لا ده انا لقيت الشمس بتضرب فى عينى هنا قولت اجى اتفرج بس :36_1_1[1]:
عرض للطباعة
للحفاظ على مؤهلات العضوية في الحزب يمنع اكل الشيكولاته لما تفعله مع شويه حزق من انبات الشعر :B4_556:
انا اسف ممكن ابيعكوا قريبا خطيبتى عايزانى بشعر :(
ايوه انا كمان راكب معاكو اوتوبيس القرع
انا بحلق واحد قصير او زيرو بالموس من 5 سنيين و بحلق مرة كل 10 ايام سواء شتا او صيف
احلى شعور لما تحس ان جمجمتك منها للسما
انتعاش خفة و روقان
يا نهار صدف
أنا لسه حالق على واحد من 3 ساعات فقط.
ده أنا عضو أساسي في الحزب .... أقرع بالاختيار وعن قناعة كمان. رغم ان شعري تقيل ومش هصلع ان شاء الله.
بقالي أكتر من 12 سنة بحلق على واحد ... ممكن ابقى في اللجنة العليا للحزب؟
اقرع وأفتخر .. وابو شعر ينتحر :grin54:
كل اسبوع بحلق شعري ودقني بالمكنه نمره 1 والحياه زي الفل.
بقالي سنه وزياده اهو لدرجة اني نسيت شكلي كان عامل ازاي بشعر :Ka_che1[1]:
موضوع ظريف يا حاج أحمد
أنا برضه عضو في الحزب , بس خلقة ربنا مش بمزاجي , وبصراحة بستغرب على اللي بيبقى معاه النعمة و يرفسها قصدي يحلقها
بس بصراحة عمري ما حسيت ان الموضوع ده عاملي أزمة , بالعكس هو فعلا ميزة
اللهم حوالينا لا علينا...اللهم حوالينا لا علينا...!!!
دنا ابقى شبه البطيخه المسنوده على البوفيه بتاع السفره..!!!!!!
ههههههههههههههههههههههههه ههههههههههههههههههههههههه هه
انا جاهز للانضمام بس ياريت نعمل حزب سياسى للقرع فقط
لسه منضم ليكو امبااارح بس حلقت على 2 وانا في الغالب بسيب شعري بس قررت الانضمام ليكو :d
ههههههههههههههههههههههههه ههه
موضوع مسخرررررررررة
والله كنت بفكر أجيبها على واحد عشان إتخنقت من امه
على العموم لو جبتها هنضم ليكوا فى الحزب بس خلونى عضو تحت الموافقة حين إدلاء الإثبات :d
بعد اذن السيادة انا بحلق اقرع كتير جدا لاني بحب الحلقة دي اوي بس بيبقي يوم اخبر لما بدخل البيت و مراتي و امي يشوفوني
يا نهار اثود كانهم شافوا alien بالضبط و كلة بيجري مني.
ممكن ترضوا عني و تراعوا ظروفي و اكون عضو في الجمعية المقرعة قصدي الموقرة!!!!
سنن أبي داوود :- المناسك :- حدثنا القعنبي عن مالك عن نافع عن عبد الله بن عمر
أن رسول الله صلى الله عليه وسلم قال اللهم ارحم المحلقين قالوا يا رسول الله والمقصرين قال اللهم ارحم المحلقين قالوا يا رسول الله والمقصرين قال والمقصرين
-------
من ساعة ما اشتريت الموسر - اهل الإجتماعي في المنتدى شجعوني - وأنا بحلق لنفسي نمرة 1 ههههه
شكراً يا حج احمد على موضوعك الجميل
اسمحولى انضم لهذه الرابطة العظيمة اخوكم بيضربها واحد من ايام الجامعة
فى الصيف راحة السنين بس فى الشتاء برد التنين وفى المجمل مفيش احلى من انك ماتقفش قدام المرايا ساعتين تسبسب فى شعرك .اقتباس:
ياترى بتحلق اقرع ليه ؟؟؟
انت تصحى من نومك تغسل وشك تاكل فطارك تلبس هدومك وتنزل طوالى
أنا بحلق مرة فى الشهراقتباس:
بتحلق كل كلم يوم ؟؟
بعمل الاتنين لما مزاجى يبقى كويس أو الميزانية خربانة احلق بنفسى اما لو متظبط أو مستعجل يبقى عند الحلاقاقتباس:
بتستعمل ماكينة ولا بتروح لحلاق ؟؟؟
باناسونيك وبقالها معايا 3 سنين ماغيرتش فيها فتفوتة والحمد للهاقتباس:
الماكينة نوعها ايه ؟؟؟
لفحة الشتاء فى القفا رهيبةاقتباس:
ايه المشاكل اللي بتواجهك بسبب انك اقرع ؟؟؟
بحلق نمرة 3 من سنة 1993
عندى ماكينة موزر المانى و طقم امشاط و بحلق فى البيت و الحمد لله اتعودت عليها و بقيت استاذ فى الحلاقة لنفسى من غير اى مساعدة
الاسباب :::: بزهق من القعدة عند الحلاق
موفرة للوقت اللى بقضيه عند الحلاق
موفرة للفلوس ..... ده طبعا سبب جانبى ( بس سبب برضه )
من ساعة ما جبت الموزر الوالد بطل يحلق عند الحلاق و بقى يستلفها لفة و كل ما يعدى من قدام الحلاق الراجل هناك يقوله اتفضل يا حاج و ما بتجيش ليه الوالد يقوله معلش اصل شعرى بطل يطلع و ابنى كمان بطل يروح عند الحلاق
اهم سبب هو الخوف من نقل العدوى
الوالد طبعا اصلع .......... المهم لما كنت صغير و كنت انفرزه و اقوله يا اقرع ....... يقولى ماشى استنى شوية و انت ح تبقى زيي .......
اروح جرى لامى و اقولها يا ماما هو انا ح ابقى اقرع زى بابا لما اكبر ....... تقولى لا ما تخافش ... انت ح تطلع زى اخوالك مش اقرع ....
و صلت لعشرين سنة و شعرى زى ما هو ......... بس الوالد كان يفضل يخوفنى و يقولى ح تبقى اقرع زى ابوك على الخمسة و عشرين سنة
......... عديت الــ 25 قالى تانى حتبقى اقرع زيى لما توصل للـ 30 ........ و صلت الان للـ 37 برضه يقولى ح تبقى اقرع زييى لما توصل للـ 40 ........ قلتله فى الاخر انسى خلاص ........ عدينا يا يروقة عدينا .........
المهم ::::::::::: التحليل النفسى لحالتى ::::::::::
انى بقيت فى النص بين اقرع و مش اقرع ( عشان بحلق نمرة 3 )
السؤال هنا ::::::::: هل عندكم نص عضوية ؟؟؟؟؟؟؟!!!!!!!
كنت اقرع و مبسوط بس دلوقتي بشعر عشان المدام مبتحبنيش اقرع ...... وطبعا لازم الواحد شخصيته تبقى قويه و يقول حاضر :36_2_49[1]:
ممكن انضملكم كعضوا عابر سبيل ... لانى بدأت الموضوع ده من 15 سنة كدة وكان ساعتها بمزاجى ( كلام يوحى انى لما بعملها دلوقتى بعملها غصب عنى ) .
وبعمل العملة المنورة دى على فترات متباعدة ... خصوصاً فى فصل الصيف أو رمضان .
لاكن لسة مبدأتش القرص بتاع السنة ديت لاعطال فنية ... وكمان شكل الماكينة الموسر هى الرعى الرسمى للقرع مع انى لما بعملها بعملها عند الحلاق .
وبعد صور الامورتين وكم اللانوار المعكوسة على رؤوس الاعضاء فى نايل موتورز ... فتحتوا نفسى انى أعجل بالامر الحتمى بالوقوع تحت يد اللى مبيرحمش .
اخوكم اقرع طازة
لسه راجع من العمرة وجايبها Zerooooooooooooooooooooo بالموس
ومنورة 300 وات :idea:
السلام عليكم ,
أنا كمان معاكو فى الحزب , أنا من ساعة ما عملت عمرة فى 2004 و كنت حالق بالموس و أنا على طول بحلق نمرة واحد و بصراحة مريحة جدا جدا جدا و مفيش اى مشاكل نهائى و بحلق كل اسبوعين تقريبا سواء صيف او شتاء بس معنديش مكنة فى البيت و بما ان حضرتك من العباسية و انا كمان من العباسية أنا كنت بحلق عند الحلاق اللى امام قسم الوايلى قبل ما اتجوز و انقل مدينة الشروق
أحلى حاجة فى الصيف لما تاخد دش الصبح قبل ما تنزل و الميه تنزل كدة على رأسك مباشرة , أحساس جميل
بسم الله نفتتح جلسة اليوم حزب القرع
جدول اعمال اليوم
بعد الترحيب بالاعضاء الجدد و الاعضاء الترانزيت و العضواية الصغنونة جودي
1- استعراض اهم المشاكل التي تواجه القرع وسبل التغلب عليها
2- مناقشة سبل تطوير الحلاقة المنزلية للقرع و افضل اساليب الحلاقة الذاتية دون الحوجة لعم سيد الحلاق
...
في انتظار آراء الاعضاء
انا بحب احلق قرعة و خصوصا فى الصيف و بحلق كل اسبوعين و عند الحلاق .
القرعة جميلة فى الصيف بس فى الشتا تلاجة
بس بصراحة مريحة جدا فى كل حاجة
اسمحولي أنضم لكم كعضو قديم في الحزب منذ 2003
نمرة واحد وليس زيرو :)
السلام عليكم و رحمة الله و بركاته
ياااااااااااااااااااااااه
الزيرو ده مزاااااااااااااااااج و مايعرفش قيمته الا اللى جربه, آى و الله .
نعمة فعلاااااااااااا, أنا بحلق عالزيرو كل أسبوع تقريبا بالمكنة.
أنا بقيت كويس فى الموضوع ده و بعرف أجيب القفا من غير مساعدة حد لأنى مش متأهل لسه :36_1_50[1]: و كمان وفرت ال15 جنيه بتاع الحلاق اللى بياخدها فى 3 دقايق و يقعد بتاع 10 دقايق كده يحنتف و هو مخلص من بدرى أصلاااااااا !!!! :untitled 1: و أنا ببقى عاوز أقوله, يا عم بلاش الاشتغالات دى بقى.
القفا بالمكنة بتاخد منى وقت شوية, بس بجيبه, أنا قررت أنى أتعلم أحلق لنفسى بالموس, عشان تبقى زيرو جدا:16:, زيرو خالص:16:, أما أشوف, هجيب القفا ازاى بالموس؟؟؟!!!!
منورين الإجتماعى بموضوعكم :)
هههههههههههههههههههه
موضوع منور بأصحابه صحيح
بس أوعوا حد يخبط حد بالروسية ::: تحصل شرارة تولع الدنيا ....
شامم ريحة تهكم وتريقة من بعض الزوار ... اللى عنده كلمة حلوة يقولها واللى منعدوش ميقولش . :H_angry[1]:
من المشاكل التي تواجه القرع هي الامثال والنكت التي تتهكم على القرع
ومنها مثلا
..
واحد بيشتري بطيخه لقى البياع اقرع .... مارضيش يشتري وقال ماهو باين من عنوانه
اتنين قرع خبطو في بعض طلعو شرارة
واحد اقرع لقى قملة ماشية على دماغه .... قاللها ايه اللي جابك هنا ع الاسفلت
واحد من عيله كلها قرع ..... اتجوز واحدة اهلها كلهم قرع .... خلفو واد ..... يا تري سموه اييييييه ؟؟؟؟؟ الجواب بعد صلاة الظهر
ههههههههههههههههههههه يسموه قرعون .... يا حاج أحمد
وتقبل الله صلاتك يا فندم ... أدعى لنا معاك
والله موضوعك دمه خفيف جدا ضحكتنى وأنا مضايقة .... أضحك الله سنك وفرج همك
منورين يا قرع. والله أنا نفسي أنضم ليكو. أسهل وأوفر ثمن الحلاق وثمن الجل وثمن ووقت المشط :). بس خايف من منظري أقرع وتريقة الناس