الحل فى انذار ل113 ياجماعة

**Haitham10** · 03-05-2011 11:45 AM

السلام عليكم
العربيه كل يوم بتتقلب وانا استغربت هو العربيه اخرها ريموت يفتحها ويقفلها بس ولا ايه ؟؟
وهل ينفع تركيب انذار ولا لا ؟ انا معتقدش بس حبيت اتاكد منكم

والعربيه صوتها عالي بجد هل ده عشان لسه جديدة ولا هي كده اصلا

الجلد بتاع الزجاج الصغير في الباب الي ورا من الناحيتين بقي لونه بني بعد المطر كإنه مشحم وقديم غير باقي الجلد كله ف دة ممكن يكون من ايه ؟؟ واغلب الجلد مش متقفل تقريبا هل ده له حل ؟

العربيه جت من معرض في فاقوس - شرقية .. والراجل فالمعرض قالهم الصيانة عنده !!! والي اعرفه معندوش اي علاقة بالصيانة

ياريت حد يفيدني بسرعه باللي بيتم في صيانة الالف وتكلفتها بعد اذنكم

**Haitham10** · 06-05-2011 01:09 AM

ياااااه دة الواحد عنده استفسارات كتير لسسسسسسه

معقول محدش عارف ينفع يركب انذار ولا تولع العربيه وتتسرق !

الواحد زهق

طب لو حد يعرف برضه مصاريف الترخيص بتاعتها او يتعمل فيها ايه ياريت يقولي لاني لو طايل ابيعها زي ماهيه كدة هبيعها

**AMRSPEED** · 06-05-2011 10:52 AM

عادى ينفع تركبلها انذار المهم كهربائى كويس

**khaled_Saga** · 06-05-2011 02:04 PM

بالنسبة للانذار معنديش فكرة بصراحة

اما الصيانة فبتكون فى مراكز خدمة اب الفتوح المعتمدة زى مركز صيانة ابو رواش انا لسه موصلتش الاف فمش عارف تكلفتها تحديدا انا عامة معايا m11 مش a113 وفيها بيغيروا فلتر وبيحطلك زيت 10000 كم ولو عندك اى ملاحظة بتقولهم عليها وهيعملوهالك واعتقد مش بتعدى 400 جنيه

انا رخصت m11 لمدة سنة كله على بعضه اتكلف حوالى 750 جنيه بس اكيد انت هتبقى اقل عشان عربيتك اقل من 1600 سى سى ولو انتى شارى كاش وهترخص 3 سنين مثلا هتوفر معاك اكتر

متستعجلش ومتحسسش نفسك بالقرف من العربية حاول تستحملها عشان هى تستحملك وتديلك خيرها واكيد كل مشكلة ليها حل سوق عربيتك واستمتع ومتخليش حاجة تعكر فرحتك بيها حرام تفكر فى بيعها انت لسه شاريها!!

**Haitham10** · 06-05-2011 04:07 PM

ياباشا هي ياريتها عربيتي او انا اخترتها ... هما في البيت اتصرفوا وللاسف انا الي بقوم بكل حاجة لانهم اخرهم يعرفوا ان العربيه علي 4 عجلات
وبدايتها جبتلها 3 اطقم علامات واتسرقوا غير الي كانو فيها والعربيه مكملتش اسبوعين ولا مشيت اصلا لا وفي اصوات في العفشه ظهرت وهي تقريبا 100 كيلو وربنا يسترها انا بس اخاف علي اختي منها عشان هي بنت ومش هتعرف تتصرف لو حصل حاجة

وشكرا علي معلومات حضرتك بالنسبه للترخيص

وانا مقصدش انها وحشه عشان صيني بس هي مش عربيه ومفيهاش اي نوع امان او تقفيل او خامة
وكمثال عربية حضرتك ربنا يباركلك فيها تمسحها مسح في كل دول واهي برضه صيني ....تقبل تحياتي

**khaled_Saga** · 06-05-2011 10:17 PM

المشاركة الأصلية كتبت بواسطة Haitham10

ياباشا هي ياريتها عربيتي او انا اخترتها ... هما في البيت اتصرفوا وللاسف انا الي بقوم بكل حاجة لانهم اخرهم يعرفوا ان العربيه علي 4 عجلات
وبدايتها جبتلها 3 اطقم علامات واتسرقوا غير الي كانو فيها والعربيه مكملتش اسبوعين ولا مشيت اصلا لا وفي اصوات في العفشه ظهرت وهي تقريبا 100 كيلو وربنا يسترها انا بس اخاف علي اختي منها عشان هي بنت ومش هتعرف تتصرف لو حصل حاجة

وشكرا علي معلومات حضرتك بالنسبه للترخيص

وانا مقصدش انها وحشه عشان صيني بس هي مش عربيه ومفيهاش اي نوع امان او تقفيل او خامة
وكمثال عربية حضرتك ربنا يباركلك فيها تمسحها مسح في كل دول واهي برضه صيني ....تقبل تحياتي

عفوا يا اخى على ايه االمصلحة واحدة

انا طبعا مش بدافع عن العربية بس كنت حابب مكرهكش فيها وان شاء الله متقلقش وربنا يحفظها لاختك ويكفيها شرها عامة مادام هى العربية لبنت فكان فيه ادامك اكتر من اختيار لو العربية مش عاجباك كان عندك مثلا هيونداى i10 او كيا بيكانتوا بس صدقنى مادام اشتريت خلاص حاول تخلى اختك تحب العربية ومتحسش من ناحيتها بالقلق

تقبل تحياتى

**tito2020** · 07-05-2011 05:34 PM

ان شاء الله تقدر تحل كل المشاكل بتاعتك
بس عاوز اطمنك شويه من العربيه انا الحمد لله معايا 113 بقالها اكتر من سنه والحمد لله مبعملهاش غير الصيانات العاديه
والعربيه كويسه مفيهاش حاجه