سانديرو اوساجا او انجلون افيدونا قبل مالفلوس تنصرف

السلام عليكم ورحمة الله وبركاته
معايا 75000ج ومحتار بين السانديرو والساجا و الإنجلون مع العلم انا مش من هواة التغيير يعنى حاجيب العربية دى وكده رضا قوى وتعبت من المستعمل وجزاكم الله خيراً

يعنى يا جماعة كل المشاهدات دى وما من مغيث

اعتقد في السعر ده ... سانديرو مرتبة اولى ..
وبعدين اللوجان ..
و بعدين الساجا ...

و عليكم السلام و رحمة الله
توكل علي الله و هات السانديرو
عربيه حجمها جميل و قطع غيارها موجوده في التوكيل و منافذ البيع
و أقتصاديه في البنزين و صالون واسع و شنطه واسعه
و التوكيل سمعته جيده
و أعاده البيع العربيات الرينو بقت مطلوبه
أما الساجا فالحسنه الوحيده ليها أن في منها أوتو للي بيحب الأوتو و ليه مشاكل مع المانيوال
أما العربيه الأخيره المابل ديه أبعد عنها لأن لما يحصل فيها حاجه صدقني مفيش حد هايعرف فيها أيه

مش ها اقولك غير كلمة واحدة بس عشان اريح حضرتك ...
ساكن في القاهرة !!!
اقفل الموضوع ودور على الأوتو سكته منين :d :d

أن فى غاية الإمتنان لكل من تفضل بنصيحة ولهذه الردود الجميلة وانا كنت ناوى فعلاًعلى السانديرو بس كنت باخذ بالمقولة الكريمة ماخاب من استخار وما ندم من استشار دعواتكم علشان ربنا يوفقنى ف استلامها من التوكيل خلال ايام

الله معك
و بالتوفيق إن شاء الله
و ربنا يكرمك و يحفظك من كل شر

بصراحة انا معرفش السانديرو اوى
بس الساجا سامع عنها سمع خير اوى :)
اما الاخيرة فمن رأيى خارج المقارنة اصلا
يبقى العامل الاول والاخير هو ...أنت ( حدد عايز ايه من العربية ووظفه فى حدود امكانياتك )
وبالتوفيق ان شاء الله

طبعا سانديرو
وبعدين ساجا
أنجلون بره الحسابات أصلا

انا متشكر لكل الأعضاء الكرام اللى تفضلوا بالنصيحة وادعو لى علشان انا داخل فى مفاوضات مع توكيل رينو علشان يرضوا يدخلوا السانديرو ف العرض بتاع التقسيط المباشر معاهم

السانديرو واتوكل على الله
عربية مع واحد صاحبي وانا معايا لوجان
الاثنين واحد مع اختلاق الشكل .......

go east go west logan sandero is the best

بص انا اجرت الانجلون اول امبارح عشان مشوار للمطار ...


اخويا معاه مازدا 3 وجربت عربيات كتير بس هحكيلك على تجربتي ... وان شاء الله كمان شهر بكتيره الحج هيحن علينا ويدينا مبلغ نزقطط بيه

المهم

الانجلون ... صناعه انجليزيه وتقفيل صيني ( دا كلام صاحب العربيه )
تكييف تاتش .. وجمييييييييييل جدا ... انا مشيت بيها اكتر من 250 كيلو مشغل تكييف ومافيس تأثير على قوة الموتور ولا على سحب البنزين

نظام صوتي جميل جدا جدا جدا ( تقريبا 6 او 7 سماعات )و سيدي ويو اس بي و مدخل ميموري sd

زجاج كهربا

انذار

مرايات كهربا

تحكم في ارتفاع وانخفاض مستوى الاضواء الاماميه

ولاحظت شيئ عجبني ... لما السرعه بتعدي 20 بيقفل الابواب (قفل مركزي اتوماتك)

عدادات شكلها كويس

فرش جلد بيج ( كويس ) بس مش للدرجه

تقفيل داخلي ... مافيش اي ذوق خالص ... والمواد الداخليه تعبانه بس كويسه بالنسبه لعربيه صيني

اضواء شبوره

النور العادي عدسات

الموتور سعته 1500 سي سي

سحبها خيالي بالنسبه ل1500 سي سي

بس دواسه البنزين حساسات مش واير ( الكتروني مش سلك)

5 نقلات .... وموفره بطريقه نرفزتني جدا ( عبيت التنك ب 100 جنيه بنزين 92 ولفيت في الزقازيق كتير ورحت مطار القاهرة ورجعت ورحت فاقوس ورجعت منيا القمح ودا كله ... ولسه ماخلصتش ربع التنك ... وصاحب العربيه خد باقي البنزين ومارضيتش اكلمه في حاجه )

يبقى موفره للبنزين ( مع العلم اني كنت مشغل تكييف طول الطريق )

اه .. عفشتها مريحه وماتحسش ب تخبيط او تكسير او طقطقه ... عفشه حلوه جدا

العربيه ارتفاعها عن الارض مناسب ... وبعد التحميل برضو كان كويس

شنطه فيها مساحه مش طبيعيه ... انا اتخضيت من المنظر ... مساحتها ضعف مساحة شنطة مازدا3 موديل 2009

الكرسي الخلفي ضيق نسبيا ....

في ايه تاني نسيته ؟؟؟؟ جنوط 16 او 17 مش فاكر والله

وبس يا سيدي .... هي دي الانجلون ... رائعه بالنسبه للانجليزي او الصيني ...

تقبل تحياتي ...

متشكر ليك ولذوقك العالى على ردك الجميل المفيد لكن سبق السيف العزل وجبت السانديرو