إسبويلرات لانسر جاهزه مرشوشه وستائر كبس لجميع السيارات

**إسلام شاهين** · 19-04-2008 12:46 PM

النهارد كنت عند سبير كار ولقيت حاجتين عجبوني قوي :-

أولا الاسبويلر الجاهز اللي بيجي مرشوش من بلاده برقم لون العربية ، وفعلا الاسبويلر جامد جدا والفينش بتاعه تحفه ووزنه خفيف جدا وبصراحه عجبني قوي لدرجة إني اتجننت وحجزت واحد لعربيتي وأنا مسافر يوم الأحد وهاستلمه بكره بعد لما إديتهم رقم لون العربية اللي بيبقى تحت الكبوت ( A39 ) ده رقم لون عربيتي ولقيت عنده أربعه محجوزين ابيض وكحلي وشامبين وأسود ، اللي عجبني بقه أكثر تركيبه لأنه بيركب من غير تخريم في الشنطه لأنه له شفتين من الجناب بكاوتش حمايه والشفتين دول بيتركبوا على شفف الشنطة يمين وشمال وليهم رجلاش علشان يتربطوا بيهم بصراحه عجبني جدا جدا لأن خامته حلوه قوي وفنشه أحلى وموضوع إنه بيجي مرشوش جاهز ده هو الأحلى .

ثانيا موضوع الستائر الكبس كانت ناس سألتني عليهم وللأسف الراجل اللي في التوفيقية مكنش عنده غير أنواع معينه لعربيات معينه هما بقه خدوا الستائر ديه وعملوها في مصنعهم لجميع أنواع السيارات وبصراحه خامتهم أنظف بكثير ولقيت عندهم للكورولا والبيجو والسيفك كمان ولو ما عندهمش لعربيتك بياخدوا مقاس الاستمبه وثاني يوم تستلم وتركب .

الأسعار أنا مش هتكلم فيها بس هي مناسبة جدا وده رقم أمير للي عايز يستفسر أكثر 0103511020 اللي يتصل بس يقول إنه من نايل موتوز .

**boody2** · 19-04-2008 01:08 PM

استاذ اسلام

ازاي حضرتك

يا تري عندهم الفوجات و لا ايه الاخبار ؟؟؟و تمنها كام هي و الستائر

و ان شاء الله حكلم حضرتك يوم الخميس لو ربنا اراد

**limo** · 19-04-2008 01:13 PM

الف مبروك يا استاذ اسلام
هوه السبويلر ده بلمبه استوب ولا مفيهوش ؟
يا ريت اول ما تركبه ان شاء الله تنزلنا صوره
لانى نفسى اركب سبويلر ومش عايز اخرم فى الصاج
الف مبروك على السبويلر والف شكر لسعيك الدائم لخدمه اعضاء المنتدى

**إسلام شاهين** · 19-04-2008 01:20 PM

boody2 والله أنا ما سألتش على الفوجات ، الستائر الطقم للبابين الخلفيين والزجاج الخلفي 70 جنيه .

limo الإسبويلر طبعا فيه لمبة الاستوب بتاعته وبيركب من غير تخريم خالص زي ما قلت عبارة عن شفتين بيركبوا في شفف الشنطة يمين وشمال برجلاش وليهم عوازل جلد علشان مايجرحوش الصاج ، ولا شكر على واجب أنا ما عملتش حاجه ولو ركبته النهارده إن شاء الله هبقى أصوره .

**محمد أنور** · 20-04-2008 01:03 AM

بكام الأسبويلر دة ؟

**SAbuhashem** · 20-04-2008 01:22 AM

الستاير الكبس بكا م و بتاخد وقت قد إيه ؟

Thanks
Eng.Sherif Shaker

**X_MM_X** · 20-04-2008 07:29 AM

الأسعار يا باشا ؟؟؟؟

**إسلام شاهين** · 20-04-2008 10:20 AM

الإسبويلر 360
الستائر الطقم 70 ، ولو مش موجود بيتعمل في يوم وثاني يوم تستلمه

**AMRSPEED** · 23-04-2008 03:01 AM

ياريت اى حد يعرف مين عنده الستاير دى فى اسكندريه يقول مكانه فين

**Moh.Fahmy** · 23-04-2008 04:50 AM

موجودة في اسكندرية عند ميدا ديزاين اللي في سوتر امام مساكن سوتر جنب خروب الحلبي ممكن تلاقيهم جاهزين عنده او يقولك تعالي خدهم بكرة و هما بحوالي من 60 الي 70

محمد فهمي