هههههههههههههههههه
ايوة الاسكترة باظت عندي في السيراتوا و هيا ماشية 40 الف و انا والله بحسس عليها ولا حفر ولا مطبات ولا غيره... بقت كبالن و اسكتره :) يلا كملت :)
ايه الكلام بقى ؟
عرض للطباعة
هههههههههههههههههه
ايوة الاسكترة باظت عندي في السيراتوا و هيا ماشية 40 الف و انا والله بحسس عليها ولا حفر ولا مطبات ولا غيره... بقت كبالن و اسكتره :) يلا كملت :)
ايه الكلام بقى ؟
الاسكترة باظت ???????
ربنا يكون فى عون
:) بتعمل تكه لما تكسر الطارة و العربية واقفة و بقت التارة تقيلة جدا و مبقتش بترد في الملفات تاني و اوقات تروح مخرفة و تلف لوحديها :(
العربيه فى التوكيل يا باشا؟
انا اللى اعرفه ان الاسكترا تغلب الشجاعة :oops1:
انما الاسكترا فى السيراتو انا معرفهاش الصراحة !!
العربية دى مش ماشية معاك يا باشا على طول عاملة ليك مشاكل بيعها وريح دماغك
الي مضايقني .. عربية بالجمال دة وكل الكماليات دى ونسيوا حاجة اسمها عفشه فيها .. بأمانة نفسي امسك في زمارة العبقري ابن العبقري الي عمل العملة السودا دى ولا معملش حساب ان العربيه دي هتمشي علي حاجه غير الارض
هو بصراحة كان عامل حسابه ان الارض اللى هتمشى عليها زى باقى الاراضى اللى فى الدنيا
انما عندنا هنا ارض كلها مطبات وحفر وطوب وزلط وكل واحد يعمل مطب بمزاجه ده
حتى فواصل الكبارى مش سالمين منها احنا محتاجين ( دبدبات ) هى اللى هتنفع مع الطرق المصرية
وده يهد اى عربية مش السيراتو بس
لا طبعا اختلف معاك فيه اراضى فى العالم اسوا و زى اراضينا العيب فى العربية طبعا يعنى
هيا دى حاجة بتبص فيها للى اوحش منك ولا الى اعلى منك ,,, لو على كدة اعملى واحدة سيفيا ( معلش بئى سيفياوى وافتخر ) :Ka_che1[1]::Ka_che1[1]: بجنازير عشان تنفع معايا
--------------------------------------------
الصح يا باشا انك تعمل طرق نضيفه تمشى عليها الناس قبل العربيات مش كل واحد عايز ابنه ينام فى الشارع يروح عاملك مطب زى الزفت رفع الدبوس وانت تروح طالع عليه ويادوبك اول عجلتين ينزلواااا دب فى العربيه وتلاقيك فاتح اشتراك عند العفشجى عشان تربط ولا تغير ولا تشوف صابها ايه
انتا حساس اوى كده ليه ؟
عارف فيه ردود ف مواضيع كتير بتجبرك انك ترد
مانا مش عارف ارد ف الاول اواسي صاحب الموضوع بس ردك خلانى مت من الضحك
ياسيدى متزعلش بس مش هوا ده الموضوع
ومعلش طالما رديت على الموضوع يبقا اخد بيد صاحب الموضوع مش قصدى اى حاجة وحشة طبعا بس هل لك
سابق تعامل مع جر امامى ؟
اصل يعنى مش كل تحسيس بيحافظ على العربية يعنى فيه مدق لما تخده بالراحة بتأزى العفشة اكتر من انك خته بسرعة وبردو مطابات الحديد دى يفضل متخدهاش بالوش مرة واحدة لانه ليه تأثير بردو شديد على الكبالن والاسكترا
وعمتن اتأكد بردو ليكون تهيؤات وان شاء الله تبقا بسيطة
باشا مفيش مشاكل انا بتكلم بس لاني مخنوق بجد ....
العربية وكيل يا باشا و الوكيل ده تيت معلش ملوش لزمة .... انا الكبالن بره الضمان اتقلي و 6 الف و دراع نور الفوجات بره الضمان وووووووو كله بره الضمان ,... انا من اول ماجبت العربية غيرت كل حاجة على حسابي من اول فانوس اشارة مرايا لحد لسة ما ربنا يفرجها جايبه كبالن و اسكترا..... وبعمل كل الصيانات في التوكيل حتى لغاية الاربعين الف اهو .. و شكلها مفيهاش صيانات بعد كدة ...
دلوقتي هيا العربية منحوسة معايا انا بس شكلي مش عارف ليه ... الحمدلله و ربنا يفرجها و يرزقني بفلوس اصلحها ...
الله يكون فى عونك والله انا حاسس بالاحساس اللى حضرتك فيه ديلوقتى بس ربنا يعوضهالك ويخلفها عليك فى حاجة احسن ان شاء الله
بس كنت عايز اسال حضرتك سؤال الغرض منه تقديم المساعدة ليك لو فى ايدى :
حضرتك اشتريت الكبالن والاسكترا من التوكيل بكام؟
انا والله بسال حضرتك لان لو عرفت اوفر لحضرتك الحاجات ديه بسعر ارخص يبقى على الاقل خففت عليك الاضرار شوية
معلش انا كان ليا استفسار انا عندى لما اجى الف الدريكسيو للاخر بسمع صوت تزييق كده و العربيه واقفه لكن و هيا ماشيه مبسمعش حاجه و لو على ملف الدريكسيو بيرجع لوحده من غير مشاكل ممكن اعرف ايه صوت التزييق ده؟؟؟؟
السلام عليكم و رحمة الله
لو التوكيل بجد بوصف حضرتك كده يبقي اللي يشتري يشتري خليجي و يشتري ضمان من أي مركز كبير
لأن غبور اللي 80 مليون بيقولوا عليه توكيل ملوش لازمه كل صيانه بيعمل تشك علي العربيه ميكانيكا و عفشه و كهربا و لو فيه حاجه بيجي يقلك أحنا غيرنا كذا في الضمان
و للعلم مغيرينلي علبة دركسيون و كبالن و أجزاء من العفشه في الألنترا ببلاش
و مغيرين مكنة رفع يمين
أما الماتريكس مغيرين 4 مساعدين و كاسيت
و الماتريكس التانيه كاسيت
مع العلم أن العربيات مبتروحش بشكوي و اللي أتغير أتغير لمجرد الدلع مش أكتر
و علي ما أظن هو الموضوع كده في كل التوكيلات
بالتوفيق إن شاء الله
ياباشا العربية دي انا فعلا بحس انها مصممة لشوارع اوربية .. وبالنسبة للشوارع فنا عايش فى جدة اهو واقسملك بالله ان مفيش شارع يخلو من الحفر والمطبات المفاجأة الا طريق اسمة طريق الملك ومترشق كاميرات كله
غير كده بقى تبقى ماشي والاسفلت حلو وهوب تلاقي حفرة طلعت ولا يمكن تقدر تفاديها او حتى تفرمل .. ناهيك عن فواصل الكباري الحديدية اللى بترفعك انت والعربية وترقيع الاسفلت الغبببببي اللى بيعملوه يانازل ياطالع ولازم يهبد العربية هبد
ياراجل انا فكرت أأجر نص نقل واملاها رمل وامشي بليل على الحفر دي املاها لان فعلا الناس اتهررررررررت مطبات
واضح ان دى مشكلة متكررة فى الكيا عموما .. عشان دى مشكلة معرفة فى الكيا سيفيا.
انا سالت قبل كده ومحدش جاوبني
ممكن اعرف ايه الاسكترا دي ؟
يب والنبي بصوا علي شوارعنا وعلي السيراتو بتلبس مطب يحزن
انا مصدقتش غير لما شوفت بعيني
والله العربية دي مظلومة في شوارعنا
YouTube - ‫ظ…ط·ط¨ ط¹ظ„ظ‰ ط·ط±ظٹظ‚ ط§ظ„ط³ظˆظٹط³ ط§ظ„ط³ط±ظٹط¹‬‎
معلش حتعبك انا كان ليا استفسار انا عندى لما اجى الف الدريكسيو للاخر بسمع صوت تزييق كده و العربيه واقفه طبعا لما اكسر يمين او شمال بسمع الصوت لكن و هيا ماشيه مبسمعش حاجه و لو على ملف الدريكسيو بيرجع لوحده من غير مشاكل ممكن اعرف ايه صوت التزييق ده هى دى الاسكترا ولا ايه:oops1:؟؟؟
انت عندك اير باج في الدريكسيون ؟؟؟
لو عندك - ساعات وصلات المالتي فنكشن والاير باع من السقعة بتتشد - وتعمل التزييق دة - حتلاقي الصوت دة بيختفي في الصيف او مع ارتفاع درجة الحرارة
الاجابة نعم الصوت دة ساعات بيظهر عندي
بس الصوت اللي عندي بحس انة طالع من ابلاستيك بتاع الدريكسيون - مش من العفشة
لو الصوت عندك كدة مفيش مشاكل - انما لو تحس انة جاي من العفشة - روح التوكيل
الإسكترا خربت عندي في العربيات الآتية بسبب وعورة الطرق اللي بنمشي عليها :-
البرايد >> ما غيرتهاش وما حشيتهاش
الميجان >> بعت العربية على عيبها
الأوبترا >> بعت العربية على عيبها
الجيلي >> بعت العربية على عيبها
ال 132 >> غيرتها
الفليشيا >> حشيتها وباظت تاني
يلااااااااااااااااااا بتاع السيراتوا غيشم على فكرة كان لازم يفك فرامل قبل ما يلبس المطب و مكنش حصلوا الي حصلوا ده ! ده العربية اتفلقت ...
المعلم بتاع البي ام باشا :) لو تاخدوا بالكم اخر عربية كانت حتلبس فيه من ورا هوا قام طاير شمال على طول ... :)
دلوقتي مش عارف اعمل ايه ..... انا شايف ان العربية مع شعب مصر كله و ماشية محدش بيشتكي ... مش عارف انا ليه كدة :( المشكلة لو افكر ابيع حمسك 90 - 95 الف اجيب بيهم ايه دول ...... و اكيد مش حجيب زيروا تاني ... بفكر كوبيه مستعمل بس برضه فرق السعر جامد و الدنيا اصلاً مش مستحمله و اصلاً الي حيبعها حيكون مطلع تلاته بوز الكوب :) ولا هيبيع وهيا بحالتها ليه :) ولا نا اغلطان :)
انا متابع معاك موضوعك من البداية وشايف انت برضه بتقسى على العربية شوية
عيوب السيراتو المعروفة ( من شركة ضمان خليجى )
علبة الدريكسيون
دراع النور
وعلى فكرة دول يتغيرو فى الضمان
الجنوط ال 17 ( دى خارج الضمان )
متفكرش فى موضوع البيع دلوقتى هتخسر كتير على الاقل فى الوقت الحالى
نصيحتى عامل العربية بحرص اكتر من كده وحاول تتطلع زكاء على العربية ( شكلها وخدة عين تمام ) ونصيحة من اخ ليك حاول التقرب الى الله اكتر
الحل الامثل فى الاستيراد ومعتقدش هتخرج من الضمان لان محدش هيعرف
ويارب يحرسها من شر العين ...وبقولها من قلبى لانى مجرب
اوبااااااااااااا اية المطب ابن التييييييييييييت دة .. طب اعملو تنبيه ياجدعان .. واللى مصور الكليب دة حرام عليه والله واقف يصور الناس
طب حذرهم يااخي :s