عرض للطباعة
السلام عليكم ورحمه الله
منذ فتره كتبت موضوع علشان اعرف اركب انذار وسنتر ووحده رفع فين ونوع ايه
وكان الاجماع تقريبا على وولف فى توكيل وولف
انا معايا شيفروليه لانوس 2010
لكن لما سالت التوكيل بتاع شيفروليه قالو انهم مبيركبوش الحاجات دى عندهم
ولو ركبتها بره هاتخرج الضفيره والكمبيوتر من الضمان.
الضمان لسه فاضل فيه سنه ونص
ايه رايكم
اصرف نظر عن موضوع الانذار ولا اعمله واضحى بالضمان؟؟؟؟
ممكن تستنى لما تعدى فتره الضمان احسنلك
ازاي يعني يخرجوها من الضمان ..الحاجات دي بتركب بعيد خالص عن اي حاجه تأذي ضفيرة العربية او الكونترول .. ركب يا عم وميهمكش ولما تروح التوكيل .. حتى صوابعك في عين اي حد يقولك العربية بره الضمان .. (نفسي الوكلاء في بلدنا يبطلو استعباط بقه )
ضحى بالانذار والسنتر طبعا واستحمل لحد فتره الضمان ما تخلص وبعدين اعمل الى انت عاوزه فى العربيه علشان التوكيل ممكن يتلكك على اي حاجه لو حاجه باظت لا قدر الله
ازاى مبيركبوهاش فى التوكيل طيب؟ ده كده استهبال يعنى لا تركب عندهم ولا عند غيرهم؟
اقتباس:
المشاركة الأصلية كتبت بواسطة mrghost
انا كان معايا اسبرانزا كنت جايبها زيرو وبرضه كنت عاوز اركب انذار وسئلت فى التوكيل قالى انى لو ركبته العربية هتخرج من ضمان الكهرباء وهما مبيركبوش حاجه مبتنزلش مع العربية
نفس الوضع مع غبور
عربيتي فيرنا 2010
انا ركبت السنتر والانذار بالفعل وكدة ضفيرة كهربة عربيتي خرجت من الضمان
بص يا عزيزي لا اعتقد ان بيكون فيه مشاكل كهربا اغلب المشاكل لو حصلت بتكون ميكانيكا فلا تقلق وتوكل على الله وركبه بس خلي حد بيفهم يركبهولك عشان الشغل هيفرق معاك في التقفيل وكدة
اقتباس:
المشاركة الأصلية كتبت بواسطة eldell
بصراحه كل يوم اشوف عربيات مسروقهاقتباس:
المشاركة الأصلية كتبت بواسطة mido_vip
قريبى ركن عربيته تحت البيت وطلع بص عليها من فوق ملقهاش
فالموضوع قالقنى شويه بس
مش عارف بس اكيد التركيب هايكون فيه تقشير فى الضفيره ومش عارف الكمبيوتر ايه نظامهاقتباس:
المشاركة الأصلية كتبت بواسطة ghost2
اقولك ايه بس!!اقتباس:
المشاركة الأصلية كتبت بواسطة mrghost
حاجه غريبه وغلاسه على الفاضى
يعنى اى كلام وخلاصاقتباس:
المشاركة الأصلية كتبت بواسطة mido_vip
انا ناوى ان شاء الله التركيب فى توكيل وولفاقتباس:
المشاركة الأصلية كتبت بواسطة ranger
لان فيه اجماع على جوده الشغل عندهم
فعلا توكيل وولف شغلهم كويس جدا
هو هياخد وقت شوية يعني السنتر والانذار بيتركبوا في حدود 5 الى 6 ساعات فتروحلهم في يوم انت فاضي فيه وتابع معاه الشغل هتلاقيه شغال كويس جدا وعارف هو بيعمل ايه
وبالتوفيق ان شاء الله
لا ضحى بضمان الكهرباء ارحم من انك تضحى بعربيتك كلها وتتسرق لا قدر الله
العربيات اللى فيها انذار بتتسرق فمابالك بالعربيات اللى مفيهاش
طبعا بتبقى لقطة
ركب يباشا الانذار وكمان اختار نوع يكون بيخلي العربية مش تدور لو مقفلتش الانذار .. احنا ف ايام مايعلم بيها الا ربنا وكل يوم عربيات بتسرق .. تنام وبالك مرتاح اهم من الضمان يباشا .. ده رايي الشخصي ولك التقييم والقرار..
طالما شغل نضيف يبقى حتى لو 12 ساعهاقتباس:
المشاركة الأصلية كتبت بواسطة Ranger
بس هو بيسمح لى انى اكون مع العربيه وهو شغال ولا لأ؟؟؟
اقتباس:
المشاركة الأصلية كتبت بواسطة Abdallah
اقتباس:
المشاركة الأصلية كتبت بواسطة Taiwo
Abdallah - Taiwo
شكرا جدا يا جماعه على ارائكم
لا خاب من استشار
طبعا بيسمح ليك
انت ممكن تسيبه وتطلع تعد فوق ومشروباتك مجانية كمان
لكن انا الحقيقة وقفت مع العربية الست ساعات واقف على راس اللي كان شغال وكل شوية اقله دي متجيش تركب بالطريقة الفلانية !
وجعت دماغه بصراحة بس هما ناس محترمة الحقيقة
توكل على الله
انا ركبته الانذار والسنتر ب 285 جنيه واديت اللي كان بيركبه 15 جنيه يعني كله قفل 300 جنيه وضمان سنة على السنتر وضمان 5 سنين على الانذار
اقتباس:
المشاركة الأصلية كتبت بواسطة ranger
تمام تمام
انا هاركب الحاجات دى وربنا يسترها
شكرا ليك ياباشا
انا ضحيت بالضمان اللى على الضفيرة وركبت الانذار بعد ما جبت العربية بشهر
بس عشان امان زيادة والكلام ده قبل الانفلات الامنى بيتهيقلى دلوقتى اهم
ركب الإنذار بس يكون spy 5000 ويارب تلاقيه
طب اية رايكم فى الأنذار الأبجريد
طيب ما تفكر تحطها في جراج مثلا الفترة دي عشان ماتخسرش الضمان
+1111111111اقتباس:
المشاركة الأصلية كتبت بواسطة abdallah
أنا من رأييى تضحى
بالأم
والجنين
علشان الأب يعيش
شكلي كدا اتعرضت لاشتعالة كبرى..اشتغالة ايه دول عملوا علي حفلة..ولا يمكن انا إللي غلطان..قولوا لي لو انا غلطان..إليكم القصة:اقتباس:
المشاركة الأصلية كتبت بواسطة medoampir
انا رحت من اسبوعين اشتريت جهاز إنذار وماكينة رفع وقربة من شركة عبر البلاد المشهور بتوكيل وولف بـ175 جنيه وقالو لي التركيب بـ20 جنيه لما تيجي تركب..المهم اتأخرت في التركيب اسبوعين وروحت لهم بالعربية علشان اركب الإنذار
روحت امبارح..ركبت الإنذار بالكامل (قاطع المارش) وماكينة الرفع بدون فتح الشنطة بالريموت في 5 ساعات ونصف!!!!! مرة الصنايعية اختفوا علشان الفطار..ومرة ندوة سياسية مع الصنايعي وبعض العاملين في الشركة عند عربيتي..وطبعا الزباين التانية عماله تدخل وتخرج وانا قاعد
طبعا الصنايعي كان كل شوية بيقول انه عمل لي شغل ماحصلش وإنه اول مرة يشتغل في موديل الإنذار دا وانه حط سلك 5 مم..وقعد يديني محاضرة عن استخدام الجهاز..وقال لي اعمل اشتغالة ما عند الحساب..وإنه عايز 40 جنيه حلاوة تركيب!!!
ثم دقت ساعة الحساب..طبعا انا ماعملتش الاشتغالة إللي قالي عليها الصنايعي علشان انا مابكدبش، لقيت الصنايعي خد الراجل وطلع بره بحجة السؤال عن حاجة ورجع بيقولي 105 جنيه..قلت له نعم!!! قال لي الإنذار بـ40 جنيه والرفع وماكينة السنتر (يقصد القربة) 40 جنيه وقاطع المارش 25 جنيه..انا اتصدمت اديته الفلوس واديت الصنايعي 50 جنيه مكافأة له على اشتغالته وتعطيله لي لأكتر من 5 ساعات
إللي يعرفني في المنتدى يعرف إني مايهمنيش الفلوس ويعرف برضه إن ممكن اركب الإنذار بنفسي..معلش يبدو إني طماع وقلت لنفسي عشرين ولا خمسين جنيه مش كتير وابقى رحيت نفسي...
المهم النهارلادة نزلت ركبت قربة في الشنطة لفتح الشنطة من ريموت الإنذار في نص ساعة..لقيت ايه بقى؟؟ لقيت مسامير تثبيت الباكيتات ناقصة مسمارين وجهاز الإنذار ملفوف في كيس بلاستيك..والحمد لله على كل حال
نصيحتي..لا تتهاون وتعمل مؤدب وراجع على كل حاجة وكل مسمار وحط عينك معاه ولا تكترث بمضايقة الصنايعي..واتفق على كل حاجة قبل الشغل..الشغل قبل الاشتغالة
والحمد لله على كل شيء
لا تفكر بالولف مطلقا:b4_611:
مقتبسة من مشاركة ecybrarian