إلى كل واحد عنده فيليشيا وزهقان من السخونية

**koko2002** · 03-05-2011 11:38 AM

صدقني غير المروحة .. هات مروحة كبيرة تكون بتغطي كل الريداتير .. لو شفت المروحة الأصلي بتاعتك حتلاقيها مش مغطية إلا ربع الريداتير بس .. هو مش غلط من الشركة .. بس هما مكنوش عاملين حساب الأجواء الحارة بتاعتنا .. بدليل أن مفيش حد بيشتكي من السخونية في الشتاء .. يعني أكيد الحر هو المشكلة .. أنا غيرت المروحة بتاعتي بمروحة بتاعة فيليشيا برضه بس 1600 جبتها استعمال بـ 200 جنيه .. الموضوع اختلف معايا جدا حتى في أكتر الأيام حرارة .. أه نسيت .. هات ترموستات أسباني 62-82 وأكدلك أن المؤشر مش حيوصل للنص أصلا

**medofarou** · 03-05-2011 11:58 AM

انا من اسكندرية منين يا koko

**mada3030** · 03-05-2011 12:00 PM

حلو اوى ربنا يكرمك
بس بعد ما ركبت المروحه الجديده الحراره بتبقى كام وكانت الاول كام

**koko2002** · 04-05-2011 09:31 AM

الحرارة الأول كانت بسافر يعني بعد النص بكتير .. دلوقتي بيبقى في المسافة بين 70 و 90 تقوم تشتغل المروحة تنزل قرب السبعين تاني .. وهكذا ...
بس أنا حصلت لي مشكلة لازم انبه عليه .. وهي أن البطارية اللي عندي كانت 40 أمبير .. فلما كانت المروحة الكبيرة بتشتغل + مروحة السربنتينة بتاعة التكيف + مروحة التابلوه بتاعة التكييف + الأنوار .. كان الشحن بيخلص جبت بطارية 70 أمبير سائلة بـ 280 جنيه والبطارية القديمة .. والموضوع اتضط معايا 100%

**ABO_MAREM** · 04-05-2011 02:35 PM

جبت المروحه منين بالظبط وهى بتاعت اسكودا فليشيا 1600؟

**Maged_Samy** · 04-05-2011 03:22 PM

الله ينور عليك كده تمام بس هنتعبك لو تقدر تصورلنا المروحة وهى راكبه فى الريدراتير يبقى الف شكر لسيادتك

**koko2002** · 04-05-2011 06:14 PM

أنا جبت المروحة من واحد بتاع استعمال في صلاح الدين في إسكندرية .. أنا مش فاكر اسمه الصراحة .. بس هو متخصص في الاسكودا والفولكس فاجن .. عموما أنا حفوت عليه النهاردة .. وححط اسمه بكرة ,, بالنسبة لموضوع التصوير .. معلش مش حينفع لأني متخلف شوية ومعنديش موبايل بكاميرا .. بس محدش يقلق تركيبها في منتهى السهولة وأي كهربائي مبتدئ حيعرف يركبها

**Maged_Samy** · 04-05-2011 10:36 PM

ياريت تقولنا اسمه
هو فيه فى الفراهدة النيلى و الرشيدى ولا انت جبتها من حد تانى ؟
عدد الريش كام ؟
المروحة بتغطى كل الريدراتير ؟
ليها قميص صاج زى اللى راكبه ؟
والف شكر لسيادتك .