى 7800 جنية بدون الباص والاعدادى ازد شوية حوالى 400 جنية والابتدائى 7500 تقريباً ، هذا عدا قيمة الملابس وان كانت غالية شوية
ولكن ما يميز هذه المدرسة ان الاولاد يؤدون الصلاة فى المدرسة جماعة ويحفظون القران يومياً وصاحبة المدرسة هى كاميليا العربى المذيعة السابقة بالتليفزيون وهى شخصية فاضلة ومحترمة
وللعلم اولادى الثلاثة فى المدرسة منذ ثلاث سنوات ولله الحمد
اتمنى ان اكون افدت سعادتكم بما اعلم
أحسن وأرفع مستوى مدارس في المعادي هي نارمر المعادي بس مصاريفها جامده قوي بس أخلاقيا وتعليميا لا غبار عليها .