اقرى يا سيدى وخلى دمك يتحرق
اليوم السابع | تكسير قاعة المحكمة عقب إخلاء سبيل الضباط المتهمين بقتل المتظاهرين
وحياه اغلى حاجة عندى لو اتكوست لانزل اخد حق الشهداء دول بايدى
اقرى يا سيدى وخلى دمك يتحرق
اليوم السابع | تكسير قاعة المحكمة عقب إخلاء سبيل الضباط المتهمين بقتل المتظاهرين
وحياه اغلى حاجة عندى لو اتكوست لانزل اخد حق الشهداء دول بايدى
حسبي الله ونعم والوكيل
ما هو اصل حاجة من اتنين .....
1) الظباط دول مجرمين و قتلة ....... بس المحكمة زمتها واسعة تلات اربع حبات ...... لأ احنا مش عايزين نقول كده على القضاء
2) الظباط دول ماعملوش حاجة و مظلومين و مقتلوش المتظاهرين ....... طب مين اللى اللى قتل المتظاهرين ؟؟؟؟؟؟
فين الظباط اللى قال عليهم تقرير لجنة تقصى الحقائق ..... والل اتذكروا بالأسم فى التقرير ؟؟؟؟؟
هو ايه اللى بيحصل
يا خوفى اللى جرى عليهم يجرى على صاحبنا بتاع شرم !!
لو خدو براءة هيبقى فى 80 مليون مترصدين بجهاز الشرطه كله وهيبقى فى احتكاكات دمويه بين الطريفن و هو القاضى دة دماغه فيها ايه اساسا وخالى سبيلهم ليه
معلش بس الغالب الأعم من الضباط دول بيتحاكموا عن ناس انضرب عليها نار جوه وأمام أقسام الشرطة....الغالب الأعم منهم كان بيدافع عن نفسه وعن القسم اللى كان شغال فيه ، بس الأمور فيها فوضي ودخل الحابل على النابل!
تحياتي.
لازم نعرف حيثيات الحكم عشان نبقي فاهمين ، المشكلة اننا شعب عاطفي جدا.
تحياتي.
بتوع اسكندرية دول بالذات الأهالي هايتجننوا منهم و الله
حاجة تحرق الدم
......... منقول ..................
اجتمع النائب السابق طلعت السادات، مع عدد كبير من المتظاهرين من أهالى ضحايا ومصابى ثورة 25 يناير، أمام محكمة جنوب القاهرة، عقب انتهاء الجلسة، ودعاهم للحضور الجلسة المقبلة باسرهم وعائلتهم جميعا للتظاهر والاعتصام أمام المحكمة لضمان حبس الضباط المتهمين، وأعلن أثناء اجتماعه معهم تطوعه للدفاع عن أسر الشهداء.
يذكر أن قاعة محكمة جنايات جنوب القاهرة قد شهدت عقب انتهاء أولى جلسات محاكمة 13 ضابط شرطة متهمين بقتل وإصابة متظاهرين أثناء ثورة 25 يناير، اليوم، حالة من الغضب العارم حيث حطم زوى الضحايا القاعة بأكملها، وكسروا زجاج النوافذ، ومنصة المحكمة، وحاولوا اقتحام غرفة رئيس المحكمة للتعدى عليه احتجاجاً على قرار المحكمة بإخلاء سبيل المتهمين وتأجيل القضية إلى 5 يونيو المقبل لتقديم طلبات الدفاع والمدعين بالحق المدنى.
وقبل بدء الجلسة نظم العشرات من أهالى شهداء الثورة مظاهرة وقطعوا الطريق أمام محكمة جنوب القاهرة، مما عطل حركة المرور، ودفع اللواء محمد طلبة مدير أمن القاهرة للنزول إليهم لتهدئتهم، حيث رفعوا لافتات عليها صور الشهداء، ورددوا داخل القاعة أثناء نظر القضية الهتافات والشعارات المطالبة بإعدام الضباط، ومنها "الإعدام الإعدام لكلاب النظام.. القصاص القصاص ضربوا ولادنا بالرصاص".
كما أنه عقب خروج المتهمين المخلى سبيلهم من القاعة، اشتبك المتظاهرون بقوات الأمن المركزى والقوات المسلحة فى محاولة منهم لكسر الحواجز والفتك بالمتهمين، ما نتج عنه ومصابون لم يتم حصر أعدادهم بعد، وذلك قبل السيطرة على الأوضاع وحجز الضباط داخل غرفة قاعة المحكمة لحين تأمين خروجهم.
بسم الله الرحمن الرحيم الاجابه
حتحصل مجزره والاقسام حتتكسر تانى