سلاح ابيض فى السيارة .. ايه نظامه !؟

**heshamzaky** · 03-05-2011 01:28 PM

المشاركة الأصلية كتبت بواسطة a_hmed

انا قات كدة برضه يعنى اكييد لو شايل حاجة شكلها نضيف غير لما ابقى شايل مطواة قرن

طب ما المطوة القرن زى ال بتر فلاى نفس الفكرة سلاح أبيض و بالقياس الخنجر و حا تلاقى السنجة و السيف بس أطول شوية ههههههههههههههههههه
بص هو بجد لو لقى حاجة زى دى معاك من مظهرك حا يفهم أنت أية يعنى لو واد شكلة سوابق و مسجل و منظهرة ينم أنة مجرم لو معاة مطوة قصافة حا ياخدها بس من غير ما تفهمنى غلط لو شكلك محترم و شايل خنجر و لا مطوة و معروف أنها غالية هو حا يبقى فاهم انك شايلها منظر علشان كدة حا يمشيك لكن لو حس أن الشخص من مثيرى الشغب و البلطجة حا ياخدها منة و حا ياخدة هو كمان .

**AboELsoud** · 03-05-2011 01:42 PM

المشاركة الأصلية كتبت بواسطة nistelrooy

كنت بفكر اجيب الفرامنش او الننشاكو .. سالت علية مش لاقية في حتة .. حتي في التوحيد والنور .. وكمان عايز تدريب :)

انا لسه جايب واحد من شهر كده من التوحيد و النور فرع السبع عمارات
كان في نوع تعبان مش عارف بكام و التاني اللي انا جبته بــ18 جنيه
و احلى حاجه فيه انه ممكن يتقفل و يبقى حديده طويله و تقيله قوي و انا جايبه عشان كده
هاحاول ارفع صورته

**heshamzaky** · 03-05-2011 01:44 PM

المشاركة الأصلية كتبت بواسطة aboelsoud

انا لسه جايب واحد من شهر كده من التوحيد و النور فرع السبع عمارات
كان في نوع تعبان مش عارف بكام و التاني اللي انا جبته بــ18 جنيه
و احلى حاجه فيه انه ممكن يتقفل و يبقى حديده طويله و تقيله قوي و انا جايبه عشان كده
هاحاول ارفع صورته

على فكرة الننشاكو بيعامل قاونا كأنة سلاح على فكرة لآنك ممكن تجيب بية أرتجاج فى المخ لواحد لو ضربتة على دماغة

**AboELsoud** · 03-05-2011 02:04 PM

لا ماهو منظره و هو مقفول كأنه حديده عاديه جدااا //ده غير انه لو الظابط رخم هقوله انا بتدرب كارتيه تحب اوريك

**heshamzaky** · 03-05-2011 02:13 PM

المشاركة الأصلية كتبت بواسطة aboelsoud

لا ماهو منظره و هو مقفول كأنه حديده عاديه جدااا //ده غير انه لو الظابط رخم هقوله انا بتدرب كارتيه تحب اوريك

هههههههههههههههههه لآ الى حا يوقفك جيش مش شرطة يبقى ما تضربهوش هههههههههه

**AboELsoud** · 03-05-2011 02:17 PM

مش مشكله برضه لو جيش انا معايا واسطه (والدي عميد قوات مسلحه )
و الله الواحد طول عمره ملتزم و عشان كده عمري ما وقفت في لجنه ولما بقف عمري ما اتسحب مني رخصه ولا خدت مخالفه
تخيل العربيه بقالها معانا 3 سنين الحمد لله ولا مخالفه لحد دلوقتي

**rocker** · 03-05-2011 02:28 PM

المشاركة الأصلية كتبت بواسطة aboelsoud

مش مشكله برضه لو جيش انا معايا واسطه (والدي عميد قوات مسلحه )

و الله الواحد طول عمره ملتزم و عشان كده عمري ما وقفت في لجنه ولما بقف عمري ما اتسحب مني رخصه ولا خدت مخالفه
تخيل العربيه بقالها معانا 3 سنين الحمد لله ولا مخالفه لحد دلوقتي

بص حاقول لك حاجه
انتا لو هاجمك فرد او اكتر مش حتلحق تتطلع لا قرن غزال ولا بترفلاى ولا لنشاكو لانهم بيعتمدوا على المفاجاه والصدمه للخصم
وبعدين لو طلعتهم مش حيخافوا منك وحيهاجموك بشراسه اكتر
وحياخدوا منك السلاح الى معاك ............
سيب الموضوع وليد الحاله يعنى رد الفعل الى انتا حتاخده لحظه وقوعك تحت هجوم ممكن تخبط بنى ادم بحجر ممكن خشبه ممكن بباب العربيه ممكن تدوسه ممكن راسك فى مناخيره ممكت نص ركبه تحت الحزام ممكن كوع فى عينه وربنا معاك
............. بس خللى بالك .......... العمليه مش سهله كده

**hugan** · 03-05-2011 02:33 PM

انا شاييل المطواه الامريكي الصغيره اللي بتفتح زي قرن الغزال ودي كانت معايا قبل الثوره من فتح الله وثمنها 250 جنيه
كنت رايح الاهرام وطبعا كان في تفتيش للعربيات قبل الدخول وكنت شايلها في المسند الجانبي للسائق الكلام ده كان قبل الثوره
طبعا الامين شاف المطواه وقالي ايه دي قولت له
دي سكين صيد
لاني باطلع اصطاد
قالي بس ممنوع واخدها قالي وانت خارج ابقي خدها

وخلصنا الزياره انا والاولاد
وخرجت دورت علي الامين لقيته شايلها

قولت له لو سمحت المطواه
قالي اتفضل بس فين الحلاوه
اخد 5 جنيه
واخدتها منه
القصد ان الموضوع يتوقف علي شكل الشخص واكيد بيبان ليهم ان كان الانسان الموجود امامه شخص منحرف او مجرم
يعني رجوعي له مره تانيه واصرلري علي اني اخدها
لانه لو شايف اني شخص منحرف اكيد عمره ما كان هايرضي يرجعها تاني او ممكن يعمل شغل علي صاحب المطواه
وا نا بيني وبين نفسي لوكان ناوي يضرب عليها ما كنتش ها سيبه

**AboELsoud** · 03-05-2011 02:40 PM

المشاركة الأصلية كتبت بواسطة rocker

بص حاقول لك حاجه
انتا لو هاجمك فرد او اكتر مش حتلحق تتطلع لا قرن غزال ولا بترفلاى ولا لنشاكو لانهم بيعتمدوا على المفاجاه والصدمه للخصم
وبعدين لو طلعتهم مش حيخافوا منك وحيهاجموك بشراسه اكتر
وحياخدوا منك السلاح الى معاك ............
سيب الموضوع وليد الحاله يعنى رد الفعل الى انتا حتاخده لحظه وقوعك تحت هجوم ممكن تخبط بنى ادم بحجر ممكن خشبه ممكن بباب العربيه ممكن تدوسه ممكن راسك فى مناخيره ممكت نص ركبه تحت الحزام ممكن كوع فى عينه وربنا معاك
............. بس خللى بالك .......... العمليه مش سهله كده

اكيد طبعا //يا باشا الواحد ماشي بستر ربنا بس باخد بالاسباب مش اكتر