بيكانتو عامله 30000 كم ولا سبارك زيرو ؟؟؟

برجاء يا جماعه تفيدوني في الاختيار عشان اخويا عايز يشتري عربيه...

بعد شويه بحث لا باس به...

وقعت قدامنا بيكانتو عامله 30000 كم وسعرها مبدأيا 50000...

العربيه حالتها جيدة جدا لكن برضه لسه هاكشف عليها في التوكيل عشان اتطمن...

بس جه قدامنا فكره اننا ممكن نزود ونجيب سبارك ونبقي كسبنا انها عربيه زيرو..

بس برضه نرجع نقول ان 30000 كم مايلحقوش يتعبو العربيه او يخلوها تشتكي...

انا رايي ان البيكانتو كاداء افضل من الاسبارك اللي بحس انها مش ثابته عالطريق زي البيكانتو...

المساحه من جوة وراحه السواق هما تقريبا والله اعلم زي بعض..

المهم بالنسبالي اداء العربيه انهي فيهم الاحسن؟؟؟

برجاء الافادة افادكم الله...

بيكانتو من غير ما تفكر أصلا....لا وجه للمقارنة بين العربيتين...

البيكانتو شياكة و ثبات رائع و موتور و وسع و تابلوه تحفة و تقفيل نضيف جدا....سواقتها تحس انها اوروبي مش شرق اسيوي

أنا جايب بتاعتي كانت عاملة 35000كم و حالتها كانت زي الفل كل اللي عملته اني غيرت 4 كاوتشات و عملت صيانة ال40000 و رجعت زيرو

انسي السبارك خالص

حاجة كمان....لو تعرف و انت بتدور تجيب الفول أوبشن....هاتفرق جدا في الكماليات و فرق السعر هيبقي بسيط

ربنا يوفقكم:)

لو البيكانتو عاملة 60 الف كم....... برضو البيكانتو

دة ايه الهنا اللي انا فيه دة...

نادر نبيل باشا وسيات لافر بيردو عليا وفي ساعتها كمان ...

يا حلاوة يا ولاد يا حلاوة يا ولاد...

اولا شكرا عالرد السريع يا رجاله... انا اصلا في توكيل دايهاتسو اللي في العبور بعمل صيانه الالف للسيريون بتاعه اختي...

وماتوقعتش نهائي ان حد يرد عليا دلوقتي ...
اكمن هنا فيه نت وبتاع قلت اما اسالكو...

اخويا معايا وياريت تقولولنا اسباب ترشيحكم للبيكانتو وتفضيلكم ليها؟؟؟

انا كمان ميال ليها علي فكرة بس الشاري اللي هو اخويا يكون هو كمان مقتنع ميه ميه بيها...

لا هو موضوع كبير اوى ..بس بدام انت قاعد فى التوكيل هانسليك شوية
بص يا سيدى فى البيكانتو
1-من افضل السيارات الكورية الصغيرة على مستوى العالم
2-قلة اعطال و توافر مراكز خدمة و سعر و انتشار جيد لقطع غيار
3-من افضل السيارت الموجودة حالياً فى سعر اعادة البيع

الاسباب انا ذكرتها فوق...بس زود عليها العملية الشديدة في الركن و المشي و اللف في الشوارع الديقة...و استهلاك البنزين اللي مش موجود اصلا:) بتعمل حوالي 350كم في الصفيحة...

زود علي كده خامات التابلوه الرائعة و شكلة الجميل المتناسق...و فيها روح الاوروبي كده لان هيه أصلا موجه للسوق الاوروبي....ملهاش حس خالص...حتي لو بتحرق و تشد بالموتور...مش هاتسمع حاجة...لولا الrpm كان زمان الموتور فوت:) (مش قوي يعني :))

الف الف الفل شكر يا رجالة...