يا جماعه...راس البر بتضيع

**أبو عبدالله** · 20-04-2008 03:04 PM

على فكره في مؤسسه كبيره جدا مش فاكر اسمها ايه
من اللي بيعملوا دراسات على الحاجات دي

قالت ان المصنع ده ضمن اخطر 50 مصنع في العالم

انتم متخيلين الكلام ده

من اخطر 50 مصنع في العالم

وعلشان كده يقال انه تم طرده من المانيا والخليج ولم يوافقوا على انشاءه
وطبعا انتم عارفين ان مصر ام الدنيا وبتحب تحتضن الناس الضاله دي لأنها امهم او زي امهم ووفائها مالي العالم ويقدر يساعي اليهو كمان

وحسبي الله ونعم الوكيل
واللهم انتقم ممن ظلمنا واجعله من الأشقياء
ولا تمتعه في الدنيا ولا الأخرة

**سمير يونس** · 20-04-2008 05:17 PM

المشاركة الأصلية كتبت بواسطة أبو عبدالله

وحسبي الله ونعم الوكيل
واللهم انتقم ممن ظلمنا واجعله من الأشقياء
ولا تمتعه في الدنيا ولا الأخرة

إن شاء الله هو من الأشقياء في الدنيا و الأخرة يا أخ أبو عبد الله
اللهم لا تسلط علينا بذنوبنا من لا يخشاك و لا يرحمنا
و لا حول و لا قوة إلا بالله
لكم الله يا أهل دمياط الكرام و ربنا يزيح الغمة عنكم قريبا إن شاء الله

**Adham_Sabry** · 20-04-2008 05:26 PM

انا سمعت ان المصنع ده تأثيره هيمتد تأثيره لمسافات كبيره ( في ناس بتقول 60 كم او 80 كم ) يعني هيأثر علي الدقهليه كمان .. بجد حرام

مش عارف هل ممكن ترفعوا قضيه في المحاكم ؟؟
جربوا ...العيار اللي ميصيبش يدوش

**أبو عبدالله** · 20-04-2008 06:26 PM

اللي محدش يعرفه كمان
ان قبرص وايطاليا معارضين المصنع لأنهم عارفيت تأثيره عليهم من المياه والرياح
تخيلوا

**modux** · 20-04-2008 07:07 PM

منهم لله

بس لازم نعمل حاجة

مش عارف ممكن اساعد دمياط بلدي اللي اعتز اني منها

**mokhtar** · 20-04-2008 07:14 PM

كلامك صح يا ابو عبدالله دول جنوب اوروبا اللى على البحر المتوسط معارضين المشروع بس مين بالضبط مش عارف انا سمعت برضه ان تركيا واليونان ....
بالنسبه لان تاثيره بيعدى ال60 و80 كم فكده هتبقى كارثه بجد
تعرفوا ..المسافه من بيتى فى دمياط للمصنع ده اقل من 15 كم .....
انا بعدى على المكان اللى هيتعمل فيه المصنع ده تقريبا مره كل يوم او يومين هو فى طريقى لكليتى فى دمياط الجديده وفىطريق راس البر وانا خروجاتى كلها فى راس البر يعنى هنفترض انى بعدى عليه 5 مرات فى الاسبوع يعنى 20 مره فى الشهر ..... يعنى بالطريقه دى سنه ومش هنكمل ...عشان الناس الكبيره ترتاح ..تفتكروا لو الموضوع ده كمل
هنعرف نعيش حياتنا ازاى مطمنين....

..mokhtar..

**Adham_Sabry** · 21-04-2008 11:27 AM

طيب يا جماعه مينفعش نبعث رسائل للدول اللي ممكن تتأثر ( ايطاليا - اليونان - قبرص - تركيا )
وهما ممكن يضغطوا علي الحكومه المصريه لنقله الي مكان اخر

هم يضحك وهم يبكي .. نروح للأجانب علشان يحمونا من الحكومه بتاعتنا

**أبو عبدالله** · 22-04-2008 02:32 AM

أحب ان اعلمكم انه تم وقف الاعمال في المشروع اليوم الى اجل غير معلوم

والحمد لله

والف الف مبروك لأهل الدمياط الابطال والله

**sss** · 22-04-2008 04:13 AM

مبروك لكل الدمايطة و كل اللي بيصيف حتى في راس البر لكن انا شايف ان الاجراءات اللي كانت ماشية لازم تكمل لان الحكومة زي العيل ملهاش كلمة و يمكن يكون التوقف دة مجرد هدنة لحد ما الامور تهدى

**Adham_Sabry** · 22-04-2008 10:49 AM

اعتقد انها لعبه من الحكومه
فيه اولويات تانيه للناس دي غير صحه المواطن والإقتصاد والكلام ده
هدنه مؤقته لحد ما الوضع الأمني يهدأ وحماس الناس ومقاومتهم للمصنع تقل
بالمناسبه احمد المسلماني كان بيتكلم عن الموضوع ده بالأمس وكان جايب اقوال علماء .. حد سجل الحلقه دي ؟؟

الموضوع: يا جماعه...راس البر بتضيع

LinkBack

أدوات الموضوع

عرض

-

-

-

-

-

-

-

المواضيع المتشابهه

جماعه الاخوان ..........هل هى جماعه دينيه تهتم بالسياسه ام جماعه سياسيه تتمسح بالدي

كل المواقع بتضيع من دماغي

من المنصورة الى راس البر

مصيف راس البر

الكلمات الدلالية لهذا الموضوع

المفضلات

المفضلات

ضوابط المشاركة