كل اللي عارف بنزينه بنزينها كويس او سئ يدخل يقول عليها

**hamadafawzy** · 02-05-2011 11:59 PM

السلام عليكم
نظرا لشكاوي ناس كتير من ردائه البنزين اللي موجود في بنزينات كتير رغم ان والله بتكون شكلها نضيفه وبنزينها سئ للغايه وعلي سبيل المثال فيه بنزينه في شارع البطل احمد عبد العزيز في المهندسين اللي في طريقك وانته رايح ع الدقي اللي جنب معرض شمس للاجهزه وقدام الاسيوطي للسجاد بنزينها سئ جدا وعن تجربه لواحد صديق ليا راح مون من هناك وعملتلوا مشاكل في العربيه وكانت النترا ولما راح قالولوا انته حطيت بنزين مخلوط وغير البنزينه وكانت النتيجه مختلفه فايه رايكم كل واحد اتعامل مع بنزينه يقول عليها من واقع تجربه سواء كانت كويسه او سيئه عشان تكون كدليل لينا كلنا عشان محدش يقع في المطب الرخم ده
انا بما اني من ساكني اكتوبر انصحكم محدش يحط من بنزينه كالتكس اللي قدام الحصري
البنزين تحس انه عليه ميه وبوظلي العوامه في عربيتي القديمه كانت 128
ومن ساعه ما جيبت الريو وانا بحط من البنزينه اللي في ميدان جهينه قدام مول العرب بنزينها كويس ومفيهوش مشاكل
عموما انا هحطها بالترتيب عشان تبقي سهله لمن يهمه الامر
البنزين الي تجربتها معاها سيئه
بنزينه كالتكس امام الحصري مدينه سته اكتوبر
بنزينه موبيل اللي قدام الاسيوطي في شارع البطل

البنزينه اللي ممكن يعتمد عليها من واقع تجربتي
بنزينه موبيل امام مول العرب في ميدان جهينه في اكتوبر برضه
بنزينه امارات مصر طريق مصر اسكندريه
ارجو ان الموضوع يكون مفيد للجميع وادعو الجميع للمشاركه

**gta10** · 03-05-2011 04:04 AM

افضل بنزينة بالنسبة لى
بنزينة موبيل فى الرماية فى اتجاه الهرم و انت جاى من اسكندرية الصحراوى
بنزينة موبيل عند داندى مول
بنزينة امارات مصر عند داندى مول و على الدائرى قبل كارفور
بنزينة موبيل امام مجلس الدولة
بنزينة شيل اللى جنب القرية الفرعونية
بنزينة توتال على كورنيش المعادى

**yasserelsayad** · 03-05-2011 07:15 AM

تمام .. انا مش بحط بنزين فى القاهرة غير فى
بنزينه امارات مصر او موبيل طريق مصر اسكندريه
بنزينه موبيل امام مول العرب في ميدان جهينه في اكتوبر
وكالتكس اللى قدام جامعة مصر فى اكتوبر باردوا
وممكن موبيل اللى بعد هايبر وانت رايح على اكتوبر

**hamadafawzy** · 03-05-2011 09:50 AM

المشاركة الأصلية كتبت بواسطة yasserelsayad

تمام .. انا مش بحط بنزين فى القاهرة غير فى
بنزينه امارات مصر او موبيل طريق مصر اسكندريه
بنزينه موبيل امام مول العرب في ميدان جهينه في اكتوبر
وكالتكس اللى قدام جامعة مصر فى اكتوبر باردوا
وممكن موبيل اللى بعد هايبر وانت رايح على اكتوبر

انا مجربتش كالتكس اللي قدام جامعه مصر تقصد اللي جنب نادي نقابه المهندسين عموما هجربها من هنا ورايح

ياريت لو حد كان ليه تجارب مع بنزينه مش اد كده يقولها برضه عشان نبعد عنها

**ahmedhossam86** · 03-05-2011 10:04 AM

امارات مصر الدائري
اي محطة موبيل
و شل شارع الطيران

**hamadafawzy** · 03-05-2011 10:11 AM

المشاركة الأصلية كتبت بواسطة ahmedhossam86

امارات مصر الدائري
اي محطة موبيل
و شل شارع الطيران

ر طبعا مش اي محطه موبيل فيه محطات موبيل في اماكن كتير بيكون ادائها سئ وانا كاتب فوق اسم واحده اللي في شارع البطل في اتجاهك للدقي

**ahmedhossam86** · 03-05-2011 10:32 AM

و الله ده رأيي ..!

**Kareem.ElAraby** · 03-05-2011 12:09 PM

محطه اللي علي أول مصدق حراميه في الكميه و بيخلطم البنزين مش عارف بايه بس الجوده زي الزفت أخرهم معايا غسيل العربيه, on z run جامعه الدول و اللي عالكورنيش و انت رايح الجامعه عملين اتفاق مع لمبه check engine

أنضف محطه في الدقي و المهندسين هي ....l اللي في أحمد عرابي غير كده مفيش