الموضوع: أنا او الفوضى .. هكذ تحدث الرئيس المخلوع

عندما قال حسنى مبارك انا أو الفوضى
هل كان يتنبأ بالمستقبل ام كانت كلمته بمثابة اعطاء اشارة البدء لخطه مسبقة تم اعدادها او ربما قال كلام والمصادفه هى ماادت لتنفيذه
ما قاله مبارك يحدث حرفيا
يمكن لو اتكلمنا على الانفلات الامنى نلاقى اسباب واضحه لحدوثه
لكن انا باتكلم عن المظاهرات الفئويه وقطع الطرق وجراءة غير مسبوبقه لشعب عاش فتره طويلة من الزمن لا يستطيع حتى ان يتكلم ويعبر عن نفسه ومره واحده قطاع كبير من الشعب خد حباية السودانى بتاعه سوبر بندق الى بتخليه شعب خارق جرىء
طيب الجراءه ديه كانت فين زمان قبل 25 يناير
هل الى كانوا بيرحوا التحرير هما نفسهم الى بيرحوا المظاهرات الفئويه دلوقتى
هل هم نفسهم الى بيرحوا يتظاهروا عشان زياده المرتبات
هل هم نفسه الى بيرحوا يعتصموا امام الكنيسبه فى العباسيه عشان خروج كاميليا شحابة
بالرغم انه الجمهور منهم كان بيحرم الخروج على الحاكم وكتير منهم حرم الذهاب للتحرير اساسا
طيب فين فقه الاولى وان درء المفسده مقدم على جلب المنفعه
الفتن الى ممكن تحصل من المظاهرات ديه ممكن تصييع البلد كلها مش عشان كاميليا شحاته
ده مش هجوم على السلفين بقدر ما هو دعوه لنقاش موقفهم الحالى من قضيه كامليا شحاته الى انا موافق على الموقف تمام بس معترض على التوقيب الى مش مناسب
هل هم نفسه متظاهرى قنا الى لم نسمع لهم صوت اثناء ثوره 25 يناير ودلوقتى بيقطعوا طرق ويوقفوا قطارات
وغيرهم وغيرهم كتير فى كل مكان فى مصر
دعوه لجزء من قليل من الشعب الى اصبح السوبر بندق الخارق انه يهدى شويه عشان كده البلد فعلا رايحه الى الهاوية وسيصدق قول حسنى مبارك انا او الفوضى

المشاركة الأصلية كتبت بواسطة a.saad

كلمته كانت صح

كلمته كانت صح مش عشان هو صح كلمته صح لأن كل دا متخططله ومتدبر من زمان قوى ودا اللى كان هيحصل بالنص لما جيمى ينتخب نفسه والناس ترفض وانا شايف ان اللى بيحصل دا صحى جدا
لما بتدبح جدى ولا خروف بيفضل مستكين وفى الأخر بيقعد يرفص برجليه ويصفى اخر حبة دم ودا اللى بيحصل دلوقتى دى حلاوة روح وهتعدى وهتسلم مصر من كل الشرورو بأذن الله
لأن ربنا خص البلد دى بالأمان والخير ولأن الشعب دا معدنه اصيل مهما غيرت فى الظروف
ولأن فى اية فى كتاب الله العزيز بسم الله الرحمن الرحيم يمكرون ويمكر الله والله خير الماكرين صدق الله العظيم