العربية اتخبطت و اللى خبطها بجح، طب اعمل ايه؟

**Hossam_Hassan** · 19-04-2008 12:32 PM

امبارح كنت فايت اخد خالى من عند الميكانيكى بتاعه فى عابدين علشان هيسيبله عربيته، المهم ركنت العربية صح - صف اول - و غبت ربع ساعة، رجعت لقت الرفرف الأمامى شمال مخبوط داخل لجوه لدرجة ان باب السواق مبيفتحش اكتر من 10 سم، المهم ناس من اصحاب المحلات تطوعوا و قالولى ان فلان الفلانى اللى ساكن فى الدور الفلانى خبطها بعربيته اللادا و هو خارج بضهره من الحارة المقابلة و مشى من غير ما يقف، الناس كانت بتساعد علشان بتكره الراجل ده و بيعتبروه الغلس بتاع المنطقة، طلعت خبطت على شقته، فتحتلى مراته و بمنتهى الهدوء طلبت نمرة موبايله و وضحتلها سبب الطلب، راحت رده على طول "ما خبطناش عربيات و معندناش موبايلات" ، نزلت و انا بغلى و هبتدى ادور على سمكرى يرضهالى، راح واحد صاحب محل دلنى على سمكرى فى الحارة المقابلة فاستغربت و قلتله " هو الراجل ده غلس لدرجة ان السمكرى يسيبه يركن قصاد ورشته كده؟" فرد و قالى " لا دول صحاب قوى و تقريبا قرايب" ، راحت الفكرة ضربت فى نفوخى و سألته " مخدتش بالك السمكرى ده شاف الحادثة؟" قالى "لا مكنش واقف" ، و خدت العربية و دخلت الحارة و رحت داخل على السمكرى و قولتله بمنتهى البراءة و انا شكلى محرج قووووى " انا زميل أ/ فلان الفلانى فى الشغل و واحد خبطلى العربية و بصراحة ناسى محفظتى فى البيت و مشوارى بعيد، فصاحبى قالى اجى اعملها عند حضرتك و هو هيحاسبك" بصراحة انا كنت متوقع حاجات كتير، منها مثلا انه يطلبه على موبايل مثلا او ميصدقش، بس واضح ان منظرى بالبدلة و تمثيل دور المحرج خلوه يصدق، اشتغل على طول فى العربية و فى خلال نص ساعة رجعت زى الفل و سألته كام علشان ابقى احاسب صديقى فقالى 100 جنيه.

بصراحة انا عارف ان الشغل اللى اتعمل يساوى 50 - 60 جنيه عند حد تانى بعد الفصال، و كان سهل عليا انى اريح دماغى و اعملها على حسابى، بس الحركة اللى عملها البتاع اللى خبطلى العربية خلت عندى رغبة فى الرد بأى طريقة. :D :D :D

**NaderNabil** · 19-04-2008 12:36 PM

ههههههههههههههههههههههههه ههههههههههه

فكرة عبقرية و ملهاش حل :):):)

خليه يلبس زي ما عملها و جري :)

**ابو سيف** · 19-04-2008 12:40 PM

في ايه يا اخوانا

المنتدى كله مخبوط انهاردة ليه كدة
دة تالت موضوع باين انهاردة ربنا يسترها

بس بجد عجبتني اوي الحركه دي بصراحه في ناس للأسف بتضر الواحد يعمل حاجات ميرضهاش لكن مبيكونش اودامه حل تاني

لكن كنت تسيبله اماره عشان لما يقوله يعرف انك اللى خبطته الصبح

لأن راجل بالغلاسه و البجاحه دي ممكن جدا يقول للسمكري محصلش
و ميحاسبوش

و يبقا انت كدة ضحكت ع السمكري مش ع الراجل !!!!

**Noha.M** · 19-04-2008 12:40 PM

ههههههههههههههههههههههههه هههه

لأ بصراحة جوووووه الجوووووووووووووووووووووو ن

اهنييييييك بجد والله من صميم صمييييم قلبي

انت بجد بردت نارى من الناس اللى بتخبط و تمشي دي

برافووووووو عليييييييييك

خليه بأة يحاسب صاحبه P:

**Noha.M** · 19-04-2008 12:42 PM

المشاركة الأصلية كتبت بواسطة ابو سيف

في ايه يا اخوانا

المنتدى كله مخبوط انهاردة ليه كدة
دة تالت موضوع باين انهاردة ربنا يسترها

بس بجد عجبتني اوي الحركه دي بصراحه في ناس للأسف بتضر الواحد يعمل حاجات ميرضهاش لكن مبيكونش اودامه حل تاني

لكن كنت تسيبله اماره عشان لما يقوله يعرف انك اللى خبطته الصبح

لأن راجل بالغلاسه و البجاحه دي ممكن جدا يقول للسمكري محصلش
و ميحاسبوش

و يبقا انت كدة ضحكت ع السمكري مش ع الراجل !!!!

ما اكيد الراجل عارف انه خبط لانوس و السمكرى هيقوله عربية لانوس واخدة فى الرفرف بتاعها :D

**Hossam_Hassan** · 19-04-2008 12:44 PM

المشاركة الأصلية كتبت بواسطة ابو سيف

في ايه يا اخوانا

المنتدى كله مخبوط انهاردة ليه كدة
دة تالت موضوع باين انهاردة ربنا يسترها

بس بجد عجبتني اوي الحركه دي بصراحه في ناس للأسف بتضر الواحد يعمل حاجات ميرضهاش لكن مبيكونش اودامه حل تاني

لكن كنت تسيبله اماره عشان لما يقوله يعرف انك اللى خبطته الصبح

لأن راجل بالغلاسه و البجاحه دي ممكن جدا يقول للسمكري محصلش
و ميحاسبوش

و يبقا انت كدة ضحكت ع السمكري مش ع الراجل !!!!

من غير امارة و لا حاجة، اكيد هيربط بين الحاجتين، الا بقى لو بيخبط اكتر من عربية لانوس نبيتى فى اليوم :D و كمان حق السمكرى محفوظ لأنهم اكيد اكيد اصحاب قوى لأنه مفيش صنايعى هيوقف عربية قدام ورشته فى حتة زنقة زى الحارة دى الا لو كان معرفة جامدة.

**wawoo** · 19-04-2008 12:47 PM

المشاركة الأصلية كتبت بواسطة ابو سيف

و يبقا انت كدة ضحكت ع السمكري مش ع الراجل !!!!

فعلا كدة السمكرى اتظلم فى النص و هو مالوش اى ذنب , نصيحة تروح تدقعلة حقة احسن ما يدعى عليك او حاجة, او تدفعهم فى حاجة تانية لا قدر الله .

**Hossam_Hassan** · 19-04-2008 12:49 PM

أه نسيت اقولكم على حاجة تانية، بعد ما رجعت بضهرى و انا خارج من الحارة كام متر وقفت و رجعت للسمكرى و قلتله ابقى حاسبه على 110 و ال 10 جنيه الزيادة دى شاى الشباب اللى معاك، الراجل قعد يشكرنى و العمال وقفولى المنطقة كلها لغاية ما خرجت و مع السلامة يا باشا بتاعتهم بترن فى ودانى لغاية دلوقت.

بصراحة نشوتى بنجاح التمثيلية هى اللى خلتنى اسوق فيها

**ابو سيف** · 19-04-2008 12:51 PM

هيه اتردت ع البارد ؟؟؟

**Hossam_Hassan** · 19-04-2008 12:52 PM

المشاركة الأصلية كتبت بواسطة ابو سيف

هيه اتردت ع البارد ؟؟؟

أيوه على البارد

الموضوع: العربية اتخبطت و اللى خبطها بجح، طب اعمل ايه؟

LinkBack

أدوات الموضوع

عرض

العربية اتخبطت و اللى خبطها بجح، طب اعمل ايه؟ - انشر الموضوع فى :

-

-

-

-

-

-

المواضيع المتشابهه

عاوز احتفظ بصور من ملف العربية اللى في المرور اعمل ايه

اتخبطت من ورا؟؟ اعمل اية

العربية اتخبطت فى الجراج....اعمل ايه...!!

النيو اكسنت اتخبطت اعمل ايه؟ :(

عربيتي اتخبطت بعد شهر من الاستلام اعمل ايه ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة