ملحوظة وعايز اخد رايكوا فيها...

**shaky** · 03-05-2011 03:36 PM

بقالى فترة بحس ان العربية العزم بتاعها مش اوى مع انى بنقل على ار بى م 3 فواحد صاحبى قالى خلى الغيار على 4 الى 5 فعملت كدة بقالى يومين بالظبط فلقيت العربية بقى صوتها اهدى على السلانسية وكمان العزم شد وبقى افضل من الاول حتى لما رجعت للنقل على ار بى م 3 ياترى دى اية ؟؟

**محمد الشامي** · 03-05-2011 03:45 PM

هو حضرتك سواقتك دايما هاديه ؟؟ يعني مش متعود تجري على سرعات عاليه او تحرق على الغيارات احيانا

**shaky** · 03-05-2011 06:08 PM

المشاركة الأصلية كتبت بواسطة محمد الشامي

هو حضرتك سواقتك دايما هاديه ؟؟ يعني مش متعود تجري على سرعات عاليه او تحرق على الغيارات احيانا

الاول كنت بمشى على سرعات عالية جدا بس بردة الغيار لحد الرابع كان 3 لكن الخامش لفتح للعربية لكن الحمد لله معتش بجرى بقالى فترة كبيرة وموضوع حرق الغيار دة معملتوش ولامرة لانى بخاف على العربية جدا

**محمد الشامي** · 03-05-2011 06:41 PM

هو يمكن المكنه كانت عايزه تفوق شويه

بس بالنسبة لضعف عزم العربيه ممكن يكون طقم الدبرياج تعب شويه , وده ممكن يبان من عدد الكيلو متر اللي قطعها طقم الدبرياج بالاضافه لأعراض تلف الاسطوانه

وعشان كده لما بقيت بتنقل على 4 او 5 فبتخلي مهمه الغيار في توصيل العربيه لسرعه اعلى اصبح اسهل , لان النقل على المعدل ده بيعتبر قرص على الغيار وفي الحاله دي كانك بتوصل اخر الغيار لنفس سرعه اول الغيار اللي بعده , وده بيخلي المهمه اسهل

**ahmed_mido1889** · 03-05-2011 08:06 PM

المشكله العربيه كانت اتكتمت وكانت عايزه تتفوق

انا مره العربيه كتمت معايا كانت بتوصل ل60 وصوت الموتور عالي علي التالت

قرصت وصلته ل 130 واديت الرابع لحد 150

الشكمان ادي فرقعه محترمه عند 100

وصوت الموتور هدي والعربيه كملت جري

بعده بقيت هاديه قوي وعزمها شديد

وبقت لو كبست بنزين فجاه علي الاول او التاني تفرك وهي ماشيه

هي بس عايزه تتفتح شويه

**shaky** · 03-05-2011 11:45 PM

يعنى دة معناة ان العربية كانت عايزة تفوق والا طقم دبريايج زى الاستاذ محمد ما قال ؟

وبعدين لو انا نقلت على 4 او 5 فى ار بى م هل دة غلط على العربية والا عادى طالما انا مدخلتش red zon

**ahmed_mido1889** · 04-05-2011 08:42 AM

المشاركة الأصلية كتبت بواسطة shaky

يعنى دة معناة ان العربية كانت عايزة تفوق والا طقم دبريايج زى الاستاذ محمد ما قال ؟

وبعدين لو انا نقلت على 4 او 5 فى ار بى م هل دة غلط على العربية والا عادى طالما انا مدخلتش red zon

لو طقم دبرياج يبقي مهما تعمل في العربيه من قرص وخلافه هتلاقي العزم زي ما هو

لكن كده كان الموتور مكتوم
طالما ما وصلتش للرد زوون يبقي مفيش مشاكل

بس عيب القرص انه بيخلي العربيه تاكل بنزين وتحرق زيت