عايز اشتري fsv فول اوبشن هاي لاين

**amm70** · 02-05-2011 09:26 PM

هل هي موجوده في التوكيل او في اي معرض وماهو السعر المناسب
وهل يوجد فرق بينها وبين الفول اوبشنز والكروس
مع خالص الشكر

**khaled_Saga** · 02-05-2011 09:42 PM

انا اول مرة اسمع عن fsv هاى لاين

بس عامة مفيش fsv خالص حاليا فى السوق والافضل تتصل بالوكيل تعرف معلومات اكتر

**amm70** · 13-05-2011 11:05 PM

الف شكر ياباشا سالت وهي غير موجوده فعلا
بفكر دلوقتي في بيرسونا او جين تو الفارق بينهم في حدود 10 الاف جنيه
ماريكم من ناحيه قطع الغيار و استهلاك البنزين وسعر اعادة البيع
وشكرا

**bassem.kamal** · 14-05-2011 12:12 AM

البريليانس في كلام عنها الشهر الجاي او البعده بالكتير .. كلمت معرض احمد موتورز دة و قالي كدة و التوكيل بردو .. بس لازم تتفع حجز مش اقل من 80.000 جنية ... شغل عالي بقي و بالحجز يا معلم و حركات جامدة اوي علي العربية دي لان الطلب زاد عليها 75% عن السنه الفاتت

**amm70** · 16-05-2011 02:51 PM

بالنسبه للبريليانس مااخبار قطع الغيار و هل هي موجوده في التوكيل فقط ؟

**bassem.kamal** · 16-05-2011 04:16 PM

لا متوفرة في توكيلات مختلفة و بتختلف الاسعار و المصنعية ... و كل حاجة و فيها ثمنها

**khaled_Saga** · 17-05-2011 10:50 PM

المشاركة الأصلية كتبت بواسطة sorsar2004

البريليانس في كلام عنها الشهر الجاي او البعده بالكتير .. كلمت معرض احمد موتورز دة و قالي كدة و التوكيل بردو .. بس لازم تتفع حجز مش اقل من 80.000 جنية ... شغل عالي بقي و بالحجز يا معلم و حركات جامدة اوي علي العربية دي لان الطلب زاد عليها 75% عن السنه الفاتت

اكرم انا قبل ما اشترى الاسبرنزا من حوالى 3 اسابيع كلمت توكيل بريليانس قالوا مش اقل من 4 شهور وكنت سمعت من برة ان fsv مش هتنزل لكن هينزل بدلها موديل تانى.

عاوز استوعب بس يعنى ايه مقدم حجز 80000 جنيه ده ميبقاش مقدم بقى ده اصلا اكتر من تمن العربية هههههههههه انت غلطان فى الرقم ولا ايه الحكاية ولو الكلام صح ده يبقى تهريج وقلة ادب مش شغل عالى امال اللى يحجز بى ام يدفع كام!!!! عامة احمد موتورز ده تاجر مستغل وجشع لان لما يبقى تمن العربية الرسمى 75000 وهو يبيعها ب 85000 يبقى منتهى الوقاحة يعنى ايه 10000 فرق استغلال؟؟

**khaled_Saga** · 17-05-2011 10:53 PM

المشاركة الأصلية كتبت بواسطة amm70

الف شكر ياباشا سالت وهي غير موجوده فعلا
بفكر دلوقتي في بيرسونا او جين تو الفارق بينهم في حدود 10 الاف جنيه
ماريكم من ناحيه قطع الغيار و استهلاك البنزين وسعر اعادة البيع
وشكرا

البروتون عربيات محترمة وموتورها (كام برو) عفى جدا مفيش كلام
الفرق بين الجين والبرسونا حوالى 4 الاف تقريبا
الجين عربية جميلة لكن صالونها ضيق .. البرسونا تحفة لكن معرفش صالونها عامل ايه
استهلاك البنزين اعرفه فى الساجا بس لانى فكرت اشتريها قبل الاسبرنزا هى 1300 سى سى ولكنها سفاحة بنزين لكن معرفش ايه الحال فى الجين والبرسونا

ربنا يوفقك للاختيار الصحيح

**akramesg** · 17-05-2011 11:59 PM

البيرسونا اوسع فى الكنبة الورانية من الجين تو للناس الطوال

خالد انا مرديتش انت شوفت الأسم غلط

**bassem.kamal** · 18-05-2011 02:51 AM

ايوا انا باسم اللي اتكلمت في حوار احمد موتورز ...... بس هو قاللي 80.000 مقدم حجز عشان انا كلمتو علي الاتوماتك ف قاللي مجرد لما تيجي العربية اكيد هتبقي قابلة للزيادة و هتتفع الباقي طبعاً .. لاكن مجبتش سيرت المانويل خالص : ) ... بس .... و انا جبت العربية علي 85000 عشان كانت تقريباً شبه كدة اخر واحدة عندهم و دة اللي اتقالي ساعتها و عشان جبتها من التوكيل نفسه ... احمد موتورز قاللي 81000 الف جنية !!! او 82500 باين حاجة كدة !!! ... بس انا خت العربية over price تقريباً .. لان مفيش غيرها ساعتها