إزيكوا يا شباب,
أنا مش عارف الموضوع ده المفروض يتحط هنا ولا في التعديلات.
عموما أنا كنت بافكر ألعب شويه في العربيه بما انها معايا من 2007 (r16a) وكل اللي كنت باعمله تغيير عدد صوت وفوانيس والكلام الفاضي ده.

بقالي فتره كده حاسس إن العربيه سحبها مابقاش زي الأول فاكنت عاوز أبتدي ألعب في المكنه بقى.

الخطه كالتالي:
أولا التغييرات لازم تكون سطحيه, يعني نشيل حاجه ونحط حاجه, يعني من غير تأثيرات عميقه ممكن تحتاج تغييرات في الموتور نفسه (المكنه تعتبر لسه جديده يعني, فحرام أخربها)
ثانيا التغييرات تكون قابله للتحسين عن طريق التغييرات العميقه.

يعني على سبيل المثال, لو هاركب فلتر هوا, أجيب آخره بمعنى إن أي تحسين بعد كده مايكونش فيه تغيير فلتر هوا تاني.

أتمنى النصيحه من الخبراء

والله ولي التوفيق.