المشاركة الأصلية كتبت بواسطة al_qassam2003
بدون زعل انا مندوب شركة ادوية واخويا طبيب بشرى الحمد لله
الدكاترة افتروا
1 - الدكتور بيتعلم فى الناس وهوة نايب وبعد كدة ماجيستير ودكتوراة على حساب البلد وفى الاخر لو جامعى بيدى محاضرة فى الترم وماحدش بيشوف وشة فى العيادات ونفس الكلام لو صحة ولا نباتشيات ولا اى حاجة وساعات كتيرة بالليل النايب ما بيعرفش يتصرف ولايسأل حد لأن الاستشارى نايم فى بيتة
2 - وبعد ده كله كشفه ب 200 جنيه
3 - العيان الفقير ليس امامة الا النايب اللى خبرته على قده بحكم السن
4 - بيتعلموا فينا وبعد ما يبقوا خبره بيروحوا دول الخليج بمرتبات خيالية ربنا يباركلهم
5 - الاطباء دايما بيطالبوا بحقوقهم لكن لم نسمع احد يطالب بحقوق المرضى (لابد من حقوق وواجبات (
6 - روح اى مستشفى وشوف معاملة الاطباء ازاى والحالات يحولوها من قسم الى قسم علشان يتهربوا منها
والمستشفى الصغير يحولها الى العام والعام يحولها الى الجامعة علشان يريحوا دماغهم
7 - مافيش اى دكتور الا وعامل المستشفى الحكومى اللى بيعمل فيه الى مستشفى خاص به الكل بيخدم على حالاتة
8 - الدكتور مش هو اللي بيتفق معاك على اجرة بره المستشفى مع انة هايعملهالك على حساب التأمين او فى مستشفى حكومى (كدة بياخد اجره مرتين منك ومن المستشفى)
9 - بعض الدكاترة وليس الكل و(لكن للاسف بقوا اغلبية) بيبعوا العيان لمعمل تحاليل معين ومعمل اشعة معين ويبيعك لصيدلية معينة غير شركات الدواء مش هنتكلم عنها الان
الرحمة بمصر وابنائها لوجه الله
ونرجو من السادة الاطباء الزملاء الاخوة عدم الزعل وعدم المتاجره بالالام الناس