سعر عدادات 128

**ahmed79** · 03-05-2011 02:12 PM

السلام عليكم ورحمه الله وبركاته
ليه استفسار بعد اذنكم مهو سعر عداد 128 الى بيبقى فيه موشر حراره لان فى نوعيه بتبقى موجود لمبه بيان للحراره وسعر الاكصدامات الفبر السياره 128 موديل 79 وسعر الفوانيس الخلفيه
وهل افضل مكان وكاله البلح ولا فى مكان اخر
واشكركم على حسن تعاونكم

**heshamzaky** · 03-05-2011 02:16 PM

أية يا ابو حميد مهو مرمى فى العزبة شوفة بكام معرفش اسعارهم بس مرمى كتير هناك حا تلاقى عند محمد زيدان و المحلات الى جنبة و فى الشارع العمومى بتاع العزبة على أيدك اليمين و أنت داخل قبل فاروق كدة فية بتاع 128 و على شمالك برضو ز روح و اسأل

**ahmed79** · 03-05-2011 02:31 PM

المشاركة الأصلية كتبت بواسطة heshamzaky

أية يا ابو حميد مهو مرمى فى العزبة شوفة بكام معرفش اسعارهم بس مرمى كتير هناك حا تلاقى عند محمد زيدان و المحلات الى جنبة و فى الشارع العمومى بتاع العزبة على أيدك اليمين و أنت داخل قبل فاروق كدة فية بتاع 128 و على شمالك برضو ز روح و اسأل

باشا منور
انا مشفتش فى العزبه 128 كتير بس لو كان كده انزل العزبه ارحم من وكاله البلح بس كنت عايز اعرف السعر لان عارف انهم اكتر ناس بتستهبل وبيشوطو وزى متيجى وانت عارف انى بحب اسأل اهل الخبره فى المنتدى قبل منزل وانت منهم ياباشا

**heshamzaky** · 03-05-2011 04:45 PM

المشاركة الأصلية كتبت بواسطة ahmed79

باشا منور
انا مشفتش فى العزبه 128 كتير بس لو كان كده انزل العزبه ارحم من وكاله البلح بس كنت عايز اعرف السعر لان عارف انهم اكتر ناس بتستهبل وبيشوطو وزى متيجى وانت عارف انى بحب اسأل اهل الخبره فى المنتدى قبل منزل وانت منهم ياباشا

الله يكرمك و يخليك يا كبير . بص معرفش بكام بس هما بيضربو أرقام و حاجات ال 127 مثلا مش رخيصة هناك . حا تلاقى هناك يا باشا شوفت تابلوهات كاملة هناك بس عمرى ما فكرت اسأل لانى معنديش 128 بس حاجة ال 127 ما كانتش رخيصة نسبيا

**maka** · 04-05-2011 03:16 AM

فى واحد ناحية ميدان الجيزة بيبع العدادت جديدة بتاعت العربيات القديمة ......... يعنى لقيت عنده عداد بنزين للفيورا جديد ب 45

**misoalex** · 04-05-2011 06:24 AM

يعنى ايه التابلوه مفهوش عداد حراره انا اول مره اعرف الن ال 128نزل منها لمبه مش عداد

انت الموديل اللى عندك ايه وشكل التابلوه القديييييييييم ولا الجديد البلاستيك اللى فيه فتحات التكيف اللى فى النص مربعه مش مدوره

هو عموما عداد الحراره لوحده فقط من 45 الى 60 جنيه بس ه لو التابلوه عندك فيه عداد اصلا واللى عندك اتحرق

لكن لو العربيه مش مصممه اصلا لعداد حراره يبقى كده اظن انك حتجيب ساعه حراره وتركبها فى الموتور الاول وبعدكده تجيب عدادات كامله في وسطها عداد الحراره لان مش حينفع تجيب العداد الحراره بس كده
اما الافضل تغير التابلوه كااااامل ببتاع ال 128 المعدل