الموضوع: بعد تعدد السرقات..لابد من أنذار يا جماعه

المشاركة الأصلية كتبت بواسطة moha4tec

+111111111111111
او يدفع الف و نصف و يجيب جهاز التتبع عن بعد للعربيه فى اى حته من العالم
و كلامك مظبوط تمام التمام
كده صح لازم انزار

والله يا أبو ليلى لسانى دلدل مع كل ما حد يقول على موضوع جهاز التتبع ده أبو ألف ونص ... وأقوله طب مادام انت عارف انه بألف ونص أفهم من كده انك شفته فى مصر ... طب فين ... وبرضه ما حدش لغاية دلوقتى عبرنى ... ياترى يا هل ترى هتنضم انت كمان لللستة ولا ؟؟؟؟؟؟

حتى اذا فيها امبولايزر ؟ احنا عرفين انه كله بيتسرق ، بس اذا الحرامى عرف ياخد عربية زى الكيا و كمان بيعرف يسرق عربية بمواصفات امان اعلى من كده وفيها انذار

وكمان معاك فى موضوع ال 2 ways ده بس المشكلة اغلب الناس مش بتقدر تفتح الشباك او البلكونة تلاقى عربيتها قدمها


طيب نلخص الموضوع ببساطة العربية الى مفيهاش اموبلايزر ده كده مفيش قدامه اختيرات لازم يركب إنذار يعنى لازم يركب انذار.

وممكن اذا حد عنده اموبلايزر وعايز زيادة امان يركب نظام التتبع علشان كده شايف اموبلايزر + انذار + نظام تتبع يبقى كده نظام كامل بس ميين الى هيروح يجيب الحرامى من رقبته .

بس برضه الواحد بيسمع 100 عربية بتصوت فى الشارع والبواب بيكون نايم ولادارى بأى حاجة د حتى لما بيكون حد ماشى فى الشارع ولا كانه شايف حاجة، ربنا مع الجميع ,ويسترها معانا.


و متفق معاك تماما هوه ده الحل ان شاء الله:

طبعا الله خير حافظا لكن لازم ولابد وحتما نتخذ بالاسباب ونقول "اللهم إني أتخذت بأسبابك وأنى أستودعك سيارتى فأنه لا تضيع ودائعك" وأتخاذ الاسباب الى أنا قلته ده من أنذار لأتخاذ الحيطه فى اماكن الركن


الله يحفظ الجميع،

المشاركة الأصلية كتبت بواسطة aaet1

والله يا أبو ليلى لسانى دلدل مع كل ما حد يقول على موضوع جهاز التتبع ده أبو ألف ونص ... وأقوله طب مادام انت عارف انه بألف ونص أفهم من كده انك شفته فى مصر ... طب فين ... وبرضه ما حدش لغاية دلوقتى عبرنى ... ياترى يا هل ترى هتنضم انت كمان لللستة ولا ؟؟؟؟؟؟

ممكن حضرتك تشوف الشركة دى :

نظام GPS تتبع السيارات

الأتصال بالشركة



وياريت اذا حد كلمهم يقلنا التفاصيل،

تحياتى،

المشاركة الأصلية كتبت بواسطة normal

السلام عليكم

غيابي الكتير عن المنتدى خلى موضوع كثره سرقات السيراتو دا مفزع بالنسبالى!
كنت فاكرها حاله ولا أتنين لكن أكتشفت أن فى حالات كتيره
مش هخوض فى السبب لأنى فى الحقيقه معرفوش ومش هفتى
لكن خلينا فى المهم وهو الحل لمشكلتنا
أنا كان سؤالى الوحيد لكل واحد بيعمل موضوع عن أن السيرتو بتعته أتسرقت هو أنت مركب أنذار ولا لأ؟
طبعا ليه التركيز عليها واضح
عربيه منتشره فأكيد هتتقطع بسهوله وتتباع هوا
وكمان مع كثرتها وعدم ندرتها يصعب إيجادها
المهم
لا غنى الان عن تركيب الانذار
أى كان نوعه لكن حاجه تخلى الحرامى يفكر مرتين بدل مره قبل ميسرق العربيه
ايه الازمه فى كلبش للدركسيون بردو يخلى الحرامى يفكر قبل ميسرق العربيه وهياخد وقت ويكون معاه مقص وحوار
هيقول لنفسه بلاها عربيه وفى غيرها 100 واحده!
يبقى من الان...
كل واحد معاه سيراتو ميستخسرش 600 جنيه أنذار محترم شرا وتركيب
ويشترى عربيته الى ب100 ألف وأزيد
أنزل من بكره أشترى الانذار وركبه وخلى لمبه الانذار فى مكان واضح علشان الحرامى يعرف أن العربيه فيها أنذار
كمان بحس فى بعض الناس لا مبالاه فى ركنه عربيتهم
متركنش فى أى حته!
متركنش فى شارع ضلمه ولا لازق فى حيطه علشان الضل!!!
أشترى عربيتك وأركن فى شارع نور و مكان آمن ولو حتى هتتمشى شويه مش خساره فى صحتك
طبعا الله خير حافظا لكن لازم ولابد وحتما نتخذ بالاسباب ونقول "اللهم إني أتخذت بأسبابك وأنى أستودعك سيارتى فأنه لا تضيع ودائعك" وأتخاذ الاسباب الى أنا قلته ده من أنذار لأتخاذ الحيطه فى اماكن الركن
لو المكان غريب عنك متغطيش عربيتك فيه حتى لو هتبات
لأن العربيه المتغطيه أسهل فى السرقه
قلت مليون مره ولازلت برشح أنذار spy 2-way
وهعيط لو حد سألنى دا أيه ولا يتجاب منين
لأنى قلت 200 مره فى مواضيع ومشاركات ورسائل خاصه :)
لكن مش مشكله طالما دا موضوع منفصل
دا من الاخر أنذار جامد أخر 25 حاجه :)
أهم ما فيه
أن الريموت بيزمر مع العربيه
ودا مهم لو راكن العربيه بعيد أو مش ناوى تسمعها وهى بتعيط لأى سبب كان
الريموت يفضل جنبك على طول
حتى وانت نايم لو نومك خفيف هيصحيك من النوم
لما يزمر تجرى على التراس وتبص على عربيتك
عيال بتلعب كوره أو كلب قتم نايم فوقيها
المهم أطمن على عربيتك أنها جنبك نظريا طالما الريموت دا جنبك
تجيبه من "غريب" فى التوفيقيه
أى حد فى التوفيقيه يعرف مين غريب وهيدلك عليه
رجاء حار لكل مالك سيراتو متبخلش على نفسك وهات اى أنذار من فضلك
تخيل نفسك لو كنت مكان أحد زملاتنا الى فقضوا عربيتهم لا قدر الله
بعد أذنك ...ركب أنذار

طيب بعد اذنك هو الشراء من التوفيقيه ( غريب ) طيب التركيب فين ولا مش فارقه اى حد بتاع انذار