خاص ..لكل راغبى تركيب وحدات اضاءة للصنى .. تجميع الاسماء هنا

السلام عليكم اخوانى الكرام صقور نيسان

سالت بخصوص وحدات الاضاءة وجراب النظارة فى مودرن , قالولى الوحدات دى مش بنجيبها كيتر عشان مش عليها اقبال كتير , واللى موجود عندهم واحدة فقط ومحجوزة لواحد حيركبها

فبلغونى , لو حد عايز الوحدات دى , يجى ويعمل امر ليها
فطبعا قولتلهم صعب الناس تيجى تحجز وتمشى
......

وكما عودناكم هنا فقط فى نايل موتورز ومع الصقور , بخدمة خمس نجوم

اقترحت عليهم ان ممكن اجمع اسماء الاعضاء اللى متاكدين فقط من تركيب الوحدة
وحيكون برقم الشاسيه +رقم الماتور + اسم العضو بالكامل +رقم موبيله
ثم ابلغهم بيها

بس طبعا نرجع ونقول ان ده للاعضاء اللى متاكدين من تركيب واقتناء الوحدة

وبخصوص الوحدة بتيجى فى خلال اسبوعين فقط

وثمن الوحدة 440 جنيه فقط +مصاريف تركيب وضريبة تصل الى 100

وعرض النايل موتورز ليكم ولصقوره , حتكون بدون مصاريف تركيب

يعنى حيكون ثمن الوحدة وتركيبها 440 جنيه فقط

فى انتظار تاكيد حجز الاسماء

تحياتى للجميع

ماشاء الله يابو حميد ....... نص السعر اللي كنت متوقعه تماما
تسلم علي لفك ومجهودك ....... ربنا يجعله في ميزان حسناتك يارب العالمين
اقعد بالعافية :bye2:

انا اوكيه يا احمد و معاك رقم الشاسية و الموتور و العربية كلها علي الايميل و الف الف شكر يا جميل علي تعبك و محبتك الغير عادية اللي مبتتقدر بمال ابدا ابدا

اقتباس:

---

المشاركة الأصلية كتبت بواسطة sonasteel

ماشاء الله يابو حميد ....... نص السعر اللي كنت متوقعه تماما
تسلم علي لفك ومجهودك ....... ربنا يجعله في ميزان حسناتك يارب العالمين
اقعد بالعافية :bye2:

---

الله يخليك يا سونة تسلم يا حبى وربنا يخليك ليه يا جميل

اقتباس:

---

المشاركة الأصلية كتبت بواسطة peaceman

انا اوكيه يا احمد و معاك رقم الشاسية و الموتور و العربية كلها علي الايميل و الف الف شكر يا جميل علي تعبك و محبتك الغير عادية اللي مبتتقدر بمال ابدا ابدا

---

انا معايا بياناتك يا بيشو , ومستنى باقى بيانات الاعضاء اللى عاوزين يركبوا ونجمع عدد واعمل بيه امر على طول ليكم

اولا السلام عليكم و فعلا يا أستاذ أحمد حضرتك عضو مميز جدا ربنا يباركلك علي الخير اللي بتعمله للناس

و معلش أستحملني في أستفسار صغير لأني بقالي فترة ظروف شغلي بعدتني شوية عن حتي متابعة الموضوعات الجديدة

بالنسبة لكيفية تركيب وحدة الإضائة في سقف السيارة أنا كنت سألت في السبع قالو أن فيه شاسيه حديد في سقف السوبر صالون بتتثبت عليه و بالتالي أنا كنت أستبعدت فكرة تركيبها عشان مبوظش سقف العربية فيا ريت حضرتك توضحلي مدي صحة الكلام ده و كمان كيفية تركيبها في حالة ضرورة وجود الشاسيه الحديدي

معلش طولت عليك بس أنت اللي بعمايلك الحلوة طمعتني اتقل عليك

لا ابدا تحت امرك يا استاذ حسام

حسال لحضرتك فى الموضوع ده وحرد عليك باذن الله

بس انا عايزك تطمن لو فى شاسيه حديد او مفيش اكيد بيركبوها بحرفة فى مودرن , واكيد كل حاجة بتكون تمام

بس حسالك هل فى شاسيه ولالا , وبيتفك ازاى الفرش اذا كان بيتفك , لان ممكن ميتفكش ويتثبت بطريقة اخرى
والله اعلم

حعرف كل حاجة وابلغك

وهل التيدا برده داخلة فى العرض ده ولا لاء
وشكرا على المجهود يا أحمد باشا

شكرا يا احمد باشا و متابع معك

انا سالت لحضرتك يا استاذ حسام

بيركبوا الشاسيه فعلا لانها بتيجى بالشاسيه , عشان تكون متركبه مظبوط
وقالولى متقلقش من اى حاجة الفرش بنركبه تانى ومن غير اى بقع ولا اى مشكله خالص
وفعلا شغلهم نظيف فى مودرن , لانهم بيشتغلوا فى ابورواش على روقان

طيب لو امكن صور ليها ومكان تركيبها فى السقف ولو صوره بليل وهى منوره انا ان شاء الله هركبها بس مش هاكمد حاليا معاك لحد لما اصلى استخاره وشوف نفسى والظروف وااكد عليك بس ليا طلب لكل الاعضاء لو ينفع نتقابل جميعا يوم التركيب علشان تبق مقابله + تركيب الوحده يبق كدا تمام اوى منها شغل فى العربيه ومنها مقابله لقسم نيسان

صور ليها وطريقة تركيبها حيكون صعب والله يا بوحميد
بس هى هى اللى فى السوبر صالون بالظبط , اللى بتكون راكبة فيها

ممكن حد من اللى معاه سوبر صالون يصورها لينا يبقا جزاه الله خيرا

انا عايز بس اللى ناوى يركبها يبعتلى على الخاص البيانات , او يحطها هنا عشان نجمع الاسماء ونعمل بيها امر تشغيل

لان الوحدة زى ما قولتلكم بتيجى بالطلب ومش متوافرة عشان كمان حتاخد وقت عقبال ما تيجى ونكسب وقت

تحياتى

الف شكر لأهتمامك يا استاذ أحمد
المشكلة اللي مخوفاني هي الشاسيه المعدني نفسه لأنه بينزل في السوبر صالون ملحوم في صاج السقف نفسه بالتالي اللي مخوفني هو هل حيتلحم أكسجين مثلا في السقف ( وده ممكن يتسبب في حرق للبوية ) ولا فيه مواد لاصقة بديلة تغني عن اللحام زي المادة اللي بتلزق مراية الصالون في الزجاج الأمامي مثلا و معنديش مشاكل في فك و تركيب فرش السقف و مش قالقني
علي العموم أنا معجب بفكرة وحدة الأضائة دي من زمان و بأذن الله حكون معاكم بس مستني أتأكد الفلوس حتكون جاهزة ولا لأ و أرد علي سيادتك ,
مع عظيم شكري لبالغ أهتمامك

بص يا استاذ محمد , موضوع بنطة لحام خفيفة فى الصاج مش حتعمل حاجة لان دى بنطة صغيرة بيخدها الشاسيه الحديد

واعتقد مينفعش مادة لاصقة تلزقه

وممكن الله اعلم تاخد بنطة لحام كهرباء مش اكسجين

وممكن اللى يفيدنا فى الموضوع ده اخونا كريم فرحات لما له من خبره فى الموضوعات دى كويس

يا ريت يا شباب اى حد معاه سوبر صالون يصورنا وحده الاضائه علشان نشفها على ارض الواقع يا شباب علشان نقدر نحدد الشكل النهائى

بحثت على النت كتير ومش عارف اوصل لشى هحاول اروح فرع ابو رواش واصورها وانزلها من اى عربيه عندهم سوبر صالون ولو اى معاه سوبر صالون يصورها لينا يا شباب واكون شاكر جدااااااااااااااااااااااا ااااااااااااا

دي صورة وحدة أضائة الصني بتاعة اسواق تانية من النت
هي تكاد تكون نفس اللي بنتكلم عنها

http://www.nileup.com//uploads/image...d9d383b502.jpg

اقتباس:

---

المشاركة الأصلية كتبت بواسطة hossam_zaky

دي صورة وحدة أضائة الصني بتاعة اسواق تانية من النت
هي تكاد تكون نفس اللي بنتكلم عنها

http://www.nileup.com//uploads/image...d9d383b502.jpg

---

الف شكر يا باشا على مجهودك بس عايزين تاكيد من استاذ احمد هيا دى ولا فى اختلاف وهل الزراير دى بتاعه النور ولا ليها استخدام تانى

معلش يا أستاذ أحمد أولوياتي تغيرت
عشان عندي مشكلتين ظهرو في العربية

الأولي أن عندي جنطين في العربية فيهم رفة و إن كانت بسيطة بس علي المدي الطويل مش صح فحضطر أغير جنوط العربية كلها بجنوط سبور و أجيب من الأخر عشان الجنوط الحديد الأصلية غالية و بالفعل طلبت مشورة الأخوة في المنتدي

الثانية من سنة و نص تقريبا كان ميكروباص خبطلي الباب بتاعي و كانت بسيطة و مع ذلك تسرعت و رحت يونايتد جروب ( التوكيل ) و عملو سمكرة و دوكو للباب بـ 660 جنيه وقتها - للأسف و أنا بغسل العربية أمبارح قشرة دوكو من الباب اللي رشيته في التوكيل طارت مع ضغط مسدس المياه !!!!!!!!!!! و مش حقول غير حسبي الله و نعم الوكيل فيهم و عزائي الوحيد أن لون الباب كان مفارق بعد رشه و أخدته كدة من التوكيل عشان رشوه ثلاث مرات و معرفوش يجيبو درجة اللون
فحاليا مضطر أرشه عشان ميصديش

طولت عليك

ما شاء الله عليك يابو حميد
بس سؤال سأله أخ من شوية ماتجاوبش عليه
الوحدة دى للصنى بس ولا ممكن غيرها

اقتباس:

---

المشاركة الأصلية كتبت بواسطة احمد المصرى

الف شكر يا باشا على مجهودك بس عايزين تاكيد من استاذ احمد هيا دى ولا فى اختلاف وهل الزراير دى بتاعه النور ولا ليها استخدام تانى

---

ولا يا بوحميد حقيقى انا معرفش حاجة لان معيش العربية ولا شوفت السوبر صالون , اكتر ناس حيفيدوك فيها هما ملاك السوبر صالون

اقتباس:

---

المشاركة الأصلية كتبت بواسطة hossam_zaky

معلش يا أستاذ أحمد أولوياتي تغيرت
عشان عندي مشكلتين ظهرو في العربية

الأولي أن عندي جنطين في العربية فيهم رفة و إن كانت بسيطة بس علي المدي الطويل مش صح فحضطر أغير جنوط العربية كلها بجنوط سبور و أجيب من الأخر عشان الجنوط الحديد الأصلية غالية و بالفعل طلبت مشورة الأخوة في المنتدي

الثانية من سنة و نص تقريبا كان ميكروباص خبطلي الباب بتاعي و كانت بسيطة و مع ذلك تسرعت و رحت يونايتد جروب ( التوكيل ) و عملو سمكرة و دوكو للباب بـ 660 جنيه وقتها - للأسف و أنا بغسل العربية أمبارح قشرة دوكو من الباب اللي رشيته في التوكيل طارت مع ضغط مسدس المياه !!!!!!!!!!! و مش حقول غير حسبي الله و نعم الوكيل فيهم و عزائي الوحيد أن لون الباب كان مفارق بعد رشه و أخدته كدة من التوكيل عشان رشوه ثلاث مرات و معرفوش يجيبو درجة اللون
فحاليا مضطر أرشه عشان ميصديش

طولت عليك

---

طبعا عندق حق وربنا يقويك ويعينك , وتحت امرك فى اى خدمة

اقتباس:

---

المشاركة الأصلية كتبت بواسطة mas83

ما شاء الله عليك يابو حميد
بس سؤال سأله أخ من شوية ماتجاوبش عليه
الوحدة دى للصنى بس ولا ممكن غيرها

---

الوحدة دى للصنى ومينفعش تركب لغيرها , لكن لو عايز وحدة غيرها للتيدا او الليفينا مثلا اسالك
كل عربية وليها وحدتها

الف مليون ولا اقولك مليار شكر يا باشا ( بس خلى بالك رقم مليار حاليا بقا بيسبب مشاكل كتير ) هههههههههههههههههههه


الف شكر على مجهودك ومستنيين حد من ملاك السوبر صالون يقلنا ايه الاخبار يا شباب هل الوحده ذى ال فى الصوره ولا فى اختلاف

السلام عليكم
أنا معنديش سوبر صالون بس شوفت اللي بتنزل في السوبر صالون في الشارع و وقفت و اتفرجت عليها (كانت عربية ركنة)
المهم مش زي اللي في الصورة و إن كانت اللي بتنزل في السوبر صالون أحلى و مش مكعبرة شوية زي الصورة
أي حد يشوف عربية سوبر صالون ركنة على جنب ممكن يتفرج عليها و بجد شكلها حلو قوي

السؤال حاليا الهيركبها التوكيل ايهم يا شباب ولا ذى السوبر صالون بالظبط علشان نريح نفسنا

اللى بتركب فى الاى اكس اللى بقولكم عليها هى هى اللى فى السوبر صالون
هو مفيش حد معاه سوبر صالون خالص ولا ايه !!!!!!!!!!!!!!!!

يا سلااااااااااااااااااااااا اااااااااااااااااااام يعني انا اللي طالبها و لا حد يسأل فيا ماشي يا سيدي احجزلي .....شكرا انا بقالي حوالي 5 شهور مستني