تعديل غطاء موتور النيو سيراتو بالكاربون (سلسلة عدل عربيتك بنفسك)قول رايك بصراحه

**revel_sony** · 06-05-2011 10:45 AM

موضوع جميل ومجهود عظيم
وانا حابب اعمل حاجه كده
لو عندي استفسارات حبعتلك علي طووول عشان تساعدني

**moha4tec** · 06-05-2011 12:17 PM

المشاركة الأصلية كتبت بواسطة ashouhdy

مجهود ممتاز يامحمد والله

بس رأيى الشخصى كفاية اوى كدى على العربية عشان تحافظ على رونقها العربية ماشاء الله ستايل سيمبل راقى متزودش حيجيب نتيجة عكسية

+111111111111
انت و الله راجل بتفهم و كلامك صح
و عموما انا بعمل يا دوبك حجات بسيطه كده و بيبقى بعضها ليها هدفين
1- الحمايه من الخدوش و ده جوا الكابينه
2- الشكل الجمالى و ده جوا و برا و كده
و ان شاء الله هرفع موضوع تعديلاتى للكابينه جوا ( تعديلات سيمبل اوى اوى و مديه شكل حلو و بسيطه)و اتمنى انها تعجبكم
و انت عارف ان انا يهمنى راى الناس اللى بتعدل من زمان و كده لانهم ليهم اقدميه فى المجال ده و بيفهموا فيه اكتر منى
و انا احب استفيد من خبرة اى حد بيفهم فى المجال
و نورت و شرفت الموضوع يا باشا
و السلام ختام

**moha4tec** · 06-05-2011 04:28 PM

المشاركة الأصلية كتبت بواسطة revel_sony

موضوع جميل ومجهود عظيم
وانا حابب اعمل حاجه كده
لو عندي استفسارات حبعتلك علي طووول عشان تساعدني

السلام عليكم
متشكر على كلامك الجميل و لباقتك
و لو عاوز تعمل اى حاجه انا تحت امرك فى اى حاجه بس انت اللى هتعملها بايدك و انا اقولك ازاى
او نتقابل فى اى مره و اعملهالك انا و نتصور كلناو نعمل موضوع بيها
و ابعت اى استفسار و انا تحت امرك و مستعد للمساعده فى اى وقت اكون فاضى فيه
و بالمره نتعرف على حضرتك و نتشرف بيك
و احنا عموما بنحضر لموضوع تعديلات كبير اوى يعنى تقريبا 10 عربيات سيراتو متعدلين و متظبطين تعديلات مختلفه كده و بالصور و الفيديو و الشرح و الاسعار و كل حاجه لو حابب تخش معانا فى الموضوع انا تحت امرك
و نتشرف بيك

**moha4tec** · 07-05-2011 03:26 AM

المشاركة الأصلية كتبت بواسطة masterzmind

طبعااااااا انت جامد مووووووت انا متابعك من ساعت الجنوط الصراحة شغل عالى اوى والله بس فى تعليق مش بعد فترة كدة مع الحر بتاع بلدنا مش ممكن الكربون يفرقع ( يعنى يتنفخ كدة ) ويبقى شكلوة وحش ..... ورائى انك تعمل k&n شكلها جامد اوى بلون الاصفر dohch 16v بلون الاحمر وكمان اللون الفراننى بتاع العربية بتاعتك دة احسن لون مع الكربون لو هتظبط برة العربية ..... ومستنى التعديلات يا كبير وربنا يرفقك

السلام عليكم
ربنا يخليك و يكرمك على كلامك الجامد جدا
و طبعا انا بعمل المواضيع عشان نستفاد كلنا من بعض و نتعلم من بعض و كده
طبعا الكربون الاستيكر مبيسحش من حرارة الموتور و لكن ممكن ينفخ شويه لو معمول عادى و اكيد شكله هيبقى اى كلام
لكن انا جربت لزق من نوع معين و ممكن لما تزهق منه تشيله من غير ما ياثر على الفبره و لاا يسيب اثر
و لكنه عمل مفعول بنسبة 70 % و ان شاء الله قريب قوى هجرب واحد اقوى و ان شاء الله يجيب نتيجه
و انا عملت k&n فعلا و dohoch 16v باللون الاحمر العاكس و عشان كده لما بيجى الفلاش عليه بينور و بيعكس و تفتكر انه اصفر او برتقالى لكنه احمر و الله او نبيتى كمان فى الحقيقه
انت قصدك اه من التعديل برا بلون العربيه الفيرانى ؟؟؟؟؟؟ مع الكربون قصدك الكبوت و السقف و كده ؟؟؟
و ربنا يوفقك و ان شاء الله فى تعديلات فى الطريق ان شاء الله بس يا ريت متزهقوش منى . هههههههههههه
التعديل اللى جاى فى الكابينه الانتريور ان شاء الله

**moha4tec** · 08-05-2011 08:56 AM

المشاركة الأصلية كتبت بواسطة iwantes350

مجهود جبار بجد
انا تقريبا مشفتش حد بالذوق ده بسم الله ما شاء الله
ربنا يبارك لك فيها بجد شكلها جامد و حضرتك باين عليك شخص بيفهم فى التعدبلات وذوقه عالى لابعد الحدود
على فكرة انا متابعك من ساعة الجنوط وبصراحة شكلها يخوت
ممكن اعرف انت جايب الكاربون ده بكام + الفرامل اللى فى موضوع الجنوط نوعها كان brembo كانت تحفة بس سعرها كام وايه ادائها على السرعات العالية
انا من ملاك الكورولا ومتطفل على ال KIA اللى انا للاسف مفيش بيني وبينها عمار
الف شكر وربنا يباركلك فيها .......

السلام عليكم . ربنا يكرمك و انت مبالغ اوى فى حقى انا كل الكلام الجميل اوى اللى انت قولته .
انا مجرد بشوف تعديلات بتتعمل فى عربيات تانيه بس برا مصر و جوا مصر و بحاول اعمل الحاجه اللى على مزاجى و اللى تناسبنى.و انا على قدى فى موضوع التعديلات ده .
و احمد الله ان بقت لى شعبيه هههههههههه و ان فى اعضاء بتتابع مواضيعى ( دا كدا 100% و مكنتش متوقعه )
الكاربون انا اشتريت المتر ب 50 و بعده عرفت ان ممكن تجيبه فى حدود 35 الى 28 او 30 جنيه من التوفيقيه بس تلف كويس
الفرامل دى مجرد كفر فرامل فقط و ليست فرامل حقيقيه و انا جبت ال 4 ب 75 جنيه من عند الشيخ ابراهيم بتاع الاستيكر فى شارع دمشق بس بعد كده لقيت فى نوع تانى احسن للفرامل اللى قدام و بنفس السعر بس شكل احسن و خامه اقوى و اسمك منها و محمله عنها بكتير
مفيش مشكل منها على سرعات عاليه لانى بمشى عادى جدا زى اى حد شويه جرى و شويه عادى و شويه سفر عموما انا جريت بيها لاكتر من سرعة 170 و عادى
بس مش دى المشكله المشكله فى و انت بتغسل العربيه و انت بتفك الجنوط و هتركبها تانى ممكن العامل يرزع مدفع الميه فيه و يشرخه و اقصد يخبطه بالحديده بتاعة المدفع و الميه مبتعملش حاجه خالص
و ممكن و انت بتركب الجنوط العامل يرزعلك الجنط بميل و يكسر البلاستيك او يشرخه
يعنى انا اتشرخت منى وحده و انا بركبها بسسب العامل للاسف ههههههههههههه

دمى اتحرق والله بس السيليكون ماسكها و مبتقعش و لا بتحك فى الجنط
و دايما منور قسم كيا و منور الموضوع و نتشرف بيك فى اى موضوع يا غالى
و السلام ختام

**moha4tec** · 08-05-2011 11:28 PM

المشاركة الأصلية كتبت بواسطة nfs_206

السلام عليكم
ما شاء الله علي تعديلك
يباركلك فيها و يكفيك شرها
انا دايخ علي الكاربون الشفاف ده و مش لاقيه , انا قربت أشمشم عليه :]
انا عاوزه عشان أعمل الاكصدامات ما حدش يعرف أجيبه منين و يعمل كام ؟
العربيه النترا الغريم الرئيسي لالسيراتو

و عليكم السلام
ربنا يباركلك و يكفيك شر عربيتك
الكاربون الشفاف خساره يتحط على الاكصدام ممكن تلزق لزق سفاف المتر ب 5 جنيه لكن الشفاف ب 50 تقريبا
و انت و ميزانيتك
و ان شاء الله هنزل الف عليه موجود فى شبرا و فى الهرم و المهندسين و السويس و تقريبا المنصوره كمان
و الالنترا توامة السيراتو هههههههههههه
و يا رب اكون افدتك
و السلام ختام

مشاهدة نتائج الإستطلاع: اى تعديل افضل من رايك؟؟؟؟

الموضوع: تعديل غطاء موتور النيو سيراتو بالكاربون (سلسلة عدل عربيتك بنفسك)قول رايك بصراحه

LinkBack

أدوات الموضوع

عرض

-

-

-

-

-

-

المواضيع المتشابهه

تعديل فوانيس شبورة النيو سيراتو سيدان و كوبيه,ليدات زى المرسيدس(سلسلة عدل عربيتك)رايك

تكملة تعديل جنوط النيو سيراتو بالكاربون قول رايك(سلسلة عدل عربيتك بنفسك). الجزء 2

تعديل جنوط النيو سيراتو بالكاربون و تغيير شكلها قول رايك(سلسلة عدل عربيتك بنفسك).

خش و فصل النيو سيراتو على مزاجك, و شوف الشرح لاى شىء تتخيلو فيها ,بصراحه سنيوره اموره

بصراحه مصدووووووم من النيو سيراتو ومن كيــــا . . .

الكلمات الدلالية لهذا الموضوع

المفضلات

المفضلات

ضوابط المشاركة