هو ايه اللى بيحصل فى قسم الساحل دلوقت وصحيح فيه مساجين هربت

فى اخبار من اليوم السابع ان الاهالى اتعدو على قسم الساحل وضربو نار وهربو المساجين

الخبر اهو


علم "اليوم السابع" من مصادر أمنية رفيعة المستوى أن جميع المتهمين المحتجزين داخل حجز قسم شرطة الساحل بالقاهرة قد تمكنوا من الهروب منذ دقائق معدودة، مساء اليوم الثلاثاء، والخروج من القسم، وذلك عقب تبادل لإطلاق النيران بين قوات الشرطة وعدد من رجال القوات المسلحة من جهة، وأهالى المحتجزين من جهة أخرى.

ومن جانبه أضاف عدد من شهود العيان المتواجدين أمام القسم لـ"اليوم السابع" أن عدداً كبيراً من أهالى المحتجزين قد تجمعوا منذ قليل أمام قسم شرطة الساحل، وبدءوا يتشابكون مع قوات الأمن المتواجدة بالقسم، وزادت حدة الاشتباكات بينهم حتى تطورت لتبادل لإطلاق النيران بين الطرفين، وتمكن المحتجزون بالقسم من تحطيم بوابات الحجز والخروج، وأسرعوا جميعا بالهروب.

وسنوافيكم بالتفاصيل حول أعداد الهاربين، وعما إذا كان هناك ضحايا أو مصابين نتيجة تبادل إطلاق النيران بين الأهالى والقوات الأمنية.

70 + runaway

حصل من حوالى ساعتين واللى هربوا حوالى 33 مسجون وكالعادة اللى هربوهم اهاليهم واصابوا ملازم اول فى الكتف.

مش فاهم
يعني بعد كده اللي يغلط يحبسوه هو و اهله و لا ايه بالظبط

الشرطة لسه في اجازة وده بجد تهريج لازم يتاخد اجراءات صارمة

اطالب بتنفيذ احكام الاعدام بالبلطجة في ميادين عامة للعظة وشكراااااااااااا

والحل

يا جماعه الاقسام فاضيه ومفهاش ظباط ولا عساكر كفايه


اظن ان من حق البلطجيه يعملو اكتر من كده لما هما شايفين الظباط مش شغالين ولا موجودين

انا مش من الشرطه ولا من الفلول

بس بصراحه الشرطه مش هاتقدر تعمل حاجه وملهاش زنب وممكن يبقي في ظابط شريف ف القسم هو مش عنده عيال نا س رايحه تهجم عل القسم وتضرب نار
اعتقد ان انه لازم ترجع هيبة الدوله ازاي معرفش والي مش عاجبه ممكن يروح ويحط نفسه مكان النا س دول
المشكله ان الشعب اتجرأ وانسي وسلم لي ع المترو

اللى فهمته وحسيته من افراد شرطة انهم مريحين لوجود الجيش فى البلد

لما الجيش يرجع مكانه هيبداوا هما يشتغلوا.

طيب ما تشتغلوا مع بعض وتكملوا بعض.

والله يا باشا احنا شغالين وربنا ييسر الامور.

والحل انا مش قادر افكر فى حل ينفع.

يعنى لو محاكمة للظباط المقصرين اللى مش شغالين يبقى معظم الجهاز هيتحاكم ولو ده حصل يبقى كل اللى خايفين مش هيشتغلوا عشان ميتحاكموش او منهم خايفين ينزلوا عشان فى تار بايت مع اهالى.

ولو استنينا دفعة جديدة من المحامين يتدربوا يبقى برده هنستنى فترة مش اقل من 2-3 شهور.

فيه ظباط وافراد امن بيعتبروه ضغط ومش هيشتغلوا لو فى منهم اتحاكموا على قتل متظاهرين واللى بيعتبروه انهم قتلوا اللى كان بيهاجم الاقسام وانهم كانوا بيعملوا واجبهم.

شفت منهم ظباط شغالين ولو انهم قليلين.ولكنهم شغالين مش كلهم مستخبيين.

اقتباس:

---

المشاركة الأصلية كتبت بواسطة aminibrahim

انا مش من الشرطه ولا من الفلول

بس بصراحه الشرطه مش هاتقدر تعمل حاجه وملهاش زنب وممكن يبقي في ظابط شريف ف القسم هو مش عنده عيال نا س رايحه تهجم عل القسم وتضرب نار
اعتقد ان انه لازم ترجع هيبة الدوله ازاي معرفش والي مش عاجبه ممكن يروح ويحط نفسه مكان النا س دول
المشكله ان الشعب اتجرأ وانسي وسلم لي ع المترو

---

يعنى ايه يا باشا مش فاهم معنى كلامك خالص

خلاص بقا لما بكره الصبح نلاقى امريكا عندنا هنا محدش يلوم على الجيش اصل اللى فى الجيش عندهم عيال برضه

اه وانا كمان عندى عيال محدش يبقى يبعتلى جواب استدعا عشان مش عاوز اروح احارب وانا مالى ياعم سيبهم يعملو اللى هما عاوزينه وياخدو اللى هما عاوزينه من البلد

اقتباس:

---

المشاركة الأصلية كتبت بواسطة emo_ayman

اللى فهمته وحسيته من افراد شرطة انهم مريحين لوجود الجيش فى البلد

لما الجيش يرجع مكانه هيبداوا هما يشتغلوا.

طيب ما تشتغلوا مع بعض وتكملوا بعض.

---

هو ده مربط الفرس يا باشا

هما سايبين كل حاجه على الجيش والشرطه العسكريه

لما بتحصل عركه والله العظيم الظباط بيقفو يتفرجو والجيش لما يجى بعد كااااااام ساعه هو اللى بيخلص الموضوع
يبقى يشتغلو ليه بقى
خللى الجيش ينفع الشعب

عشان كده انا بقول الوزير مش عارف يشغلهم او هو كمان مبسوط من اللى بيحصل
وفى كلتا الحالتين هو مش عارف يدير الازمه
يبقى لازم غيره يمسك مكانه
تانى حاجه موضوع المحاكمه وانهم خايفين من محاكمه اللى يشتغل انا مش معاك خاااااااااالص
مفيش ظابط اتحاكم على اكبر جريمه فى حق المصرين لحد دلوقت وادى خبر يدل على انهم مش خايفين يتحاكمو
http://www.nilemotors.net/Nile/217222-a.html