بعت النوبيرا و مش عارف اجيب اية زيها

**fady554** · 03-05-2011 04:54 AM

انا الحمد لله ربنا وفقنا و بعنا النوبيرا اللى كانت معانا
و دلوقتى انحنا معانا ميزانية حوالى 55-58 الف جنية مصرى
و مش عارف اجيب عربية اية للاسف النوبيرا كانت عربية جميلة و
راسية على الارض كنا بنجيب 150-160 كم على الدائرى و كانت ثابتة
بس هنعمل اية والدى كان مصمم يبيعها عشان كان بيقول
قدمها فقر علينا و برضو عشان قطع الغيار اللى مش بتكمل شهور
فا بالتالى كل شهر كان ليها مصروف يجى 700 جنية بعيداا عن الزيت و البنزين
ولكن المشكلة الاكبر هى اننا محتاجين عربية تانية بسرعة و فى
نفس الوقت تكون حلوة فكرنا فى السيفيك و والدى قالى لا
و الجيب شروكى اسمع انها بتجيب علبة دركسيون بسرعة
الفيتارا قطع غيارها قليلة و ممكن متلاقيش اليابانى اليومين اللى جايين
فكرنا فى الصينى اللى هو اسبرانزا a620 و بريليانس جالينا بس برضو
صينى و موضوع قطع الغيار دة مقللق منو و للاسف هو مش عايز نوبيرا تانى
ببص على النت لاقيت رينو ميجان عربية حلوة ثابتة اوبشنها عالى اوروبى فتيس استبترونيك
بس فيها عيوب (هى مميزات بس بالنسبة للمصريين عيوب ) اولها التكنولوجيا العالية
اللى مش اى حد يشتغل فيها
زى معظم الاوروبى كدة و ممكن تكون قطع غيارها غالية بس معمرة برضو زى الاوروبى
ممكن تكون معظم صيانته فى التوكيل و نسيت حاجة مهمة الرفارف اللى قدام فيبر
انا عارف انو ميزة مش عيب لانو بيحافظ على ثبات العربية عشان منفخ و برضو مش من السهل يتكسر
زى الصاج كدة ممكن يطبق و برضو مش بيوقع بوية من علية زى الاكصدام كدة
انا عارف اننا طولت عليكم بس ياريت تكون مساعدتكو ليا بسرعة عشان انا محتاج عربية ضرورى

**ashouhdy** · 03-05-2011 05:43 AM

لانسر 2004 او مكوة

**fady554** · 03-05-2011 12:23 PM

هو لازم اكشف عليها فى التوكيل؟
يعنى مش ممكن اجيبها زى ما بشترى باقى العربيات
و مستنى ردود اكتر

**fady554** · 03-05-2011 12:39 PM

لو فية عربيات احسن من الميجان و فى نفس الفئة السعرية و تكون مساوية للنوبيرا فى الاداء ممكن حد يقولى عليها

**Ahmed_Ramadan** · 03-05-2011 12:48 PM

العربية اللى هترضيكوا بجد و هيبقى سعرها قريب هى النترا 2004-2005 الشكل اللى قبل اللى موجود دلوقتى

**تامر.محمد** · 03-05-2011 01:03 PM

حسب احتياجاتكم
لو يهمكم الرفاهية و على استعداد تدفعوا زيادة شوية و تبقوا واخدين بالكم من صيانة العربية على طول يبقى ميجان
ما كانش
بص على الانترا زي ما الراجل قال لك او شوف لانسر زي ما شهدي قال , او بص على جين2 مثلا لو عايز عربية مميزة نوعا ما

**تامر.محمد** · 03-05-2011 06:55 PM

المشاركة الأصلية كتبت بواسطة fady554

الالنترا عربية جميلة و محترمة مش دى اللى بتنزل الفوانيس بتاعتها سموك من الشركة
بس المشكلة انها قليلة يعنى صعب تلاقيها و لو لاقيتها صعب ان انتا تلاقى الحالة الحلوة
و الجين تو مش هتنفع عشان انا عايز عربية عائلية يعنى بشنطة و كبيرة نوعا ما
و معلش يا استاذtlrsiap قصدق اية بندفع زيادة شوية زيادة من ناحية سعر العربية ولا قطع الغيار

لأ من ناحية قطع الغيار
عموما صيانة الأوروبي اغلى من الكوري و بعض الياباني بصورة واضحة

**samcar** · 03-05-2011 07:14 PM

المشاركة الأصلية كتبت بواسطة fady554

لو فية عربيات احسن من الميجان و فى نفس الفئة السعرية و تكون مساوية للنوبيرا فى الاداء ممكن حد يقولى عليها

نوبيرا 2 - ههههههههه- صدقنى انتم خسرتم عربيه جميله - فى الرنج اللى انت بتتكلم فيه - يبقى لانسر - بس حتبقى حاله فوق المتوسط- وقطع غيار وصيانه اغلى بكتير - شوف الاوبترا - بيسموها نوبيرا 3 - لكن نصيحه الانسر مالهاش حل

او زى ما قلت لك - نوبيرا تانيه بحاله احسن

-

-

الموضوع: بعت النوبيرا و مش عارف اجيب اية زيها

LinkBack

أدوات الموضوع

عرض

بعت النوبيرا و مش عارف اجيب اية زيها - انشر الموضوع فى :

-

-

-

-

-

-

المواضيع المتشابهه

عايز اجيب منظم كهرباء ومش عارف اجيب اى نوع وبكام

مش عارف اقرر اجيب اكسنت rb مانيوال عالزيرو ولا اجيب نيسان صني اتوماتيك 2011 عالزيرو

السوسته اتكسرت - اجيب زيها منين

عايز اجيب Gm و مش عارف اجيب ايه

عايز اجيب بوجيهات ومش عارف اجيب ايه واركبهم عند مين

الكلمات الدلالية لهذا الموضوع

المفضلات

المفضلات

ضوابط المشاركة